Malékuse 4:15 - Nouveau Testament en Ngienboum

¹⁵ Mbyè mmó gie e gwě ngʉ̀ŋe mánzsè, lɔgɔ ńgwɔ́ pʉ̀a pie pɔ́ jú’u shwóŋè Ssé, Sátà gwóon ńtó, éfó tsɛ̀ɛ ntʉ́m wɔ́b ńkẅile.

Malékuse 4:15 Referans Kwoze

1 Piɛ 5:8

Tà pi gwá’a lÿɔg, tà pi lyé. Angàŋ mbù gẅi, Sátà, à ne ńgwá ńzéme, éfa’a nyìŋ gẅie à ge gwoon yé, pá’ pú’ ntʉ̀ gẅie à ga’te éfa’a mmó gie à ge pfɛ́ la.

Matio 13:19

Ngʉ̀ŋe mánzsè gẅie tsɔ́ memvòm gwě wó, ée pʉ̀a pie pɔ́ jú’u nò *lefùɔ Ssé, pɔ́ té jú’ tà ńjú’ wɔ́. Sátà tó, éfó tsɛ̀ɛ ntʉ́m wɔ́b ńkẅile.

2 Korento 2:11

ńzsé ngie pege tè nyé Sátà à cʉa wégè wɔ́, á nue pege tè ne ḿmoŋe mmó gie aa nzèm pege é fa’a wɔ́.

Lukase 8:12

Ngʉ̀ŋe mánzsé gẅie tsɔ́ memvòm gwě wó, ée pʉ̀a pie pɔ́ jú’u shwóŋè Ssé, tá Sátà tó fó ntʉ́m pɔ́b ńkẅile, ḿbɔ́gɔ légwɔ́ gie pɔ́ ge zẅíŋ, E Ssé gÿo pɔ́ tsẅɛ́.

Malékuse 4:4

ńtóo mma’á, etsɔ́ memvòm gwe ngʉ̀ŋe mánzsè, meshʉ́ŋ tó ńdagte ḿpfɛ́.

Megàŋ ntúm 5:3

Piɛ leen ńké ńzɛ́te yé ngie: Ananias, mélà’a kɔ́ ɔ̀ zẅǐŋ Sátà jÿó gú tà ɔ̀ fʉte zẅìge Ssé? Mélà’a kɔ́ ɔ̀ sẅǐŋ nká’ gù, ńkú’te tsɔ́ gwǒŋo nkáb?

Ŋwà’ne Ngyà jʉ’ 20:10

Sátà gẅie á kě ne fʉte wɔ́b la, mé tsó yé ḿma’a tsɛ̀ɛ gÿǒon mmɔ̌g *mekʉ̀a, á lejʉ́ŋ nkʉ̀’ʉ nɔ̀ɔn mbɔɔ lejʉ́ŋ *ntsẅì nkʉ̀ Ssé we cÿɔ̌ nò. Pɔ́ lá’a ńtsẅé wó, ńgyá ngʉ̀ngʉ̀ ntí ntí, á zsó pɔ́ tsẅɛ́’, á nà ngù’ nkɔ́ɔn lê nkɔ̌ɔn.

Ŋwà’ne Ngyà jʉ’ 20:7

Mengù’ ntsá’ mɛ̌ ge gÿo gwɔ́ tà ku’, mé gʉa tsɛ̀ɛ ndá tsǎŋ gie Sátà aa tsoló la, ńkyɛ́’te metsɛ̂n ná ye ńnyé yé.

Heber 2:1

Pú’u la, pege kwa’ ńgẅiin lé ké ńkú’te nò gie pege la jú’ kú’te, tà á té pú’u wɔ́, mbà pege ge fʉa mánzsè, é gʉa pyé,

2 Tesalonika 2:9

Fùɔ menò tepòŋ ge lá’ gwaa tó, Sátà néŋ metʉ̀ mé ná yé, à lɔg ńgÿo menò mmɔɔn mmɔɔn laa ndàa gyá menò mentí mentí, é lɔg fʉte pʉ̀a.

Matio 22:5

Pʉ̀a pie mé ka tóŋo wɔ́b ná línɔ́ɔn lɔ́ɔn ndá té lɔgɔ nò gie pɔ́ gɔɔn ńtóŋo tsɔ́ nò wɔ́, wɛ̌ nyìŋ wɔ́ pfó pɔ́ ye nzsè. Wetsɔ́ nyìŋ gʉa né nká’ yé, wetsɔ̌ gee ńtaŋ metʉ̌a we.

Ŋwà’ne Ngyà jʉ’ 12:9

Mé lêen ńké ńtsó máa nnù ngém ya, pâ pé mecÿɔ́’, ḿbÿɛɛ ndùmo ssé tsetsá’. Áa yé ńgwɔ́ nnú yá gie e la fó tàa fʉ̀’e mvfò la, mé tóŋo yé lé ndebele, ńgíŋe ńtóŋo yé le Sátà, aa yé gẅie à fʉte pʉ̀a mesoŋ ntsèm ndùmo ssé tsetsá’

Matio 4:10

Yěsô gɔɔn né yé ngie: Sátà, fó lejʉ́ŋ mèŋ sẅɛ’te nnɛ́, mélà’mie mé la ŋwe’e tsɛ̀ɛ ŋwà’ne Ssé ngie: «Nyìŋ gu’te pɔ́ ndà’ Cʉ̀apʉ̀a Ssé gíle yé ḿbiŋ ńjú’ pɔ́ ndà’ ncwò wé».

Heber 12:16

Pi pɔ́ɔn pá’ à lɔɔn ńgwɔ́ nyìŋ gẅi pumo wɔ̌wɔ́ɔ pɔ́ yé nuŋe nuŋe, ḿbɔ́ɔn pá’ à lɔɔn ńgwɔ́ nyìŋ nyé té néŋ mekù’ ná shúm sie ée se Ssé, ndʉŋ ndʉŋ pá’ Esaẅi gẅie à la sẅiŋe nò mûɔ ndÿò gẅie à laa wɛ̌, mé lɔgɔ tà’a káŋa mmó léjÿó ńjú.

Megàŋ ntúm 17:32

Pà Gelekia gwɔ́ tà ńjú’ pá’ Pɔl gɔ̌ɔn ngie nyìŋ la zíme nà legwé, etsɔ́ pʉ̀a pɔ́b é gwaa zoonte yé, petsɔ́ gɔɔn lê yé ngie: Peg ge lá’a tsɔ́ lyɛ̌’ tá gíŋ zẅí’te nò gie ɔ̀ gɔɔn lɛ!

Malékuse 4:14

Nyìŋ gẅie à pyě mmó, à pye shwóŋè Ssé

Malékuse 4:16

Mbyè mmó gie e gwě jʉ’ʉ metóon lɔgɔ ńgwɔ́ pʉ̀a pie pɔ́ jú’u shwóŋè Ssé, ésẅɛte ńzẅíŋ nê lekág.