Malékuse 8:13 - Nouveau Testament en Ngienboum

¹³ Yěsô gɔɔn pú’u, ńdeen ńnyé pʉ̀a *farisay jʉ’ó, ńkúu tsɛ̀ɛ kanú’, ńtúm ntse ńgee yetsɔ̌ nzǐŋ.

Malékuse 8:13 Referans Kwoze

Megàŋ ntúm 18:6

Tá pà Yuda tiŋ pɔ́ ndʉ̀’, ńzoonte Pɔl. Á lêen ńcʉ́’ ḿbú’ pɔ́ pfepfɔ́b nà menzsǒ mé, ńgɔɔn né pɔ́b ngie metse mí lɔɔn ḿpfɛte twó pi, mbà yɔ́ɔn nò té mǒ wɔ́. Mèŋ n gee fó fʉ̀’ɔɔn, é cʉ́’ʉ shwóŋó nò Ssé pɔ́ mbwo pʉ̀a pie pɔ́ té pà Yuda wɔ́.

Ŋwà’ne Jâŋ 12:36

Akyɛ̀’ lɔɔn ńnyé tsetsɛ̀ɛ pi, pi záb ntʉ́m nà kyɛ̀’, ńdɔg ńcʉ́’ púɔ kyɛ̀’. Yěsô gɔɔn yɔɔn nò tà á ku’, á gʉa ńdyeen jʉ’ gie pɔ́ té ge gyá yé wɔ́.

Ŋwà’ne Jâŋ 8:21

Yěsô gíŋe ńgɔɔn né lá’ ngie: Mèŋ n ge gʉa, pi cʉ́’ ńne ńgwá fa’a wɔ̀ɔn. Tá’, é ké kwé tsɛ̀ɛ nò tepòŋ gí. Pi tè ku’u légʉa jʉ’ gie mèŋ n gee nê wó wɔ́.

Lukase 8:37

Epʉ̀a ná wɛ̌ shÿó metsèm zye lécÿɔ’, ḿbɔ́g pɔ́g tà sẅíŋte Yěsô ngie à fó nà wɔ́b shÿó ńgʉa. Yěsô lêen ńké ńkúu tsɛ̀ɛ kanú’ légʉa,

Matio 15:14

Pi nyé wɔ́b! Pɔ́ ée pàfʉ̀ menÿɔ́g pie é kíbe pwó petsɔ́. Àfʉ̀ menÿɔ́g lɔɔn ńkíbe pwó wetsɔ́, mbà pɔ́b yé mépʉ́a ge cʉ́me tsɛ̀ɛ gem.

Matio 7:6

Tà pi náa mmó gie aa yé Ssé, á mbwó ngwé. Tà pi ma’a tɔgɔ́ tsye gí á mvfò mekúnɔ́ɔn. Pɔ́ ge neŋte nê mekwó é piŋ sele nnɛ́ lúmte gẅí.

Malékuse 8:12

Yěsô jú’ tà ńzẅi, ḿbiŋ ńgɔɔn né pɔ́b ngie: epʉ̀a pie ée tsɛ̀ɛ njyó fʉ̀’ɔɔn ne ńzɛ́te ngie mèŋ n gÿo nò mmɔɔn mmɔɔn, éfa’a légǎ? Tá’, pi cʉ́’ mèŋ shwóŋó gẅi kwà’ nò nénʉ́, mé té ne nge nyɛɛ wɔ́b tsɔ́ mmó wɔ́.

Malékuse 8:14

Yěsô pâ *ngàŋa kwò yé la gwaa túm ntse gee yetsɔ̌ nzǐŋ, pɔ́ gwɔ́ tsɛ̀ɛ kanú’, ńgẅiin pɔ́ ndà’ lepu’ú mbelég sélemɔ’ɔ́, mbà pɔ́ ně ńdege té pí tsɔ̌ tà é gyɔ́ɔn.

Megàŋ ntúm 27:2

Peg gwɔ kúu *máamáa kanú’, á gwɔ́ gie á fóo lê tÿǒsoŋo Andelamite, é ge gʉa ngʉ̀ŋe metÿǒsoŋ mie ée nkʉ̀ŋ ntse, á tsɛ̀ɛ pàga ngwòŋ Azia. Peg lâ tsɔ̌ nyìŋ gwɔ́ nùɔ. Lezíŋ sé gwɔ́ lê Alistag. Mbà mé la zyé yé tÿǒsoŋo Tesalonika, á tsɛ̀ɛ ngwòŋ Makedonia, peg cʉ́me mánzsè.