Matio 10:3 - Nouveau Testament en Ngienboum

³ ńgÿo Filib pɔ́ Patelemî, ńgÿo Tomáse pɔ́ Matio, á nkẅè ncùb pà *Roma, ńgÿo Jâg míŋ Alfe pɔ́ Tadé,

Matio 10:3 Referans Kwoze

Megàŋ ntúm 1:13

Pɔ́ kúu Yerósalem, ńkwɔ́’ɔ ná ndêg we tÿǒ, ńkúu tsɛ̀ɛ lûm ndá gẅie pɔ́ lɔ́ɔn ńcú’te wó. Wɔɔn laa Piɛ, ńgÿo Jâŋ pɔ́ Jâg, ńgÿo Ndeléya. Wɔɔn gwɔ́ Filib, ńgÿo Tomáse, pɔ́ Patelemî mbɔɔ Matio. Wɔɔn gwɔ́ Jâg míŋ Alfe, ńgÿo Símo gẅie mé lɔ́ɔn ńtóŋo yé le mûɔ ngwòŋ, pɔ́ Jẅide míŋ Jâg.

Malékuse 3:18

Yěsô gíŋe ńtsɔ́’ɔ Ndeléya, pɔ́ Filib, ńgÿo Patelemî nê Matio, pɔ́ Tomáse, ńgÿo Jâg míŋ Alfe, ńgÿo Tadé nê Símo mûɔ ngwòŋ,

Malékuse 2:14

Á ne ńgiŋe, ńgyá Lěvi míŋ Alfe, á ńnéŋe jʉ’ gie mé kẅé ncùb pà *Roma wó. Yěsô gɔɔn né yé ngie: Tóo pɔgɔ zɔ cʉ́’ʉ ńgiŋe. Lěvi lu ssé ńcʉ́me nzèm yé.

Matio 9:9

Yěsô fó jʉ’ó ńgʉa, ńgwaa cʉa jʉ’ gie mé kẅé ncùb pà *Roma wó, atsɔ̌ nyìŋ ńnéŋe, lezíŋ sé gwɔ́ lê Matio. Yěsô gɔɔn né yé ngie: Tóo pɔ́gɔ zɔ cʉ́’ʉ ńgiŋe. Á lu ssé, ńcʉ́me nzèm yé.

Ŋwà’ne Jâŋ 21:2

Etsɔ́ *ngàŋa kwò Yěsô la pú ńcú’te tà’a jʉ’. Wɔɔn laa Símo Piɛ, né Tomáse mélefág, ńgÿo Natanaye mûɔ Kána tsɛ̀ɛ pàga ngwòŋ Galilea, nê pènkʉ́ Zebede, mbɔɔ yetsɔ́ *ngàŋa kwò Yěsô yépʉ́a.

Ŋwà’ne Jâŋ 11:16

Tomáse gẅie mé lɔ́ɔn ńgíŋe ńtóŋo yé le mélefág, gɔɔn mbwo yetsɔ́ *ngàŋa kwò Yěsô ngie: Pi tó pega pɔ́ gʉa, ḿbúte ńkwé.

Jẅide 1:1

Àa mèŋ Jẅide, nyìŋ gẅie à fa’a fà’a Yěsô Kristo, ńgwɔ́ fɛ́ Jâg. N túmo yɔɔn ŋwà’ne ńnáa mbwo pi pie Tá wege Ssé la tóŋo gẅí. À kwoŋo gẅi ńne ńtÿɔ́’te gẅi ńdɔgɔ ńzẅí’te Yěsô Kristo.

Ŋwà’ne Jâg 1:1

Àa mèŋ Jâg, mèŋ fa’a fà’ Ssé, mbɔɔ ye Cʉ̀apʉ̀a Yěsô Kristo. Mèŋ n náa yɔɔn ŋwà’ne á mbwo pi púɔ Ssé pie ée nà mengẅɛ̀ ndá pà Israel ntsɔ̀b pʉ́a nê legém, mbà pɔ́ léen sa jʉ’ ntsèm tsɛ̀ɛ mengwòŋ. Mèŋ n tsyɛ’té gẅí.

Galatia 2:9

Jâg, Piɛ mbɔɔ Jâŋ, é pʉ̀a pie mé lɔ́ɔn ńdíe wɔ́b pá’ mentóon tsɛ̀ɛ cú’tè pʉ̀a Kristo la, la gwɔ́ tà ńzsé ngie e Ssé la kwa’ ńcʉ́me yɔɔn fà’ mbwo mèŋ, ńnáa pwó né peg Panebâse, lélɔg ńda’te ngie pega pɔ̌ ee tà’ ncwò nà fà’a Ssé. Pú’u, peg gẅiin légʉa tsetsɛ̀ɛ pʉ̀a pie é té pà Yuda wɔ́, ńtsẅi nkʉ̀ mbòŋo, pɔ́b yɔ́b pâ Piɛ gẅiin légʉa tsetsɛ̀ɛ pà Yuda ńtsẅi.

Galatia 1:19

é té ndà’ yé wɔ́, mbà mèŋ n da tè gíŋ ńgyá tsɔ̌ ngàŋ ntúm Yěsô we ndyɛ̀’ɛ wɔ́, n da gíŋ ńgyá pɔ́ Jâg fɛ́ Cʉ̀apʉ̀a.

Megàŋ ntúm 21:18

Njÿó gÿo ńdʉa, pega Pɔl gʉa mbʉ̀a Jâg, ńkúu wó pàkẅé mvfò tsɛ̀ɛ cú’tè pʉ̀a Kristo ye Yerósalem pú ńtó yɔ́b.

Megàŋ ntúm 12:17

Piɛ myɛ’te pwó ńdɔg ńgɔɔn ngie pɔ́ láŋte. Pɔ́ láŋte, á zye lépíte shwóŋó wɔ́b pá’ Cʉ̀apʉ̀a ně ńgÿo tá á kẅɛɛ ndá tsǎŋ, ḿbiŋ ńgɔɔn né pɔ́b ngie: Pi gʉa ńtsẅii yɔɔn nò, á mbwo Jâg mbɔɔ mbwo petsɔ́ mefɛ́ mefɛ́, ńgɔɔn pú’u, ńkẅɛ, ńgʉa lê jʉ’e ndyɛ̀’ɛ.

Lukase 5:27

Yěsô gÿo ńkẅɛ ńne ńgee, ńgyá tsɔ̌ nyìŋ gẅie mé tóŋo yé le Lěvi, á gwɔ́ *nkẅè ncùb pà Roma, ńnéŋe jʉ’e mé kẅé ncùb pà *Roma wó. Yěsô gɔɔn né yé ngie: Tóo pɔgɔ zɔ cʉ́’ʉ ńgiŋe.

Megàŋ ntúm 15:13

Pɔ́ píte tà ńtsẅé jʉ’, Jâg gɔɔn yé ngie: Mefɛ́ pɔ́ɔn, pi zẅí’te nò gie mèŋ n gee ngɔ̌ɔn.

Ŋwà’ne Jâŋ 14:22

Jẅide, mé ké tě ńgɔɔn Iskariod wɔ́, gɔɔn né Yěsô ngie: Andè, á ge gwɔ́ lêkɔ́ tá ɔ̀ gÿo peg ndà’ zɔ gyá gú, epʉ̀a metsèm le gyá gú wɔ́?

Ŋwà’ne Jâŋ 14:9

Yěsô gɔɔn né yé ngie: Filib, pege neŋé nzẅìŋ wɔɔn, ɔ̀ nyé pɔ́ tè zsě wɔ̀ɔn la? Nyìŋ gẅie à gyǎ wɔ̀ɔn la, à gyǎ Tá wɔ̀ɔn. Ɔ̀ gǎ tá ngie nyɛɛ wég Tá gù ŋwɛ́?

