Malékuse 3:7 - Nouveau Testament en Ngienboum

⁷ Yěsô pâ *ngàŋa kwò yé gÿo ńgʉa lê ngʉ̀ŋe máamáa letʉ̀ŋ Galilea. Menùɔ lá’ tà ńgyɔ́ɔn cʉ́me nzèm yé, éfóo ngwòŋ Galilea mbɔɔ ngwòŋ Jẅidea,

Malékuse 3:7 Referans Kwoze

Lukase 6:17

Yěsô pâ *ngàŋ ntúm yé gie à tsɔ̌’, fó ndùm lekwɔ’ɔ́ sẅɛ́’ tà ńkúu tsìŋe lekwɔ’ɔ́, ńgyá yetsɔ́ *Ngàŋa kwò yé gwɔ́ jʉ’ó tà ńgyɔ́ɔn pâ nùɔ lá’, mbà mé fǒ nà pàga ngwòŋ Jẅidea, éfó tÿǒsoŋ Yerósalem, éfó mengʉ̀ŋe metÿǒsoŋo Tir pɔ́ Sidoŋ tà mbɔɔ metÿǒsoŋ mie ée nkʉ̀ŋ ntse.

Matio 4:25

Àlá’ menùɔ menùɔ fô Galilea, éfô tsɛ̀ɛ metÿǒsoŋ legém, éfô Yerósalem, éfô Jẅidea tà mbɔɔ ná yetsɔ̌ nzǐŋ ntse Jurdeŋ, ńcʉ́me nzèm yé.

Matio 12:15

Tá Yěsô gwɔ́ tà ńzsé, éfó jʉ’ó ńgʉa. Àlá’ cʉ́me nzèm yé tà ńgyɔ́ɔn. Á gÿo megàŋa guɔ ntsèm pie é laa tsɛ̀ɛ nùɔ lá’ zeŋe.

Lukase 23:5

Tá pɔ́ cwoŋo ńkẅi kẅi, ńgɔɔn ngie: A ne ńgwáa ńkʉ́’ʉ ésẅite pʉ̀a ngie pɔ́ tʉʉ twó. À la zye Galilea, ńkúu Jẅidea, à gie à lɔ̌g ńtó tó tà ńkúu jʉ’ɔɔn lɔɔn.

Lukase 6:12

Yěsô gwɔ́ lyɛ̌’, ńgʉa ndùm lekwɔ’ɔ́ lésẅíŋte Ssé, tà ńdá’a wó lá’.

Malékuse 1:39

Á gɔɔn pú’u, ńgwá ńgiŋe jʉ’ ntsèm tsɛ̀ɛ pàga ngwòŋ Galilea ntsèm, ńkúu tsɛ̀ɛ *mendá cú’tè, éshwóŋó nò Ssé, ńkúu ńjwóŋo *messé tepòŋ mie é pue pʉ̀a.

Matio 10:23

Mé lɔɔn ne ńkʉe gẅi a tsɛ̀ɛ yɔ̀ɔn tÿǒsoŋ, pi kÿo ńgee tsɛ̀ɛ yetsɔ́. Mèŋ n ge shwóŋó gẅí, kwà’ nénʉ́, pi tè lá’ kú metÿǒsoŋ Israel tà ḿmag té gwɔ́ gie *Míŋ Nyìŋ tǒ wɔ́.

Megàŋ ntúm 17:14

Mefɛ́ mefɛ́ gwóon ńgÿo Pɔl lɔg shÿó ntse té pàa ńgʉa. Silas pɔ́ Timoté cʉ́’ ńzso Mbelɛ.

Megàŋ ntúm 17:10

Nzěm lêen ńgwaa síŋ, mefɛ́ mefɛ́ gÿo Pɔl pɔ́ Silas gʉa nê tÿǒsoŋ Mbelɛ, ńgʉa tà ńkúu wó, ńgʉa *ndá cú’tè pà Yuda.

Ŋwà’ne Jâŋ 7:52

Tá petsɔ́ pʉ̀a tsɔ́’ɔ mbwo yé ngie: Ɔ̀ɔ jú nyìŋ Galilea ka? Ɔ̀ lɔɔn fa’ mboŋó, mbà ɔ̀ ge gyá ngie tsɔ̌ *ntsẅì nkʉ̀ Ssé laa kẅɛɛ Galilea wɔ́.

Ŋwà’ne Jâŋ 7:41

Petsɔ́ ne ńgɔɔn ngie yé zɔɔ *Nzà’nkÿo. Tá’, petsɔ́ ne ńgɔɔn yɔ́b pɔ́ ngie *Nzà’nkÿo lɔɔn ńgwɔ́ á le fó Galilea wɔ́.

Matio 12:16

Á piŋ ńtɔ’ɔ wɔ́b tà ḿbʉ́, ngie pɔ́ pɔ́ɔn légÿo tà mé zsé nyìŋ gẅie aa wɛ̌.

Malékuse 1:45

Tá á gʉa, ńdeen ńgwá ńdɔgɔ nò ŋwɛ́ sá jʉ’. Á gwɔ gwɔ́ tà Yěsô tě ńgíŋe shʉ̀a shʉ̀a, ńkúu tsɔ́ tÿǒsoŋ wɔ́, ńcʉ́’ʉ ńzso pɔ́ mánzsè, á jʉ’ gie pʉ̀a té wó wɔ́. Mé ké ńně fóo jʉ’ ntsèm, ńtóo tǒ, ńgyá yé.

Malékuse 3:20

Yěsô kúu ndá, alá’ gíŋe ńcú’te ńgyɔ́ɔn gyɔ́ɔn tà pâ *ngàŋa kwò yé té gyá fʉ̀’ tà ḿpfɛ́ɛ mmó wɔ́.

Malékuse 4:1

Yěsô la gíŋe ńzye lézí’i pʉ̀a nò Ssé á ngʉ̀ŋe ntse Galilea, anùɔ lá’ tóo lejʉ́ŋ yé tà ńgyɔ́ɔn tɛ’, tà á kúu tsɛ̀ɛ kanú’ gie áa tsɛ̀ɛ ntse, ńnéŋe. Alá’ tyé ngʉ̀ŋe ntse.