Malékuse 2:5 - Nouveau Testament en Ngienboum

⁵ Yěsô gyá ntí gie mbàŋa ŋwɛ́ lɔ̌g ńzáb ntʉ́m ná yé, ńgɔɔn né ngàŋa kwʉ́’te ngie: Míŋ wɔ̀ɔn, mé legé menò tepòŋ mú ńnáa mbwo gù.

Malékuse 2:5 Referans Kwoze

Matio 9:2

ńkúu wó, mé lɔgɔ tsɔ̌ ngàŋa kwʉ́’te ńtó, á nuŋe ná páŋte. Yěsô gyá ntí gie, mbàŋa gie é lɔgɔ́ yé ńtó, lɔg ńzab ntʉ́m ná yé, ńgɔɔn né ngàŋa kwʉ́’te ngie: Míŋ wɔ̀ɔn ɔ́ɔ shÿó mbòŋo! Mé legé menò tepòŋ mú ńnáa mbwó gù.

Ŋwà’ne Jâg 5:15

Asẅíŋte gie mé gwaa gÿo, ńzáb ntʉ́m nà Ssé, à gÿo, à zeŋe. Cʉ̀apʉ̀a pʉ’ʉ yé, ńgwɔ́ gie à ka fǒ ńgÿo pɔ́ nò tepòŋ, mbà Ssé ge lege menò tepòŋ mé náa mbwo yé.

Matio 9:22

Yěsô sele nnɛ́, ńgyá yé, ńgɔɔn né yé ngie: Míŋ wɔ̀ɔn, ɔ́ɔ shÿó mbòŋo, ntí gie ɔ̀ lɔ̌g ńzáb ntʉ́m gú ná mèŋ lɛ̂, gÿǒ ɔ̀ zeŋe. Á gwóon ńzeŋe pɔ́ fʉ̀’ó fʉ̀’ó.

Efeso 2:8

À la cÿó gʉm gí, ńgÿo pi tsẅɛ́, éfóo ná pá’ pi la záb ntʉ́m ná Yěsô. Á té fóo né pi wɔ́, à la lɔg pɔ́ pòŋo ntʉ́m yé ńgÿo.

Megàŋ ntúm 5:31

E Ssé ka gÿo á kwɔ́’, á ńnéŋe yé nà gwòŋo pwò yé ye tʉ̀, pú’u, ńdɔgɔ yé ńgÿo fùɔ, ńgíŋe ńdɔgɔ yé ńgÿo *Nzà’nkÿo. E Ssé ka gÿo pú’u, le gwɔ́ gie pʉ̀a Israel ge kúbe mà wɔ́b, à lege menò tepòŋ mɔ́b.

Ŋwà’ne Jâŋ 5:14

Yěsô gÿo ńgyá yé tsɛ̀ɛ *jʉ’ʉ Ssé, ńgɔɔn né yé ngie: Ɔ̀ kě ńzeŋe mboŋó, tè lá’ ńgíŋ ńgÿo nò tepòŋ ḿbɔ́gɔ tsɔ̌ ngɔ́’ légíŋe ńkúu gú, tà ńtɔ́g gie ɔ̀ kà zɔɔn ńgwɔ́ tsoló.

Lukase 5:20

Yěsô gyá ntí gie pʉ̀a pɔɔn lɔ̌g ńzáb ntʉ́m ná yé, ńgɔɔn né ngùɔ ngie: Ashǔ wɔ̀ɔn, mé legé menò tepòŋ mú ńnáa mbwo ɔ̀.

Kolosia 3:13

Pi gẅiin shÿɔ̀gɔ ntʉ́m tsetsɛ̀ɛ pi, nyìŋ gẅi fʉa nò pi lege ńnáa mbwo ye, ńdege mefʉa mí tsetsɛ̀ɛ pi né pi, pá’ Cʉ̀apʉ̀a wege la lege mefʉa mí gí la.

2 Korento 2:10

Pi lɔɔn ńdege mefʉa nyìŋ, ńnáa mbwo yé, mbà mèŋ n degé yɔ́ɔn ńnáa mbwo ngàŋ, ńgwɔ́ gie n dɔɔn ńgẅiin lélege mefʉa nyìŋ, ńdege, mbà mèŋ n tyé mvfò Kristo ńdege pɔ́ lélɔg ńkẅéte gẅí,

1 Korento 11:30

Áa mmó gie á gÿó tá pʉ̀a tà ńgyɔ́ɔn gwɔ́ tsetsɛ̀ɛ pi, ńgwɔ́ mé guɔ. Petsɔ́ gwɔ́ menkǒon, mbà petsɔ̌ léen ńkwéte.

Megàŋ ntúm 14:9

Á gwɔ́ tsɔ́ lyɛ̌’, ńne ńzẅí’te shwóŋè gie Pɔl ne ńgɔɔn. Pɔl líe yé, ńgyá á ne ńzába ntʉ́m nà Ssé tà ńgwɔ́ gie à lɔɔn ńgwɔ́ Ssé gÿo á sẅéte.

Megàŋ ntúm 11:23

Á gʉa tà ńkúu wó, ńgyá yé pá’ Ssé ne ńdíe pʉ̀a pie pɔ́ zǎb ntʉ́m ná yé pú’u, ànò poŋo yé tɛ’. Á kẅiŋte wɔ́b métsèm, ngie pɔ́ ké ńzsé pɔ́ ndà’ Cʉ̀apʉ̀a, ḿbiŋ ńcʉŋe pɔ́ ná yé.

Ŋwà’ne Jâŋ 2:25

À la tè ne ńtsɔ́ɔn ngie mé kyagte kyagte éshwóŋó yé wɔ́. Kwà’ yé lê twó yé à zsé mmó gie áa tsɛ̀ɛ ntʉ́m nyìŋ mesoŋ.

Lukase 8:48

Yěsô gɔɔn né yé ngie míŋ wɔɔn, ntí gie ɔ̀ lɔ̌g ńzáb ntʉ́m ná mèŋ gÿǒ ɔ̀ tsẅɛ́, gʉa né mbʉ́lè,

Malékuse 5:34

Yěsô gɔɔn né ye ngie: Míŋ wɔ̀ɔn, pá’ ɔ̀ zǎb ntʉ́m ná mèŋ la, ɔ̀ zeŋé, gʉa lê mbʉ́lè, aguɔ jú mǎg.

Matio 9:5

Pi gyǎ ngie á zeŋe pɔ́ légɔɔn né nyìŋ ngie: Mé legé menò tepòŋ mú, ka pɔ́ légɔɔn ngie lu ssé ńgiŋ?

Malékuse 2:6

Etsɔ́ *pàkyàgte lepʉ̌ Mǒsê gwɔ́ jʉ’ó, ńjú’, ńkwaŋte lóŋ pɔ́b ngie: