Malékuse 9:2 - Nouveau Testament en Ngienboum

² É cʉa lyɛ̌’ ntɔgɔ́, Yěsô faga Piɛ ńgÿo Jâg pɔ́ Jâŋ, ńdɔgɔ wɔ́b ńgʉa ńkwɔ́’ɔ nà tsɔ̌ máa lekwɛ́. Pâ pɔ́ gwɔ́ wó gílé pɔ́b, pɔ́ gyá liŋé yé pú sele.

Malékuse 9:2 Referans Kwoze

Malékuse 5:37

Yěsô pɔ́ Yayelo ne ńgee, Yěsô tè zẅíŋ ngie tsɔ̌ nyìŋ cʉ́me nzèm pɔ́b wɔ́, ndà’ Piɛ ńgÿo Jâg pɔ́ fɛ́ we Jâŋ.

Malékuse 14:33

É faga Piɛ, ńgÿo Jâg pɔ́ Jâŋ, pâ pɔ̌ gʉa. Á zye lé jú’ pá’ cÿɔ’ gwoon yé, legwé pfɛ́ɛ yé,

2 Korento 13:1

Mèŋ n ge tóo mbʉ̀a pi fʉ̀’ɔɔn e lɔgɔ ńgwɔ́ ngʉ̀a ntá, é tó mé gwɔ́ ŋág mbɔɔ yɛ̌ ntsaŋ wɔ́, é zẅí’te nò ncwò pʉ̀a mépʉ́a kà pʉ̀a métá wɔ́ pá’ ŋwà’ne Ssé ne ńgɔɔn.

Ŋwà’ne Ngyà jʉ’ 20:11

M biŋ ńgyá tsɔ̌ máamáa lʉŋe lefùɔ tyé, ńgwɔ́ féfɔ́gɔ, ńgyá mbɔɔ nyìŋ gẅie à ńnéŋe mǒ. Tsetsá’ pɔ́ lefaŋ pú fó mvfò yé ńkÿo. À yɔ́b jʉ’ té gíŋe ńgwɔ́ wó wɔ́.

Malékuse 16:12

À la gÿo pú’u, ńgíŋe ńnyɛ mbùm ye nà tsɔ̌ ntí, á mbwo tsɔ́ *ngàŋa kwò yé yépʉ́a, pɔ́ gwɔ́ mánzsè ńne ńgee né tsɛ̀ɛ mbʉ̀a.

Filipo 3:21

À ge gÿo tó é sele yɔɔn mbùm nnɛ́ gie e tè ná tsɔ́ nò ku’, e cʉ́’ pá’ ye gie e gẅiin shʉ́shÿɔ́g. À gwɔ́ pú’u, ńdɔgɔ metʉ̀ mie à gẅiin lélɔg ńgÿo à kɔ̀ɔkɔ́ɔ cʉ́’ ńjú’ pɔ́ ncwò wé.

Roma 12:2

Tà pi gÿo mí menò pá’ pʉ̀a pie ée tsɛ̀ɛ njÿó fʉ̀’ɔɔn. Pi zẅíŋ e Ssé ne ńnáa legyè se sẅé né pi ńdɔgɔ ńkúbe gi ntí lékwaŋa nò pɔ́ ntsèm, à cʉa pú’u, pi ku’u lézsé mmó gie yé Ssé ne ńkwoŋo ngie pi gÿo. Pi zsé mmó gie áa mbòŋ, ńzsé gie á poŋo yé, ńzsé gie tsɔ́ *lɔ̌’ té mǒ wɔ́.

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Lukase 6:12

Yěsô gwɔ́ lyɛ̌’, ńgʉa ndùm lekwɔ’ɔ́ lésẅíŋte Ssé, tà ńdá’a wó lá’.

Matio 14:13

Yěsô jú’u yɔɔn nò, ńkúu tsɛ̀ɛ kanú’ ne ńgee né jʉ’ gie nyìŋ tè wó wɔ́. Àlá’ zsé, éfó tsɛ̀ɛ metÿǒsoŋ ńkẅɛ, ńgiŋe mekʉ̀ŋ ntse ḿvɔg ńzá’a yé.