Malékuse 6:17 - Nouveau Testament en Ngienboum

¹⁷ Á la gwaa gwɔ́, mbà fùɔ *Herôd ka gÿo mé gwoon Jâŋ, ńkwɛ́ɛ yé ńgʉa ḿma’a ndá tsǎŋ, mélà’ *Herôdiad gẅie à laa nzwě fɛ́ we Filib, tá á kaa.

Malékuse 6:17 Referans Kwoze

Matio 11:2

Á gwɔ́ fʉ̀’o, Jâŋ Mbabtis gwɔ́ ndá ntsǎŋ, ńjú’ mé ne shwóŋó á na menò mie Yěsô gẅie aa Kristo ne ńgÿo. Á túm tsɔ́ *ngàŋa kwò yé ngie pɔ́ gʉa ńzɛ́te yé ngie,

Lukase 3:1

Jâŋ míŋ Sakarîɛ lá’ ńtsẅé nkwòŋo tsẅɛ tà Ssé túmo yé ngie à gʉa shwóŋó nò yé. Á gwɔ́ ngù’ ayɛ̌, mbà Kása Tibɛr gẅie à la ne sá’a ngwòŋo ngwòŋ, mbà à neŋé nà lʉŋ ngù’ ntsɔ̀b tʉ̀a lê legém. Ponte *Pilato á gwɔ́ ngúmnɔ́ɔn pàga ngwòŋ Jẅidea, *Herôd á né sá’a pàga ngwòŋ Galilea, afɛ̌ we Filib á ně sá’a Itẅiria pɔ́ Telakonid, Lisanias á ně sá’a Abilɛn. Ánɔ́ɔn pɔ́ Kaifa gwɔ́ *metándá pànùŋe pwɔ́’.

Matio 4:12

Mé la ńnéŋe Jâŋ ndá tsǎŋ, Yěsô gÿo ńjú’, ńgʉa lê Galilea,

Malékuse 6:16

Fùɔ *Herôd jú’ mɔɔn menò, ńgɔɔn yé ngie: Aa Jâŋ gẅie n da gÿo mé zá’a twó yé lá, mbà à zǐm.

Ŋwà’ne Jâŋ 3:24

Á la gwaa gwɔ́, mé nyé té ńnéŋe Jâŋ ndá tsǎŋ.