Malékuse 5:24 - Nouveau Testament en Ngienboum

²⁴ Yěsô zẅíŋ, pɔ́ yé cʉ́me mánzsè ńně ńgee, alá’ pú ńgwɔ́ mánzsè tɛ’, ḿbú ne sẅɛ́ɛ Yěsô.

Malékuse 5:24 Referans Kwoze

Malékuse 5:31

*Ngàŋa kwò yé tsɔ́’ ngie: Ɔ̀ gyǎ alá’ pú ne sẅɛ́ɛ gú zẅìŋ wɔɔn, ɔ̀ gíŋe ńzɛ́te ngie à wɔ̌ kibé nzsǒ jù wɔ́ la?

Lukase 7:6

Yěsô jú’, ńdu ssé pâ pɔ́ gʉa, ńgʉa tà ńcʉ́’ʉ lékúu mbʉ̀a tá ndá ncù, ḿbumte petsɔ́ pʉ̀a pie tá ndá ncù tǔm. Pɔ́ gɔɔn né yé ngie: Andè, tá ndá ncù yě, tè gége mbùm jù ngie ɔ̀ ge gʉa ndá ye, ngie à tsẅilé nyìŋ gẅie à lɔɔn ńgwɔ́ ɔ̀ tɔ́g tà ńkúu ndá yé lɛ.

Malékuse 3:20

Yěsô kúu ndá, alá’ gíŋe ńcú’te ńgyɔ́ɔn gyɔ́ɔn tà pâ *ngàŋa kwò yé té gyá fʉ̀’ tà ḿpfɛ́ɛ mmó wɔ́.

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Lukase 19:3

Á kẅɛ pú’u, ńně fá’a légyá yé nyìŋ gẅie Yěsô aa wɛ̌, tá à tè ne ńgyá shÿó wɔ́, mélà’mie à laa tetu’u nyìŋ, alá’ piŋ ńgwɔ́ nzèm Yěsô tɛ’.

Lukase 12:1

Yěsô ne shwóŋe pú’u, alá’ ne ńkẅi’i ńkwɔ́’ɔ ńtóo lejʉ́ŋ yé, ejʉ’ sẅɛ́ sẅɛ̌ tà mé ne néŋte mekwò pʉ̀a. Á gwaa gɔɔn nò mbwo lá’, ḿvɔg ńgɔɔn mbwo ngàŋa nkwò yé ngie: Pi laga twó gí, ḿbɔ́ɔn *mvòŋ pʉ̀a *farisay, tà pi cʉ́’ ngàŋ mepàb pá’ pɔ́b.

Lukase 8:45

Yěsô zɛ́te ngie: Awɔ̌ kibé wɔ̀ɔn? Awɔ̌wɔ́ɔ ně ḿmoŋe moŋe. Piɛ gɔɔn ngie: Andè, mé ne sẅɛ́ɛ gú nzẅìŋ yɔɔn, ɔ̀ zɛ́te ngie mé gɔɔn ngie aa wɔ̌?

Lukase 8:42

ńgie míŋ we cʉ’ʉ́ ńkwé kwě. Aa ndà’ míŋ we, ńgwɔ́ múɔ manzwě, tà ńgẅiin ngù’ ntsɔ̀b pʉ́a. Yěsô jú’ pú’u, ńdu Ssé pɔ́ yé gʉa, alá’ zse nzèm ye, ńtÿɔ́’ɔ yé ńnéŋe soŋ tà jʉ’ cʉ́’ʉ sẅíbe sẅibé.

Malékuse 5:23

ḿbú’ mbwó ngie: Tsétsɔ’ míŋ wɔ̀ɔn we manzwě à cʉ̌’ ńgwɔ́ pɔ́ ncwò legwé, tóo, ńzáb mbwó mú ná ye, à sẅéte ńtsẅɛ́.

Malékuse 5:25

Atsɔ̌ manzwě gwɔ́ yé nùɔ, ńně ńguɔ, ńgẅiin guɔ máshúɔ, mbà á gegé yé gege ngù’ ntsɔ̀b pʉ́a lê legém.

Lukase 11:29

Yěsô ne shwóŋó pú’u, alá’ ne ńkẅi’i ńkwɔ́’ɔ kwɔ̌’, á lêen ńké ńgɔɔn né pɔ́b ngie: Pʉ̀a pie ée tsɛ̀ɛ njÿó fʉ̀’ɔɔn é pú tepòŋ. Pɔ́ ně ńzɛ́te wɔ̀ɔn ngie n nyɛɛ liŋé, tá mé téen ńgee nyɛɛ wɔ́b tsɔ́ mmó wɔ́, tà ńdí’ ndà’ nò gie á la gÿo Jonase.