Matio 1:22 - Nouveau Testament en Ngienboum

²² Mɔɔn menò lɔgɔ ḿbumte pá’ɔɔn nà shwóŋó gie Cʉ̀apʉ̀a la lɔ́g ncwò Ntsẅì Nkʉ̀ we ńgɔɔn ngie:

Matio 1:22 Referans Kwoze

Lukase 24:44

MÀpfɛ́ tà ḿmag, ńgɔɔn né pɔ́b ngie: Pi gyá mmó gie n kɔ̌ɔn shwóŋó gẅí, á fʉ̀’ gie pege ka nyě ńzɔ́gɔ. Mèŋ n da shwóŋó gẅi ngie á ne ńzɛ́te ngie yɛ̌ kɔ́ wɔ́ gie mé la ŋwe’e ná mèŋ wɔ́ à pumte. Menò ŋwɛ́ ntsèm ntsèm ée tsɛ̀ɛ ŋwà’ne Mǒsê, mbɔɔ tsɛ̀ɛ ye *pàntsẅì nkʉ̀ Ssé lâ ye Mezɔ́bɔ Ntse.

Matio 2:23

ńgʉa tà ńkúu wó, ńně ńtsẅé tsɛ̀ɛ tsɔ̌ tÿǒsoŋ, mé tóŋo lê Nǎzarɛd, á lɔgɔ ḿbumte ná pá’ pà *ntsẅì nkʉ̀ Ssé la tʉ́ njÿó ńgɔɔn nò ná *Nzà’nkÿo ngie: «Mé ge lá’ tóŋo yé lê nyìŋ Nǎzarɛd».

Megàŋ ntúm 3:18

Tá’, e Ssé fó mǒ ńgÿo anò gie à la tʉ́ njÿó ńdɔg ncwò pà Ntsẅì nkʉ̀ pé métsèm ńgɔɔn á pumte. Yɛ̌ nò gwɔ́ ngie *Nzà’nkÿo we kɔ̌ɔn ńge lá’ gyá ngɔ́’.

Ŋwà’ne Jâŋ 18:9

Á laa pú’u, ashwóŋè gie Yěsô ně ńgɔɔn mbwo Ssé lɔgɔ ḿbumte. À ně ńgɔɔn ngie: Atsɔ̌ tà’ ná pʉ̀a pie ɔ̀ la náa mbwo mèŋ la, kaa pyé.

Matio 13:35

Á lɔ̌ɔn ńgÿo pú’u, légwɔ́ gie nò yɔɔn gie *ntsẅì nkʉ̀ Ssé la gɔɔn lɔɔn ge pumte. À la gɔɔn ngie: «Mèŋ n ge gÿo lɔg mesagá nò éshwóŋó wɔ́b nò. Mèŋ n ge gÿo shwóŋó wɔ́b menò mie ée lelyěen tà fó fʉ̀’ gie mé la nyɛte njÿó».

Ŋwà’ne Jâŋ 17:12

Á kaa fʉ̀’ gie peg lâ pɔ́ ka gwɔ̌, mèŋ n ne ńdɔgɔ metʉ̀ mú, é metʉ̀ mie ɔ̀ la náa mbwo mèŋ la, ḿbyɛ́bɛ wɔ́b. N ka tÿɔ́’te wɔ́b tà tsɔ̌ tà’ nyìŋ ná pɔ́b tè pyé. Nyìŋ gẅie á la ne ńzɛ́te ngie à pyé zɔ ká pyě. Á lɔgɔ ḿbumte nà nò gie mé la ŋwe’e tsɛ̀ɛ ŋwà’ne Ssé.

Ŋwà’ne Jâŋ 15:25

Áa pú’u, ńdɔgɔ ḿbumte nà nò gie mé la gɔɔn tsɛ̀ɛ ŋwà’ne *lepʉ̌ yɔ́b ngie pɔ́ ka pʉa wɔ̀ɔn pɔ́ lê sóon.

Ŋwà’ne Jâŋ 10:35

Pege metsèm ne ńzsé ngie mmó gie mé la ŋwe’e tsɛ̀ɛ ŋwà’ne *lepʉ̌ Ssé á téen ńdá’a ńkúbe wɔ́. À lɔɔn ńgwɔ́ gie Ssé la gɔɔn ngie pʉ̀a pie à gɔɔn nò yé mbwo pɔ́b ée messé,

Matio 13:21

tá pɔ́ té nyé á lyɛ menŋaŋ ntʉ́m pɔ́b wɔ́, á nue pɔ́ gwɔ́ pɔ́ pʉ̀a lyɛ’ɛ́ lá’. Mé gwɔ́ tà ńzye lékʉ́e wɔ́b, ńnyɛɛ wɔ́b ngɔ́’ mélà’ nò Ssé pɔ́ gwóon ńgwá’.

Matio 12:17

Pú’u, ànò gie Ssé la lɔg ncwò Ntsẅì Nkʉ̀ we Esǎya ńgɔɔn, á lɔgɔ ḿbumte

Matio 2:15

ńdá’ ńnéŋe wó tà fùɔ *Herôd kwé. Mɔɔn menò lɔgɔ ḿbumte ná pá’ Cʉ̀apʉ̀a Ssé la tʉ́ njÿó ńdɔg ncwò Ntsẅì Nkʉ̀ we ńgɔɔn ngie: «Mèŋ n ge gÿo Míŋ wɔ̀ɔn fó tsɛ̀ɛ ngwòŋ Egipto ḿbiŋ nzèm»

Matio 8:17

Á lɔgɔ pú’u, ḿbumte ná nò gie à *ntsẅì nkʉ̀ Ssé Esǎya la gɔɔn ngie: «Yé zɔ la kaa *melɔ̌’ mégè ḿbi’, ńgíŋe fó nà pège ńkẅile meguɔ mégè ḿbi’».

Matio 5:17

Tà pi kwaŋ ngie mèŋ n ka tǒ lépyág *lepʉ̌ Mǒsê ka pɔ́ nò gie pà *ntsẅì nkʉ̀ Ssé la gɔɔn wɔ́. Ngǎŋ, n ka tè tóo lépyág wɔ́, mèŋ n ka tǒ pɔ́ légÿo mé cwoŋo ńjú’.

Lukase 21:22

À lɔgɔ pú’u, ńgwɔ́ lyɛ̌’ gie Ssé ńnéŋe ngʉ̀ngʉ̀ twó pʉ̀a Yerósalem. Menò mie mé la ŋwe’e tsɛ̀ɛ ŋwà’ne Ssé lɔgɔ ḿbumte.

Ŋwà’ne Ngyà jʉ’ 17:17

Á nue e Ssé la kwaŋa mmó ńnéŋe ntʉ́m pɔ́b pá’ pɔ́ zɔ̌ ge cʉ́’ gÿo mmó gie à la kwaŋ. Á gwɔ́ pá’ mendóŋ ŋwɛ́ legém ge gẅiin tà’ nkwaŋá, é cú’te lefùɔ sɔ́b náa mbwo nɔ̀ɔn, e gwɔ́ pɔ́ mbwo yé tà lá’ ńkú lyɛ̌’ gie ammó gie Ssé la gɔɔn á pumté.

Roma 1:2

Ntyě sǎg pá’ Ssé la la’ ńka’ wɛ̌ Nkʉ̀ Mbòŋo tà ńgÿo pà Ntsẅi nkʉ̀ pé pe fʉ̀’ʉ mvfò ŋwe’e tsɛ̀ɛ ŋwà’ne yé.