Malékuse 9:50 - Nouveau Testament en Ngienboum

⁵⁰ Ngwáŋ ée ssé ńgwɔ́ mmó mbòŋo tá’, é lɔɔn ńgwɔ́ tà é té ńnyé ne ńdʉme wɔ́ mé gíŋe ńdɔgɔ kɔ́ ńgÿo tá é gíŋe ńdʉm? Á poŋ ngie kwà’ ngwáŋ mbòŋo gwɔ́ lóŋ pi, pú’u, asẅétè gwɔ́ tsetsɛ̀ɛ pi.

Malékuse 9:50 Referans Kwoze

Kolosia 4:6

Pi gwɔ́ fʉ̀’ ntsèm ńgẅiin pɔ́ ncwò mbòŋo, ńgɔɔn pɔ́ nò gie á ge kẅéte, ńtsɔ́’ɔ nò mbwo nyìŋ pɔ́ pá’ á kě ḿboŋ ngie mé tsɔ́’.

Roma 12:18

Mbàa yɛ̌ nò wɔ́ lɔɔn ńgwɔ́ ssé, tà shÿó gwɔ́ mbwo gù, ɔ̀ gÿo pɔ́ légwɔ́ gie pia pʉ̀a métsèm ge ńnéŋe lê mbʉ́lè.

Matio 5:13

Pi zɔɔ ngwáŋ tsɛ̀ɛ njÿó. Ngwáŋ ee pé’e ńgwɔ́ gie é lɔɔn ńcʉ́’ ńdebe lebe, mbà à lɔɔn ńgwɔ́ mé gÿo lêkɔ́ tá é gíŋe ńdʉm? É té gíŋe ńku’u nà tsɔ̌ nò wɔ́, mé cʉ́’ ńgẅiin pɔ́ lepÿɛɛ pǐ, mé lɔg mekwò ńneŋte.

Heber 12:14

Pi fa’ pá’ pia mânyìŋ ntsèm ge ńnéŋe lê mbʉ́lè. Pi fa’ mbɔɔ pá’ pi ge gÿo mmó gie Ssé tè gyá *lɔ̌’ mǒ wɔ́. Á nue nyìŋ lɔɔn ńgÿo mmó gie e Ssé ge gyá *lɔ̌’ mǒ, ngaŋ lelá’ ńgyá Cʉ̀apʉ̀a wɔ́.

2 Korento 13:11

Á nà fʉ̀’ɔɔn mefɛ́ pɔ́ɔn, pi ńnéŋe nê lekág. Pi ne fa’a shÿó pá’ tsɔ́ *lɔ̌’ té ge gwɔ́ tsetsɛ̀ɛ pi wɔ́. Pi ne ńkẅiŋte mennɛ́ mí. Pi ne ńgẅiin tà’ ncwò, ńnéŋe lê mbʉ́lè, à cʉa pú’u, e Ssé, yé gẅie à gẅiin nkwòŋe pɔ́ mbʉ́lè gwɔ́ tsetsɛ̀ɛ pi.

Filipo 1:27

Ammó lÿò gie pi kě ńgẅiin légÿo á gwɔ́ pɔ́ ngie, pi ké ńne ńgiŋe pɔ́ ná mà we pʉ̀a pie é jú’u nkʉ̀ mbòŋo Yěsô Kristo. Á nà ntí gie n dɔɔn ńtó gyá gẅi lo, éfó tè tó lo, n ké ne ńjú’u pɔ́ pá’ mé gɔɔn ngie pi nyě ńgẅiin pɔ́ tà’ ncwò, ńne ńdɔgɔ pɔ́ tà’ ntʉ́m ńdÿɔ́’ɔ, légwɔ́ gie pi ge pɔ́ɔnte nò gie pi la zẅíŋ, á gwɔ́ nò nénʉ́ gie á fóo ná nkʉ̀ mbòŋo.

