Malékuse 4:31 - Nouveau Testament en Ngienboum

³¹ É leen sẅé mbyè mmó gie e kɔ̌g pá’ tsɔ̌ ntí lesɔ́ɔn sésɔ́g. Mé gwaa ma’, é pú ńkɔ́g ńcʉa metsɔ́ membyè shúm léjÿó sie mé pye nká’.

Malékuse 4:31 Referans Kwoze

Megàŋ ntúm 19:20

Wɔɔn aa pá’ Cʉ̀apʉ̀a la ne ńdɔgɔ metʉ̀ mé ńgÿo, ashwóŋè yé ne ńkẅi’i saa jʉ’, ńne ńkẅi’i ńgẅiin tʉ̀.

Megàŋ ntúm 21:20

Pàkẅé mvfò tsɛ̀ɛ cú’tè pʉ̀a Kristo jú’u yɔɔn nò á poŋo wɔ́b tɛ’. Pɔ́ kwé’e lezíŋ Ssé ńnáa tÿǒ, ńgɔɔn né Pɔl ngie: Afɛ̌ weg, gyá jú. Pà Yuda ntsá’ tà ńgyɔ́ɔn kéen ńcʉ́’ pʉ̀a Kristo, ḿbiŋ ńgwɔ́ kwà’ pàkú’te *lepʉ̌ Mǒsê té kʉ́a.

Megàŋ ntúm 5:14

Mbàŋa tà ńgyɔ́ɔn lâ pànzwě la ne ńzába ntʉ́m nà Cʉ̀apʉ̀a tá ńkúu tsɛ̀ɛ nùɔ yɔ́b á kẅi’i.

Megàŋ ntúm 4:4

Á gwɔ́ gwɔ́, mbà á gʉ̌a ná pʉ̀a pie pɔ́ jú’u shwóŋó Piɛ pɔ́ Jâŋ, lelÿò zẅíŋ. Tà pɔ́ gwɔ́ fʉ̀’ó ńgwɔ́ mbàŋa mmó ntsá’ tʉ̀a.

Megàŋ ntúm 2:41

Pʉ̀a tà ńgyɔ́ɔn la jú’u nò gie Piɛ gɔ̌ɔn, ńzẅíŋ, mé nu’u wɔ́b ntse. Mé la nu’ pʉ̀a ntse lyɛ’ó tà ńgwaa ńgwɔ́ pɔ́ gwɔ́ ntsá’ tá. Pɔ́ kẅi’i nà nùɔ pʉ̀a Yěsô.

Ŋwà’ne Ngyà jʉ’ 11:15

*Cÿɔ́’ Ssé mbɔ́ɔntè sɔɔn mbʉ́a tóŋ wé ntaŋ. Mé jú’ *Mecÿɔ́’ Ssé gwɔ́ tÿǒ lepwó ńdɔgɔ ngyè tetʉ́ʉ ńgɔɔn ngie: Lesǎ’ njÿó cʉ̌’ ńgwɔ́ pɔ́ nà mbwo Cʉ̀apʉ̀a wege mbɔɔ ná mbwo *Nzà’nkÿo gẅie à la tsɔ́’. Wɛ̌ lésá’ ge lá’ gwɔ́ nà ngù’ nkɔ́ɔn nê nkɔ̌ɔn.

Malékuse 4:30

Yěsô gíŋe ńgɔɔn ngie: À lɔɔn ńgwɔ́ pege lɔgɔ kɔ́ ḿbí fʉ̀’ pá’ *Lefùɔ Ssé ée pú’u, ńgwɔ́ pege lɔgɔ yɛ̌ *sagá nò ńtyɛ’te?

Malékuse 4:32

Tá mé ké ńgwɔ́ tà ḿbye, ésá’, ḿbú ńgú’ ńcʉa setsɔ́ shúm léjÿó ntsèm sie ée tsɛ̀ɛ nká’, éshʉ́a memáa mbwó, ḿbú ńgú’, éshú’ tà ńgwɔ́ gie à lɔɔn ńgwɔ́ meshʉ́ŋ ně ńtóo ḿbá’a menkʉ̀a mɔ́b tsoló.

Lukase 17:6

Yěsô gɔɔn ngie, lesɔɔn sésɔg ée mmó ńkɔ́g tɛ’, nyìŋ gẅi zɔɔn ńzáb ntʉ́m wé nà Ssé mbɔɔ méjʉ’ pú’u, mbà à ge gɔɔn né tÿǒ gie á tyé lɛ ngie: Tsɔ́’ɔ ńgʉa ńtyé tsɛ̀ɛ mmí, à jú’ ncwò wé.