Malékuse 7:13 - Nouveau Testament en Ngienboum

¹³ Pi zí’i nùŋe lá’ gẅi pú’u, ńdɔgɔ ńgwá’a shwóŋè Ssé. Pi giŋé ńne ńgÿo lìi menò ámɛ̌ tà é gyɔ́ɔn gyɔ̌ɔn.

Malékuse 7:13 Referans Kwoze

Malékuse 7:9

Pi zsé légwá’ *lepʉ̌ Ssé, ńcwoŋo ńkú’te pɔ́ nùŋe lá’ gẅi mboŋó.

Titus 1:14

pɔ́ legíŋ ńjú’ menò pú’kwɔb pà Yuda, ńcʉŋe mǒ wɔ́, tà mbɔɔ mbʉ̌ pʉ̀a pie é teme nzèm nò gie áa nénʉ́ wɔ́.

Malékuse 7:3

Pà *farisay pâ pà Yuda metsèm té pfɛ́ɛ mmó té vɔg ńzate ntse nà mbwó mɔ́b tà ńkúu nà ntsìŋe pwó yɔ́b, pá’ nùŋe pà mvfò wɔb ne ńzɛ́te wɔ́,

Matio 15:6

Nyìŋ vɔg tà ńgɔɔn pú’u, mbà mé tè gíŋe zɛ́te yé ngie: Tà ɔ̀ gÿǒ mekù’ tá gù wɔ́? Pú’u, pi lɔgɔ mà lá’ gẅi ńgwága shwóŋó Ssé.

Galatia 5:21

Pá’ letÿɔ̌g lejÿɔ́g nà shúm pʉ̀a, pá’ lenǔ melù’ tà ḿbʉ́a, pá’ lecu’té nà línɔ́ɔn lépfɛ́ shúm ńgÿo menò shʉ́, mbɔɔ pá’ legÿo tsɔ́ shúm sie é sẅé sie mé tʉ̌ lɔɔn. N ka zɔɔn shwóŋó gẅí, n ge gíŋe shwóŋó gẅi ngie: Pʉ̀a pie é gÿo yɔɔn ntí menò té lá’ gẅiin jʉ’ nà nò *lefùɔ Ssé wɔ́.

Malékuse 7:5

Á cʉa pú’u, tá pà *farisay pâ pàkyàgte *lepʉ̌ Mǒsê ŋwɛ́ zɛ́te Yěsô ngie: *Ngàŋa kwò jú jÿó mmó nê *lɔ̌’ nà mbwó mɔ́b. Pɔ́ té giŋe ná nùŋe pà mvfò wɔ́ ńdɔgɔ ngǎ?

Malékuse 7:12

mbà pi ge zẅíŋ ngie à té gíŋe ńgẅiin lékẅéte tá we pɔ́ má we wɔ́.

Malékuse 7:14

Yěsô gíŋe ńtóŋo lá’ ńgɔɔn né pɔ́b ngie: Pi metsèm téŋe tuŋó, ńcwoŋo ńjú’u nò gie mèŋ n gee ngɔ̌ɔn.

Galatia 1:14

Á gʉa nà legu’te Ssé nà ntí ye pà Yuda, mbà n daa mǒ tà ḿbú ńcʉa kwò nkàŋ yég púɔ pà Yuda. N dɔ̌ɔn ḿbú ḿma’a mbùm yɔ̀ɔn tɛ’ ná mà gẅie metá pég la zí’i wég, ńcʉa wɔ́b.