Malékuse 4:28 - Nouveau Testament en Ngienboum

²⁸ Tsetsá’ gílé yé zɔ gÿo mbyè mmó sá’, ńgú’, éshʉ́a metsɔ̀’, ḿmú’te.

Malékuse 4:28 Referans Kwoze

Kolosia 1:10

Pú’u, pi ku’u léńnéŋe ná ntí gie Cʉ̀apʉ̀a ne ńkwoŋo, ńne ńgÿo pɔ́ mmó gie á poŋo yé, éfa’ mefà’ mbòŋo mentí mentí, ńkẅi’i ńzsé yé Ssé.

Filipo 1:6

Mèŋ n zsě ngie yé Ssé gẅie à la zye mefà’ mbòŋo tsɛ̀ɛ ntʉ́m pi, á ge lɔg gʉa pɔ́ lê mvfò tà lá’ kúu lyɛ̌’ gie Yěsô Kristo ge lá’ gíŋ tó.

Matio 13:26

Shúm gÿo sá’, ńgú’ tà ńná metsɔ̀’. Mé gyá mmó tepòŋ gwɔ́ tsetsolo.

Malékuse 4:27

à gwɔ̌ tà ḿma’, ńgʉa, kà à ne ńdyé lyě wɔ́, kà à tè ne ńdyé wɔ́ wɔ́, mbà shúm ne ńgú’u zsǒ pɔ́ tsẅɛ́’, à tè zsé mmó gie á gÿo tá é gú’ wɔ́.

Malékuse 4:29

Metsɔ̀’ gÿo ńtʉ, angàŋa nɔ̀ɔn cʉ́’ ńtúm pɔ́ pʉ̀a nká’ ńdag shúm, mélà’mie afʉ̀’ʉ lélag shúm kǔ’.