Malékuse 9:32 - Nouveau Testament en Ngienboum

³² Á gɔɔn pú’u, *ngàŋa kwò yé ké tè jú’ mboŋó wɔ́, tá ḿbiŋ ne ḿbɔ́gɔ lé zɛ́te yé nò mǒ.

Malékuse 9:32 Referans Kwoze

Lukase 18:34

Tá’, Yěsô gɔɔn pá’ɔɔn, *ngàŋa kwò yé pú tè jú’u tsɔ́ mmó nà nò gie à gɔ̌ɔn wɔ́, ashwóŋè yé ké ńtebe wɔ́b tebe, pɔ́ té jú’u nò gie à lɔgɔ ńgɔɔn mboŋó wɔ́.

Lukase 9:45

Tá *ngàŋa kwò yé té cwoŋo ńjú’u yɔɔn nò mboŋó wɔ́, mbà tsɔ́ mmó jÿɔ̌’ legyè sɔ́b légwɔ́ gie pɔ́ té jú’ wɔ́. Atsɔ̌ nyìŋ wɔb ké tè shÿɔg tà ńzɛ́te yé ngie ɔ̀ fa’a légɔɔn ngie kɔ́ wɔ́, mélà’mie pɔ́ la cʉ́’ʉ ḿbɔ́gɔ pɔ̌g.

Lukase 2:50

À la tsɔ́’ pú’u, pɔ́ ké te jú’u nò gie à lɔgɔ ńgɔɔn wɔ́.

Ŋwà’ne Jâŋ 16:19

Yěsô gyá pá’ pɔ́ ně fa’a lézɛ́te yé nò, ńgɔɔn né pɔ́b ngie: Mèŋ shwóŋó gẅi ngie: Á cʉ́’ʉ méjʉ’ pi le gíŋe ńgyá wɔ̀ɔn mɔ́, à piŋ ńké ńgwaa láte, pi gíŋe ńgyá wɔ̀ɔn. Yɛ̌ zɔ̌ gÿo tá pi fa’a lézɛ́te wɔ̀ɔn nò keen?

Ŋwà’ne Jâŋ 12:16

*Ngàŋa kwò Yěsô gyá yɔɔn nò, pɔ́ té gwóon ńdwo ńjú’ wɔ́. Yěsô gÿo ńgwɔ́ tà ńkúu tsɛ̀ɛ legú’ we á tÿǒ lepwó, tá pɔ́ leen ńké ńkímte ngie mé la tʉ́ njÿó ńŋwe’e yɛ̌ nò ńtí yé, ńgíŋ ńkímte ngie alá’ la gÿo ná yé pɔ́ pá’ mé la ŋwe’e.

Malékuse 9:10

Pɔ́ zẅíŋ pá’ à gɔ̌ɔn pú’u, ńké ńne ńzɛ́te tsetsɛ̀ɛ pɔ́b pɔ́ ngie: À gɔɔn ngie ńzíme nà legwé, ńzíme nà legwé ńdɔgɔ ńgɔɔn ngie kɔ́?

Ŋwà’ne Jâŋ 4:27

Yěsô ne ńgɔɔn pú’u, *ngàŋa kwò yé tó, ńgyá pɔ́ manzwě ně shwóŋe, á pú ńkʉ’ʉ wɔ́b tɛ̀’. Tá’, tsɔ́ wɔb ké tè ku’u lézɛ́te yé ngie áa nò kɔ́ wɔ́ wɔ́, ka légɔɔn ngie pɔ́ yé shwóŋó kɔ́ wɔ́ wɔ́.

Lukase 24:45

Ńdeen ńké ńtsɔ́’ legyè sɔ́b, ńgÿo pɔ́ jú’ menò mie ée tsɛ̀ɛ ŋwà’ne Ssé.

Malékuse 16:14

Yěsô la gÿo ńgíŋe ńnyɛ mbùm ye mbwo *ngàŋa kwò yé tsɔ̀b yémɔ’ɔ́ nê legém métsèm. Pɔ́ gwɔ́ ndá mpfɛ́ɛ mmó. Á kaga wɔ́b ná pá’ pɔ́ ně tè zẅíŋ, ńgíŋe ńdʉ’ mbɔɔ lézẅíŋe nò ncwò pʉ̀a pie à zǐm ńnyɛ mbùm ye mbwó pɔ́b.

Malékuse 8:33

Tá Yěsô sele nnɛ́, ńdíe *ngàŋa kwò yé, ńcÿɔ́gɔ Piɛ, ńgɔɔn le yé ngie: Fó nzèm mèŋ ńtsíŋte nnɛ́ me Sátà, ɔ̀ tě ńkwaŋa pɛ́’ɛ̀, á gwɔ́ pá’ Ssé ne ńkwaŋa wɔ́, wɛ̂ gwɔ́ pɔ́ nkwaŋá pʉ̀a mesoŋ.

Malékuse 7:18

Á gɔɔn né pɔ́b ngie, ńzsé ngie sí legyè nyé ḿvɔ́g vɔ́g pá’ se petsɔ́ pʉ̀a gwâ? Ammó gie á fó nzème pǐ ńkúu ná nyìŋ, á té *lɔ̌’ ná ye néŋ.