Malékuse 4:38 - Nouveau Testament en Ngienboum

³⁸ Yěsô gwɔ́ nzèm, ńjʉ́’ʉ nà mmó ńně ńdyé, *ngàŋa kwò yé gwɔ́ zyeen yé ńgɔɔn ngie: Andè, tsye ɔ̀ tè ne ńgyá pá’ pege gee ńkwé lɔɔn wɔ́ kà?

Malékuse 4:38 Referans Kwoze

1 Piɛ 5:7

Pi pú ńnéŋe kɔ̀ɔkɔ́ɔ gie á ne ńcʉa gẅí, á nà mbwo Ssé, ńtí nue à ne ńdíe gẅí.

Heber 4:15

À wege *nùŋe pwɔ́’ we lÿò ŋwɛ́ zɔɔn ḿbú ńzsé ntí gie menò gyá wégè pú’u, menò la gyá yé, nkwà’te mentí mentí kúu yé yé pá’ pege, tá á ké ńdá’ tè tsɔ́ nò fʉa.

Matio 8:25

Pɔ́ tóo lejʉ́ŋ yé, ńne ńzyeen yé, ńgɔɔn ngie: Cʉ̀apʉ̀a, kẅé wég mbwó legwé. Pège kwě tà ńdem.

Lukase 8:24

ńzyeen yé, ńgɔɔn ngie: Andè, Andè, pege kwě tà ńdem. Yěsô zyeen, ńdu ssé, ńcÿɔ́gɔ́ fóm pɔ́ ntse. Afóm zá’a, ntse tyé, ejʉ’ láŋte lê kěm.

Heber 2:17

Á laa pú’u, ńne ńzɛ́te ngie à gʉa nà kɔ̀ɔkɔ́ɔ ḿbú ńgwɔ́ yé pɔ́ pá’ mefɛ́ pé, à cʉa pú’u, à gwɔ́ *nùŋe pwɔ́’ we lÿò gẅie à neŋé ńtsɔ́ɔn mezìŋe pʉ̀a, ńzsé yé pɔ́ ndà’ léfa’a mbwo Ssé, légwɔ́ gie à ge gÿo e Ssé lege mefʉa pʉ̀a mesoŋ.

Ŋwà’ne Jâŋ 4:6

Ntse ntǔŋ gẅie mé lɔ́ɔn ńtóŋo lé ntse Yakwɔ́b gwɔ́ jʉ’ó. Yěsô gwɔ́ kúu jʉ’ó, tsɛ̀ɛ zsǒ cʉ́’ʉ ńku’u ku’, mbà à gǐŋ tà ńkʉ́a, ésẅɛ́’ ńnéŋe ssé á ngʉ̀ŋe ntse ŋwɛ́.

Matio 22:16

ńtúm tsɔ́ ntá’ pʉ̀a ná *ngàŋa kwò yɔ́b, mbɔɔ tsɔ́ ntá’ pʉ̀a ná kwò pʉ̀a *Herôd ngie: Pɔ́ gʉa ńgɔɔn né Yěsô ngie: Tsítsa, peg ne ńzsé ngie ɔ̀ gɔɔn nò, ḿbiŋ ńda’te pɔ́ nò gie á tyé ndʉŋ ndʉŋ, ńgɔɔn té pɔ́gɔ nyìŋ, ḿbiŋ ńké tè líe nyìŋ mesoŋ pɔ́ ná shÿó wɔ́, ńda’te nò nénʉ́ pɔ́ pá’ Ssé ne ńzɛ́te ngie mé gÿó pú’u.

Malékuse 4:37

atsɔ̌ máamáa fóm ńnéŋe tà ńzye lécʉ’, ntse ne ḿbʉe ńkúu tsɛ̀ɛ kanú’, tà á cʉ́’ʉ ńgee pé ńdúe,

Malékuse 4:39

Yěsô zyeen, ńcÿɔ́gɔ fefà pɔ́ ntse, ńtsẅi ngie: Á kǔ’ pɛ́’ɛ̀, pi láŋte! Afóm gwóon ńzá’a, ntse té gíŋe ńcʉ’ʉ wɔ́.