Malékuse 4:20 - Nouveau Testament en Ngienboum

²⁰ Mbyè mmó gie e gwě nà tsetsá’a mbòŋo, lɔgɔ ńgwɔ́ pʉ̀a pie pɔ́ jú’u shwóŋè Ssé, ńzẅíŋ, ḿbiŋ ńně ńgÿo pá’ nò Ssé ne ńzɛ́te, ńdɔgɔ ńgee mvfò, pɔ́ lɔgɔ ńgwɔ́ pá’ mbyè mmó gie tsɔ̌ mvòm gwɔ̌ sá’ tó ńná memvòm móm ntá, yetsɔ̌ ná móm ntɔgɔ́, yetsɔ̌ ná nkÿo.

Malékuse 4:20 Referans Kwoze

Kolosia 1:10

Pú’u, pi ku’u léńnéŋe ná ntí gie Cʉ̀apʉ̀a ne ńkwoŋo, ńne ńgÿo pɔ́ mmó gie á poŋo yé, éfa’ mefà’ mbòŋo mentí mentí, ńkẅi’i ńzsé yé Ssé.

Lukase 8:15

Mbyè mmó gie e gwě nà tsetsá’a mbòŋo lɔgɔ ńgwɔ́ pʉ̀a pie pɔ́ jú’u shwóŋè Ssé, ńzẅíŋ lê ntʉ́m mbòŋo, ńgÿo pá’ á ne ńzɛ́te, ḿbiŋ ne ńkaga tʉ̀ lékú’te fʉ̀’ ntsèm, ḿbiŋe ne ńzéme ntɔ̌ɔn.

Malékuse 4:8

Metsɔ́ memvòm gwe nà jʉ’ʉ tsetsá’a mbòŋo, ńgú’, éshʉ́a mboŋó. Metsɔ́ metsiŋe gwɔ́ ná mvòm móm ntá, metsɔ́ ná móm ntɔgɔ́, metsɔ́ ná nkÿo.

Matio 13:23

Mbyè mmó gie gwě nà tsetsá’a mbòŋo lɔgɔ ńgwɔ́ pʉ̀a pie pɔ́ jú’u shwóŋò Ssé tà nkwà’ ńjú’. Pɔ́ ée pá’ metsìŋe shúm mie setsɔ́ gwɔ́ ná memvòm nkÿo, setsɔ́ ná móm ntɔgɔ́, setsɔ́ ná móm ntá.

2 Piɛ 1:8

Á nue pi lɔɔn ne ńgÿo menò mie mé tʉté lɔɔn, ńne ńdɔgɔ ńgee né mvfò, mbà é ge gÿo mbùm gi zeŋe légÿo mmó gie e Ssé kwoŋ, é gíŋe gÿo pi ne ńkẅi’i ńzsé nyìŋ gẅie Cʉ̀apʉ̀a wege Yěsô Kristo aa yé

Roma 7:4

Á gíŋe ńgwɔ́ pɔ́ ndʉŋ ndʉŋ pú’u, ná pi, mbà mefɛ́ pɔ́ɔn. Pi ee fʉ̀’ɔɔn ńgwɔ́ nà nò *lepʉ̌ ńgwɔ́ pɔ́ mepfó tá ńdɔgɔ nku’u pʉa Ssé, á nue pia Kristo la púte ńkwé fʉ̀’ gie à la kwé, pia *lepʉ̌ lɔg pú’u, fege légwɔ́ gie pi ge cʉ́’ gwɔ́ pɔ́ pʉ̀a tsɔ̌ nyìŋ ndyɛ̀’ɛ, é pʉ̀a Yěsô Kristo gẅie e Ssé la gÿo á zíme ná legwé. Légwɔ́ gie pege ge fa’ mefà’ mie ée me mbòŋo mbwo Ssé.

Ŋwà’ne Jâŋ 15:16

Pi zɔ la tè tsɔ́’ɔ wɔ̀ɔn mɔ́, mèŋ n zɔ la tsɔ́’ɔ gẅí, ńtúmo gẅi ngie pi gʉa fa’a fà’ yɔ́ɔn. Ammó gie pi gÿǒ lá’a ńgwɔ́ pɔ́ wó, á le cʉa sẅɛɛ wɔ́. À cʉa pú’u, ńgwɔ́ gie pi lɔɔn ńdɔg lezíŋ sɔ́ɔn ńdúɔ pɔ́ kɔ́ mbwo Tá wɔ́, mbà à ge náa mbwo pi.

1 Tesalonika 4:1

Mefɛ́ mefɛ́, anò gie peg ge lɔg cʉ́me á gwɔ́ pɔ́ ngie peg ka shwóŋó gẅi ntí gie à lɔɔn ńgwɔ́ pi lɔg ńnéŋe pú’u, anò gí poŋ Ssé. Á ge gǎ wɔ́ pi ne ńnéŋe pɔ́ pú’u. Tá’ peg giŋé ne sẅíŋte gẅí, tà ḿbú’u pɔ́ mbwo nà lezíŋ Cʉ̀apʉ̀a Yěsô ngie, pi gÿo pɔ́ pú’u, ńdɔg ńgee mvfò.

Filipo 1:11

Yěsô ge gÿo pi ké ne fa’a pɔ́ mefà’ mbòŋo, ńzsé ngie pʉ̀a ge ne gyá, é gu’te Ssé, é gé’e lezíŋ sé.

Matio 13:8

Etsɔ́ memvòm gwe ná jʉ’e tsetsá’ mbòŋo, ésá’ ńgú’, ńzém. Etsɔ́ letsiŋe gwɔ́ ná mvòm nkÿo, etsɔ́ ná mvòm móm ntɔgɔ́, setsɔ́ ná mvòm móm ntá.

Ŋwà’ne Jâŋ 15:2

Á gyá pwó tÿǒ gie à té ne ńzéme wɔ́, ńkɔ́’, ńtóo ná gie à ne ńzéme mentɔ̌ɔn, ńnyɛte ńkwɔ́gɔ wé wɛ̌, á cwoŋo ńzém mentɔ̌ɔn mboŋó.