1 Tesalonika 5:13

Pi gÿo mekù’ mɔ́b mboŋó, ńkwoŋo wɔ́b tɛ’, ńtí twó fà’ gie pɔ́ ée mǒ, ḿbɔ́ɔn cÿɔ́g tsetsɛ̀ɛ pi.

Efeso 4:29

ḿbɔ́ɔn mbɔɔ tà’a shwóŋè tepòŋ lékẅɛɛ ncwò pi. Pi gɔɔn pɔ́ nò gie á ge kẅéte ná yɛ̌ fʉ̀’, à gwɔ́ pɔ́ shwóŋè mbòŋo gie á ge kẅéte tsɔ́ pʉ̀a pɔ́ kẅi’i ńzáb ntʉ́m nà Ssé. Pi gɔɔn pɔ́ nò gie á ge kẅéte wɔ̌wɔ́ɔ ná pʉ̀a pie é ne ńzẅí’te.

1 Piɛ 3:8

Mèŋ n ge gwaa cʉ́me, é gɔɔn fʉ̀’ɔɔn mbwo mânyìŋ ntsèm ngie, pi gẅiin tà’ ncwò, nyìŋ gẅi gyá nò nyìŋ pá’ yé, ńgwɔ́ ngàŋa tsɔ́ɔn mezìŋe, ńgẅiin nkwòŋe mefɛ́ mefɛ́, ńná nnɛ́ ssé.

Ŋwà’ne Jâg 1:20

mélà’mie nyìŋ lɔɔn ńgyáŋa lóŋ, mbà à tě ńdɔgɔ ńgÿo mmó gie áa ndʉŋ ndʉŋ mvfò Ssé wɔ́.

2 Timote 2:22

Kÿo shúm tepòŋ sie nkàŋ nyìŋ tsɔ́ɔn. Pia pʉ̀a pie pɔ́ tóŋo Cʉ̀apʉ̀a lê ntʉ́m mbòŋo fa’a nò gie á tyé ndʉŋ ndʉŋ, ńzáb ntʉ́m nà Ssé, ńkwoŋ pʉ̀a mesoŋ, éfa’ mbʉ́lè.

Kolosia 3:12

E Ssé la kwoŋo gẅí, ńtsɔ́’ɔ gẅí, ńdɔg ńgÿo pʉ̀a pé. Pú’u la, pi píi tsẅé sẅé ḿma’, ńtsɔ́ɔn mezìŋe petsɔ́ pʉ̀a tɛ’, ńgẅiin pòŋo ntʉ́m, ńná nnɛ́ ssé, ńgwɔ́ ngàŋ mbʉ́lè, ńgẅiin shÿɔ̀gɔ ntʉ́m.

Galatia 5:22

Tá’, menò mbòŋo mie Zẅìge Ndʉalʉ̌a gÿo nyìŋ gÿo é mɔɔn ńgwɔ́ légẅiin nkwòŋe, ńgwɔ́ léńnéŋe nê lekág, ńgwɔ́ léńnéŋe lésẅete, ńgwɔ́ légẅiin kwɔ́gɔ nnɛ́, ńgwɔ́ létyé lékẅéte pʉ̀a, ńgwɔ́ légẅiin pòŋo ntʉ́m, ńgwɔ́ léńnéŋe té gwɔ́ ngàŋ mepàb,

Malékuse 9:34

Pɔ́ té tsɔ́b, á nue pɔ́ kɔ’ɔ́ mánzsè, ńne ńzoŋo fa’a nyìŋ gẅie aa tsetsɛ̀ɛ pɔ́b ńgwɔ́ ndÿò wɔb metsèm.

Malékuse 9:49

Pi zsé ngie mmɔ̌g ge lá’ táŋte mawɔ̌wɔ́ɔ ndʉŋ ndʉŋ pá’ mé lɔgɔ ngwáŋ ńtáŋte shúm pwɔ́’.