Malékuse 7:19 - Nouveau Testament en Ngienboum

¹⁹ Á té kúu tsɛ̀ɛ ntʉ́m ngàŋ wɔ́, á kú pɔ́ tsɛ̀ɛ lepfòm sé, ńkẅɛ ńkúu tsɛ̀ɛ kwɛ. Yěsô lɔgɔ ńgɔɔn ngie: ammó gie mé jÿó jÿǒ zɔ̌ té gie áa mvfò Ssé ńgwɔ́ gie á ńnéŋe *lɔ̌’ ná nyìŋ wɔ́,

Malékuse 7:19 Referans Kwoze

Matio 15:17

Àmmó fó ncwò nyìŋ ńcʉa, ńkúu lepfòm yé, ḿbiŋ fó lepfòm yé ńkẅɛ, ńkúu tsɛ̀ɛ kwɛ.

1 Korento 6:13

Pi giŋé ně ńgɔɔn ngie: Mé la gÿo mmó lejÿó ńtí lepfòm, ńgÿo lepfòm ńtíi mmó lejÿó. Áa nò tá’ e Ssé ge gÿo tágte mmó lejÿó gwá’, é gíŋe tágte lepfòm. Mbɔɔ pú’u, ńgwɔ́ nyìŋ á lelɔg mbùm ye ńgÿo kɔ̀ɔkɔ́ɔ gie à kwǒŋ wɔ́, á nue mbùm nyìŋ ee ye Cʉ̀apʉ̀a, Cʉ̀apʉ̀a zɔ̌ líe nò náa mǒ.

Megàŋ ntúm 11:9

N gíŋe ńjú’ ngyè ŋwɛ́ nà mbɔ́ɔntè yépʉ́a, é gɔɔn ngie: Ammó lɔɔn ńgwɔ́ tà Ssé kẅile *lɔ̌’ mǒ tè gíŋe ńzse nzse mǒ,

Megàŋ ntúm 10:15

Piɛ gíŋe ńjú’ ngyè nyìŋ nà mbɔ́ɔntè yépʉ́a, é gɔɔn né yé ngie: Ammó lɔɔn ńgwɔ́ tà Ssé kẅile *lɔ̌’, tè gíŋe ńzse nzse mǒ.

Lukase 11:41

Ammó gie á ke ḿboŋ ngie pi gÿo gwɔ́ pɔ́ lépí shúm mbòŋo sie ée tsɛ̀ɛ mekáŋ mí, ńnáa mbwo pàtèmmó, pɔ́ jÿó yɔ́b. Pi ge gÿo pú’u, tá ntʉ́m gẅi lêen ńké ńdʉ́a mvfò Ssé.

Kolosia 2:16

N dɔgɔ pá’ɔɔn ńgɔɔn ngie tà pi cʉ́’ nyìŋ ŋaga gẅi nà nò mmó mpfɛ̌ kà ye nu nǔ wɔ́, kà ná nò *melínɔ́ɔn pà Yuda wɔ́, kà ná línɔ́ɔn sàŋ sẅé wɔ́, kà ná *melyɛ’ɛ́ nzsè Ssé wɔ́.

Malékuse 7:18

Á gɔɔn né pɔ́b ngie, ńzsé ngie sí legyè nyé ḿvɔ́g vɔ́g pá’ se petsɔ́ pʉ̀a gwâ? Ammó gie á fó nzème pǐ ńkúu ná nyìŋ, á té *lɔ̌’ ná ye néŋ.