Matio 27:56

Á laa tsetsɛ̀ɛ pɔ́b, wɔɔn gwɔ́ Malîɛ Magdala, ńgÿo Malîɛ má pà Jâg pɔ́ Yesyɛ̂b, ńgíŋ ńgÿo má pà gubé Zebede.

Matio 18:17

Tá’ á ké ńdʉ’ʉ lé jú’u nò gie pɔ́ gɔ̌ɔn, ɔ̀ lɔgɔ yɔɔn nò ńgʉa *ndá cú’tè pʉ̀a Ssé. Á piŋ ńdʉ’ʉ lé jú’u nò gie cú’tè á gɔ̌ɔn, ɔ̀ cʉ́’ ńdíe yé pɔ́ pá’ nyìŋ gẅie à tè Ssé zsé, ka pɔ́ pá’ mé líe nkẅè ncùb pà *Roma wɔ́.

Malékuse 15:40

Etsɔ́ panzwě la tyé yɔ́b pɔ́ ngʉ̀a shʉ̀shʉ̀a ńne ńdíe. Malîɛ Mágdala pɔ́ Salomé, ńgÿo Malîɛ má pà Joses, mbɔɔ we Jâŋ we nkʉ́ gwɔ́ tsetsɛ̀ɛ pɔ́b,

Lukase 18:10

ńgɔɔn ngie: Tsɔ́ pʉ̀a mépʉ́a lá’ ḿbʉʉ *jʉ’ʉ Ssé lésẅíŋte Ssé, tà’ gwɔ́ nyìŋ nà nùɔ pà *farisay, wetsɔ̌ gwɔ́ nkẅè ncùb pà *Roma.

Lukase 18:11

Nyìŋ *farisay kúu wó, ńtyé mángyɛ̌ ńně sẅíŋte Ssé ngie: E Ssé yɔ̀ɔn, mèŋ n nǎ ndǎg mbwo gù tɛ’, ńtí pá’ ɔ̀ la gÿo mèŋ n tè gwɔ́ pá’ petsɔ́ pʉ̀a mesoŋ wɔ́. Pɔ́ ée metsǒŋ, pɔ́ té gÿo mmó gie ɔ̀ ne ńkwòŋo wɔ́, éfʉte mezwě pɔ́b, mèŋ n nǎ ndǎg mbwo gù, mélà’mie mèŋ n tè pá’ nkẅè ncùb pà *Roma ŋwɛ́ wɔ́.

Lukase 18:13

Ankẅè ncùb ŋwɛ̌ tyé yé pɔ́ taa nzèm, éfó tè ku’u lépʉ’ʉ twó yé ńdíe tÿǒ wɔ́, ńcʉ́’ sɔbɔ twó yé ssé ńgɔɔn ngie: E Ssé yɔɔn, tsɔ́ɔn mezìŋe mɔ́ɔn, mèŋ n deen ńgwɔ́ pɔ́ nyìŋ tepòŋ.

Lukase 19:2

atsɔ̌ nyìŋ kẅɛ, lezíŋ sé gwɔ́ le Sakîo, á gwɔ́ tá ndá pàkẅé ncùb pà *Roma, ńgwɔ́ ngàŋa mmó tɛ’.

Ŋwà’ne Jâŋ 1:48

Natanayɛl zɛ́te Yěsô ngie: Ɔ̀ zsé wɔ̀ɔn nzɔ̌? Yěsô tsɔ́’ɔ mbwo yé ngie: Filib ně ńgwaa tóŋo gú pá’a mèŋ n ně ńgyá gú gyá. Ɔ̀ kěen ńnéŋe le tsìŋe tÿǒ mbÿě ngem.

Ŋwà’ne Jâŋ 14:5

Tomáse gɔɔn né yé ngie: Andè, peg tè ne ńzsé jʉ’ gie ɔ̀ gee né wó wɔ́. Peg ge gǎ tá zsé mánzsè?