Malékuse 9:4 - Nouveau Testament en Ngienboum

⁴ *Ngàŋa kwò Yěsô pɛ̌ métá gyá, mbà *Elîɛ pɔ́ Mǒsê kẅɛ̌ ńtyé, pâ Yěsô ne shwóŋe.

Malékuse 9:4 Referans Kwoze

Ŋwà’ne Ngyà jʉ’ 19:10

N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.

Ŋwà’ne Jâŋ 5:39

Pi mwoon ŋwà’ne Ssé, mélà’mie pi ne ńkwaŋa ngie pi ge cʉa mǒ gẅiin le gwɔ́ tèmì. Yɛ̌ zɔ ké ne ńgɔɔn nyìŋ gẅie mèŋ n gee wɛ̌.

Lukase 24:44

MÀpfɛ́ tà ḿmag, ńgɔɔn né pɔ́b ngie: Pi gyá mmó gie n kɔ̌ɔn shwóŋó gẅí, á fʉ̀’ gie pege ka nyě ńzɔ́gɔ. Mèŋ n da shwóŋó gẅi ngie á ne ńzɛ́te ngie yɛ̌ kɔ́ wɔ́ gie mé la ŋwe’e ná mèŋ wɔ́ à pumte. Menò ŋwɛ́ ntsèm ntsèm ée tsɛ̀ɛ ŋwà’ne Mǒsê, mbɔɔ tsɛ̀ɛ ye *pàntsẅì nkʉ̀ Ssé lâ ye Mezɔ́bɔ Ntse.

Lukase 24:27

Ńgɔɔn pú’u, ńzye lékyagte menò ntsèm mie ée tsɛ̀ɛ ŋwà’ne Ssé ńne ńdíe yé, éshwóŋó wɔ́b, ńzye nà meŋwà’ne Mǒsê, ḿbɔ́ɔnte ńkúu tsɛ̀ɛ me *pàntsẅì nkʉ̀ Ssé.

Lukase 9:19

Pɔ́ pÿɛ ngie: Tsɔ́ pʉ̀a ne ngie ɔɔ Jâŋ Mbabtis, petsɔ́ ne ngie ɔɔ *Elîɛ, petsɔ́ ne ńgɔɔn ngie ɔɔ tsɔ̌ tà’ ná *pàntsẅì nkʉ̀ Ssé pe fʉ̀’e mvfò, gẅie à zǐm.

Matio 11:13

Aa pá’ɔɔn, mélà’mie Mǒsê pâ pà Ntsẅì Nkʉ̀ Ssé metsèm la gɔɔn nò tà ńkúu ná fʉ̀’ yé Jâŋ.

Malékuse 9:3

Menzsǒ mé pú ńcʉ́’ ńŋwʉŋe ŋwʉŋe, ḿbú fɔ́g tà tsɔ́ mmó gie à lɔɔn ńgwɔ́ nyìŋ lɔg sɔg nzsǒ ndùmo ssé tsetsá’ tà é fɔ́g pú’u, yɛ̌ té wó wɔ́.

Malékuse 9:5

Piɛ leen ḿvele vele ńgɔɔn mbwo Yěsô ngie: Tá weg, á pǒŋ pá’ pege jʉ’ɔɔn lɔɔn. Zẅíŋe peg jwóŋ *mentàb méentá, tà’ gwɔ́ gú, tà’ gwɔ́ we Mǒsê, wetsɔ́ gwɔ́ we *Elîɛ.