Malékuse 9:47 - Nouveau Testament en Ngienboum

⁴⁷ ḿbiŋ ńgwɔ́ gie lejÿɔ́g shú zɔ ne ńtsóte ɔ́, ɔ̀ fʉa nò, ɔ̀ tsɔ́’ ńgwá’, mvfò ee gú légwɔ́ pyè lejÿɔ́g tá ńké ńkúu nà nò *Lefùɔ Ssé, ńcʉa pá’ à lɔɔn ńgwɔ́ ɔ̀ gẅiin menÿɔ́g mú mémbʉ́a mé piŋ ḿma’a gú tsɛ̀ɛ jʉ’ʉ mmɔ̌g,

Malékuse 9:47 Referans Kwoze

Matio 18:9

Á lɔɔn ńcʉ́’ gie lejÿɔ́g shú tsóte ɔ́, ɔ̀ fʉa nò, ɔ̀ tsɔ́’ ńgwá’ á ngʉa shʉ̀shʉ̀a. Mvfò aa gú légwɔ́ pyé lejÿɔ́g ndá’ ńgwɔ́ wó, ńcʉa gú légẅiin menÿɔ́g mémbʉ́a, ndá’ ńkúu tsɛ̀ɛ mmɔ̌g.

Malékuse 9:43

Apwó ɔ́ zɔ lɔɔn ne ńtsóte gú ńnéŋe tsɛ̀ɛ mefʉ̀a, ɔ̀ zá’ ńgwá’, mbòŋo ee gú légwɔ́ kème pwó, tá ńké ńdá’ ńgwɔ́ wó, ńcʉa gú légẅiin mbwó mbʉ́a, tá ḿbiŋ ńkúu tsɛ̀ɛ jʉ’ gie mmɔ̌g ée wó, ńgwɔ́ gẅie é téen ńdá’a ḿbyé tsɔ́ lyɛ̌’ wɔ́,

Matio 5:22

Tá’ mèŋ n gɔ̌ɔn yɔ́ɔn né pi ngie: Nyìŋ lɔɔn ńgyáŋa lóŋ nà fɛ́ we, mé gẅiin lélɔgɔ yé ńgʉa mvfò ntsɔ́’te mentsaŋ. Nyìŋ gẅie à toŋó fɛ́ we lê gʉ̀gʉ̀, mé gẅiin lélɔgɔ yé gẅie à tǒŋ ńgʉa mvfò cú’tè pàsá’a lá’. Nyìŋ gẅie à toŋó fɛ́ we lê tè zsé Ssé, à ku’u nyìŋ gẅie ńgwɔ́ Ssé ma’a yé mmɔ̌g.

Galatia 4:15

Lekág gẅie à laa ntʉ́m pi, à kéen ḿpfó nzɔ̌? Mèŋ n ku’u légɔɔn ngie á la pé’e ńgwaa ńgwɔ́ pi tsɔ́’ menÿɔ́g mí ńdɔg ńkúbe mɔ́ɔn, mbà pi la tsɔ́’ ńdɔg ńkúbe fʉ’ó.

Lukase 14:26

Nyìŋ lɔɔn ńcʉ́me nzèm mèŋ, à tè kwoŋo wɔ̀ɔn ńcʉa tá we, ńcʉa má we, ńcʉa nzwě we, ńcʉa pènkʉ́ pé, ńcʉa mefɛ́ pé pe mbàŋa mbɔɔ pe pànzwě, ńcʉa mbɔɔ kwà’ twó mbùm yé wɔ́, mbà à tè ku’u légwɔ́ *ngàŋa kwò wɔ̀ɔn mɔ́.

Malékuse 9:46

[á jʉ’ gie mentẅintẅɛ mie ée ntěen ńkwé wɔ́ pfɛ́ mepfó pʉ̀a wó. Mmɔ̌g gẅie é kÿó wó, é téen ńdá’a ḿbyé wɔ́,]

Ŋwà’ne Jâŋ 3:3

Yěsô tsɔ́’ɔ mbwo yé ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le gyá *lefùɔ Ssé té gwɔ́ gie mé giŋé ńzyé yé tsɔ́ legʉ̀a wɔ́.

Ŋwà’ne Jâŋ 3:5

Yěsô tsɔ́’ ngie tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le kúu tsɛ̀ɛ nò *lefùɔ Ssé té gwɔ́ gie mé lɔ̌g ntse ńzyé yé, ńgíŋe ńdɔgɔ zẅìge ńzyé yé wɔ́.