Malékuse 9:23 - Nouveau Testament en Ngienboum

²³ Yěsô pʉŋe yé ngie: Ɔ̀ piŋe ngie pá’ ɔ̀ lɔɔn ńku’ lêkɛ̂? Anò té cʉa nyìŋ gẅie à záb ntʉ́m nà Ssé wɔ́.

Malékuse 9:23 Referans Kwoze

Ŋwà’ne Jâŋ 11:40

Yěsô tsɔ́’ɔ mbwo yé ngie: Mèŋ n ně tè gɔɔn né gù ngie ɔ̀ lɔɔn ńzáb ntʉ́m ná mèŋ, mbà ɔ̀ ge gyá legú’ Ssé wɔ́ le?

Heber 11:6

Mé lɔgɔ ńgyá ngie nyìŋ lɔɔn tè záb ntʉ́m nà Ssé wɔ́, mbà shÿó pá’ ńgwɔ́ nò yé poŋ Ssé té wó wɔ́. Nyìŋ lɔɔn ńne sẅɛ’te nnɛ́ nê lejʉ́ŋ Ssé á gẅiin lé zɔɔn ḿvɔg ńzẅíŋ ngie e Ssé ee wó, ḿbiŋ ńne ńtsɔ́’ɔ fà’a pʉ̀a pie pɔ́ ne fa’a yé.

Malékuse 11:23

Mèŋ shwoŋo gẅí, kwà’ nénʉ́, nyìŋ gẅi lɔɔn ńgɔɔn mbwo lekwɛ́ ngie efó jʉ’ɛ̂, ńgʉa ńtyé tsɛ̀ɛ ntse té pàa, ńgɔɔn té ne ḿmʉ́’te, ńzáb ntʉ́m nà Ssé, mbà Ssé ge zẅíŋ à gwɔ́ pú’u.

Matio 17:20

Á tsɔ́’ɔ mbwó pɔ́b ngie: Ee, mélà’mie pi záb ntʉ́m nà Ssé pɔ́ méjʉ’ lepile. Pi lɔɔn fó ńzáb ntʉ́m gẅi nà Ssé pɔ́ méjʉ’ pá’ lesɔ́ɔn sésɔg, mbà à lɔɔn ńgwɔ́ pi gɔɔn né lekwɛ́ sɛ̂ ngie: Tsɔ́’ɔ ńgʉa ńtyé jʉ’ʉ, é gʉa ńtyé jʉ’ó. Mbà à lɔɔn ńgwɔ́ tsɔ́ nò á le lá’ ńcʉa gẅi wɔ. [

Lukase 17:6

Yěsô gɔɔn ngie, lesɔɔn sésɔg ée mmó ńkɔ́g tɛ’, nyìŋ gẅi zɔɔn ńzáb ntʉ́m wé nà Ssé mbɔɔ méjʉ’ pú’u, mbà à ge gɔɔn né tÿǒ gie á tyé lɛ ngie: Tsɔ́’ɔ ńgʉa ńtyé tsɛ̀ɛ mmí, à jú’ ncwò wé.

Megàŋ ntúm 14:9

Á gwɔ́ tsɔ́ lyɛ̌’, ńne ńzẅí’te shwóŋè gie Pɔl ne ńgɔɔn. Pɔl líe yé, ńgyá á ne ńzába ntʉ́m nà Ssé tà ńgwɔ́ gie à lɔɔn ńgwɔ́ Ssé gÿo á sẅéte.

Malékuse 9:22

Á piŋ ńgwɔ́ tà *ssé tepòŋ ŋwɛ́ gwoon yé, ńne ḿma’a yé nzɔ̌ wɔ́, ḿma’a ma’, kà tsɛ̀ɛ mmɔ̌g wɔ́, kà tsɛ̀ɛ ntse wɔ́, éfa’ pɔ́ shÿó léké ńzẅé yé zẅé. Tsétsɔ’ tsɔ́ɔn mezìŋe mɔ́ɔn, ńkẅéte wɔ̀ɔn, ńgÿo à sẅéte pá’ ɔ̀ lɔɔn ńku’.

Malékuse 9:24

Tá múɔ leen ńdwo ńgɔɔn ngie: Oon! Mèŋ n zǎb ntʉ́m wɔ̀ɔn nà Ssé, kẅéte wɔ̀ɔn, mèŋ n kẅi’i ńzáb ntʉ́m nà yé.

Matio 14:29

Yěsô gɔɔn né ye ngie: Tóo! Piɛ kẅɛɛ tsɛ̀ɛ kanú’, ńne ńgiŋe ndùm ntse légʉa ńzá’a yé.