Malékuse 9:31 - Nouveau Testament en Ngienboum

³¹ ńně ńzí’i *ngàŋa kwò yé mmó, ńne shwóŋó ngie: Mé ge sẅiŋe *Míŋ Nyìŋ mbwo pʉ̀a mesoŋ pɔ́ gÿo à kwé. Tá’, e gwaa gwɔ́ lyɛ̌’ tá à zím.

Malékuse 9:31 Referans Kwoze

Matio 16:21

Á fó fʉ̀’ ayɛ̌, Yěsô Kristo shʉashʉa ḿbÿe mbwó *ngàŋa kwò yé ngie: Á ne ńzɛ́te ngie à gʉa Yerósalem. À ge kúu wó gyá ngɔ́’ tɛ’ mbwó mekěme lá’, pâ *metándá pànùŋe pwɔ́’, mbɔɔ *pàkyagte lepʉ̌ Mǒsê, pɔ́ gÿo mé zẅé yé. A piŋ nzime na legwé na ḿbɔ́ɔnte lyɛ̌’ tá.

Malékuse 9:12

Á tsɔ́’ɔ mbwo pɔ́b ngie: «Áa nò, a*ntsẅì nkʉ̀ Ssé *Elîɛ vɔgɔ ńtóo lézába kɔ̀ɔkɔ́ɔ nà yé jʉ’», ńzɔɔn ńgwɔ gwɔ́, mbà pá’ mé la gíŋe ńŋwe’e tsɛ̀ɛ ŋwà’ne Ssé ngie: *Míŋ Nyìŋ zɔɔn ge lá’ gyá ngɔ́’ tɛ’, mé kʉ́e yé, mé ŋwe’e pú’u, ńdɔgɔ ngie kɔ́

Malékuse 8:31

Éfó mǒ, ńzye lézí’i wɔ́b mmó, ńgɔɔn ngie: Á ne ńzɛ́te ngie: *Míŋ Nyìŋ gyá ngɔ́’ tɛ’, mekěme lá’ pú ńgwá’a yé, mbɔɔ *metándá pànùŋe pwɔ́’ pâ *pàkyàgte lepʉ̌ Mǒsê, é gÿo pú’u, mé zẅé yé. À piŋ ńzíme nà legwé nà mbɔ́ɔntè lyɛ̌’ tá.

Lukase 24:26

Pi kaa zsé ngie, á ka ne ńzɛ́te ngie *Nzà’nkÿo vɔg ńgyá ngɔ́’ tá ńkúu tsɛ̀ɛ legú’ we wɔ́ ka?

Matio 26:2

Pi zsé ngie, é cʉ́’ʉ ńzága pɔ́ lyɛ̌’ sépʉ́a mé jÿó línɔ́ɔn *Páskà. Mé ge sẅiŋe *Míŋ Nyìŋ, mé kime yé ná tÿǒ nkǐ.

Matio 20:28

Ndʉŋ ndʉŋ pá’ *Míŋ Nyìŋ la te tóo ndùmo ssé tsetsá’, pɔ́ pá’ epʉ̀a mesoŋ gee fa’a mbwó yé wɔ́, á la tó pɔ́ lefa’a mbwó pʉ̀a mesoŋ, éfa’ fa’ tà gíŋe náa twó yé lélɔg ncu’ pʉ̀a tà ńgyɔ́ɔn.

2 Timote 2:12

Pege lɔɔn ńké ńne shÿɔgɔ tsɛ̀ɛ ngɔ́’ shÿɔg, mbà pege lâ pɔ̌ ge gÿo púte sá’a lá’ Tá pege ké ńgwá’a yé, mbà à ge gÿo gwá’a wégè yé.

Ŋwà’ne Jâŋ 10:18

Atsɔ̌ nyìŋ zɔɔn tè ku’u lézẅé wɔ̀ɔn mɔ́, mèŋ n zɔ kwoŋo náa twó yɔ́ɔn. Mèŋ n ku’u léná, ḿbiŋ ńgíŋ ńkẅé. Áa mmó gie tá wɔ̀ɔn la tsẅi ngie mèŋ n gÿo.

Ŋwà’ne Jâŋ 3:14

Ndʉŋ ndʉŋ pá’ Mǒsê la kwɛ́ nnú ná tà’a tÿǒ, ńkwé’e ńnáa tÿǒ, á nkwòŋo tsẅɛ̀ la, á ne ńzɛ́te ngie mé gÿo ńkwé’e *Míŋ Nyìŋ pɔ́ pú’u.

Ŋwà’ne Jâŋ 2:19

Yěsô tsɔ́’ɔ mbwo pɔ́b ngie: Pi keme *jʉ’ʉ Ssé yɔɔn, mèŋ n dɔg lyɛ̌’ sétá, ḿbʉ’ʉ ńtÿɔ́g tÿɔ́g.

Lukase 9:44

Pi cwoŋo ńjú’u nò gie n gee ngɔ̌ɔn lɔɔn mboŋó, ḿbiŋ ńkímte. Mé ne ńgee sẅǐŋ *Míŋ Nyìŋ mbwo pʉ̀a mesoŋ.

Matio 27:63

ńgɔɔn né yé ngie: Ànkwɔbɔ́, peg ne ńkímte tsɔ́ nò. Àngàŋa cÿɔ̌ nò wɛ̌ ka nyé ntentʉ́, ńgɔɔn ngie: Meŋ n ge lá’ zime nà legwé na mbɔɔnte lyɛ̌’ tá

Malékuse 10:34

Pɔ́ zoonte yé, ńtsɔg metyé ná ye, ńdɔg ngwɔ̀ɔn ńcúa yé, ńzẅé yé, à piŋ ńzíme nà legwé nà mbɔ́ɔntè lyɛ̌’ tá.