Malékuse 5:13 - Nouveau Testament en Ngienboum

¹³ Yěsô zẅíŋ, *messé tepòŋ leen ńké fóo ná nyìŋ ŋwɛ́, ńkẅɛ ńkúu nà mekúnɔ́ɔn. Anùɔ mekúnɔ́ɔn pú ńtága fó ndùm lekwɔ’ɔ́ ḿbʉle ntse, ńnú ntse ńkwéte. Pɔ́ laa mmó ntsá’ yépʉ́a.

Malékuse 5:13 Referans Kwoze

Ŋwà’ne Ngyà jʉ’ 20:7

Mengù’ ntsá’ mɛ̌ ge gÿo gwɔ́ tà ku’, mé gʉa tsɛ̀ɛ ndá tsǎŋ gie Sátà aa tsoló la, ńkyɛ́’te metsɛ̂n ná ye ńnyé yé.

Ŋwà’ne Ngyà jʉ’ 9:11

Nyìŋ gẅie aa mbwo pɔ́b ńgwɔ́ pá’ fùɔ wɔb, ésá’a wɔ́b, é gwɔ́ *ssé tepòŋ gie e gẅiin nò ná pÿé té lǎŋ gẅie lezíŋ sé ée nà shwóŋè pa Heber ńgwɔ́ lê abaddon, ńgwɔ́ nà shwóŋè pà Gelekia ńgwɔ́ lê Apolion ńdɔgɔ ńgɔɔn ngie: ngàŋa tág.

1 Piɛ 3:22

À la kwɔ́’ né tÿǒ lepwó, ńnéŋe nà gwǒŋo pwó Ssé ye tʉ̀. Àa fʉ̀’ɔɔn ńne sá’a *mecÿɔ́’ Ssé ntsèm, ńne sá’a kɔ̀ɔkɔ́ɔ gie á sá’a njÿó, ésá’a metʉ̀ ntsèm mie ée tÿǒ.

Ŋwà’ne Jâŋ 8:44

Agẅi tá aa Sátá, pi piŋ né ńkwoŋo légÿo mmó gie à né ńtsɔ́ɔn. Á gʉa ná yé, mbà tà fó nzyeté, á gwɔ́ pɔ́ nzẅè nyìŋ. À laa mé ńgiŋe tsɛ̀ɛ nò nénʉ́ wɔ́. Ńtí nue à tè nò nénʉ́ tsɛ̀ɛ ntʉ́m yé gẅiin, tà tsoon lǎg. À gwɔ̌ tà ne ńcÿɔ nò, á gwɔ́ pɔ́ kwà’ shwóŋè yé, á nue aa ngàŋa cÿɔ nò, ńgwɔ́ nyìŋ gẅie yé zɔ la nuŋe cÿɔ nò.

Matio 8:32

Yěsô gɔɔn né pɔ́b ngie: Pi lò. Pɔ́ leen ńké fó nà pʉ̀a pá ńkẅɛ, ńgʉa ńkúu nà mekúnɔ́ɔn. Mé gwaa gyá, ànùɔ mekúnɔ́ɔn pá fóo kenkʉ́ŋe, ńtága, ńzẅɛ ḿbʉle tsɛ̀ɛ letʉŋ, ńnú ntse ńkwéte.

Matio 7:6

Tà pi náa mmó gie aa yé Ssé, á mbwó ngwé. Tà pi ma’a tɔgɔ́ tsye gí á mvfò mekúnɔ́ɔn. Pɔ́ ge neŋte nê mekwó é piŋ sele nnɛ́ lúmte gẅí.

Malékuse 5:12

*Messé tepòŋ sẅíŋte Yěsô ńgɔɔn ngie: Gÿo peg kú pɔ́ nà mekúnɔ́ɔn pɛ̂.

Malékuse 5:14

Pʉ̀a pie pɔ́ la ne ḿpféle mekúnɔ́ɔn gyá pú’u, ńkÿo, ńgʉa ḿbú ńdɔgɔ nò gie pɔ́ gyǎ, ésaa tÿǒsoŋ, tà mbɔɔ lá’. Alá’ kwɔ́’, ńtó ńgyá mmó gie á gÿǒ,