Malékuse 3:11 - Nouveau Testament en Ngienboum

¹¹ Epʉ̀a pie *messé tepòŋ la ne ḿbue wɔ́b lɔ́ɔn ńgwɔ́ tà ńgyá Yěsô, ńnuŋe mekwò yé, ńdɔgɔ ngyè tetʉʉ ńgɔɔn ngie: «Ɔɔ Míŋ Ssé».

Malékuse 3:11 Referans Kwoze

Lukase 4:41

*Messé tepòŋ ne ńgwaa fóo nà lelÿò é kẅɛɛ, ńga’te ńgɔɔn ngie: Ɔ̀ɔ Míŋ Ssé. Tá’ Yěsô cÿɔ́gɔ wɔ́b, à tè zẅíŋ ngie pɔ́ gɔɔn nò wɔ́, mélà’mie pɔ́ la zsé ngie Yěsô aa *Nzà’nkÿo pù’ gẅie Ssé la ka’a mbwo pʉ̀a mesoŋ.

Lukase 8:28

Á lêen ńgyá Yěsô, ńtó ńnuŋe mekwò yé, ńga’te ńdɔg ngyè tetʉ́ʉ ngie: Yěsô Míŋ Ssé gẅie à pi’i kɔ̀ɔkɔ́ɔ, ɔ̀ kẅé kɔ́ mbwo mèŋ? E sẅiŋté ɔ́, te ńnéŋe wɔ̀ɔn tsɛ̀ɛ ngɔ́’,

Ŋwà’ne Jâg 2:19

Ɔ̀ ne ńzẅíŋe ngie e Ssé, ee yémɔ’ɔ́, oon áa mbòŋ, *messé tepòŋ gíŋe ńne ńzẅíŋe yɔ́b pɔ́ pú’u, tá ḿbiŋe ńne ḿvɛɛ.

Matio 8:29

Pɔ́ ga’te ńgɔɔn né Yěsô ngie: Ɔ̀ fa’a légÿo lêkɔ́ ná peg, Míŋ Ssé? Ɔ̀ ka tóo jʉ’ɔɔn pɔ́ létʉ́ njÿó ńnéŋe wég tsɛ̀ɛ ngɔ́’ ka?

Matio 4:3

Sátà tó ńkwa’te yé, ńgɔɔn ngie: Pá’ ɔɔ Míŋ Ssé lá, leen ńké ńtsẅi né metóon pɛ̂ ngie é sele ńcʉ́’ʉ mmó léjÿó ɔ̀ jÿó.

Megàŋ ntúm 16:17

Á cʉ́me nzèm peg lâ Pɔl, ńgiŋe ńgɔɔn lê tʉ̀ ngie: Epʉ̀a pɔɔn ée ngàŋa fà’ mbwo Ssé gẅie à pi’i kɔ̀ɔkɔ́ɔ! Pɔ́ ne shwóŋó gẅi pá’ à lɔɔn ńgwɔ́ pi giŋ pú’u tá ńtsẅɛ́.

Matio 8:31

*Messé tepòŋ sẅíŋte Yěsô ngie: Ɔ̀ lɔɔn ńjwoŋo wég, ɔ̀ zẅíŋ peg gʉa ńkúu nà nùɔ mekúnɔ́ɔn pi.

Matio 4:6

ńgɔɔn né yé ngie: Pá’ ɔɔ Míŋ Ssé lá, kyɛ́ɛ ńtyé ssé, mélà’mie mé la ŋwe’e tsɛ̀ɛ ŋwà’ne Ssé ngie: «Ssé ge shwóŋ mecÿɔ́’ pé pá’ pɔ́ ge gÿo ná gù, pɔ́ ge lɔg mbwó mɔ́b kaa gú tà ɔ̀ le túu kwò jú ná tóon wɔ́».

Matio 14:33

Pʉ̀a pie ée tsɛ̀ɛ kanú’ kẅí’te mvfò Yěsô ńgɔɔn ngie: Áa kwà’ nénʉ́, ɔ́ɔ Míŋ Ssé.

Malékuse 1:1

Nzyetè Nkʉ̀ Mbòŋo Yěsô Kristo gẅie aa Míŋ Ssé, e yɔɔn

1 Korento 11:34

Nzyè lɔɔn ne ńgyáŋa nyìŋ, á gwɔ́ fó mbʉ̀a yé, ḿvɔg ńjÿó mmó, légwɔ́ gie pi tè gʉa jʉ’ gie pi cú’te wó, étóŋte pɔ́ ntsaŋ gie Ssé ge ŋaga gẅi ŋag wɔ́. Á gʉa ná metsɔ́ menò, mbà mèŋ n ge gÿo tó tá nyɛte.