Malékuse 2:18 - Nouveau Testament en Ngienboum

¹⁸ Á láa tsɔ́ lyɛ̌’, *ngàŋa kwò Jâŋ Mbabtis pâ pà *farisay ne *ńkwoŋo kwoŋ ńnéŋe nzyè, ésẅíŋte Ssé. Etsɔ́ pʉ̀a tó ńzɛ́te Yěsô ngie: *Ngàŋa kwò Jâŋ pâ pé pà *farisay kwoŋ kwoŋ ńnéŋe nzyè, ésẅíŋte Ssé. E pú piŋ ńké tè gÿo yɔ́b pú’u wɔ́, mélà’a kɔ́?

Malékuse 2:18 Referans Kwoze

Lukase 18:12

Mèŋ, n gee ńkwoŋo kwoŋ ńzɔ́gɔ nzyè ngʉ̀a mbʉ́a nà ngàba lá’, ńgíŋe ńgabte shúm sɔ́ɔn nzsè legém, ńnáa tà’ nzsè mbwo gù.

Matio 6:18

À cʉa pú’u, àtsɔ̌ nyìŋ le zsé ngie ɔ̀ ne ńnéŋe nzyè lésẅíŋte Ssé wɔ́. Tá gù gíle yé gẅie mé té gyá yé wɔ́ zɔ zsé. Yé gẅie à ne ńgyá mmó gie ɔ̀ gÿo lelyěen ge gÿo tsɔ́’ɔ fà’ jú.

Matio 6:16

Pi lɔɔn ńkwoŋ kwoŋ ńnéŋe nzyè lésẅíŋte Ssé, tà pi sẅé’e shÿó gẅi pá’ pà nkwòŋ menÿɔ́g. Pɔ́ sẅé’e shÿó wɔ́b, ńdɔg ńnyɛ ngie pɔ́ ne ńnéŋe nzyè lésẅíŋte Ssé. Tà mèŋ shwóŋó gẅí, kwà’ nénʉ́, pɔ́ ně ńdá’ ńgẅiin ntsɔ’ɔ́ fà’ wɔ́b.

Roma 10:3

Á gwɔ́ nue pɔ́ té ne ńkwoŋo lézẅíŋ ntí gie e Ssé lɔg ńgÿo pʉ̀a gwɔ́ ndʉŋ ndʉŋ mvfò yé wɔ́ mbɔɔ nue pɔ́ fa’a pɔ́ wɔb mánzsè. Pɔ́ té zẅíŋe mánzsè gẅie e Ssé fó mǒ ngie epʉ̀a ée ndʉŋ ndʉŋ mvfò yé wɔ́.

Matio 23:5

Pɔ́ gwɔ́ gÿo kɔ́ wɔ́ nně ńtsɔ́ɔn ngie mé gyá wɔ́b. Áa mmó gie á gÿo, pɔ́ gʉa ná shwóŋó Ssé gie mé ŋwe’e ńnéŋe tsɛ̀ɛ tétɔ́’, á gie mé kwɛ́ɛ ná zǐ ka ná pwó wɔ́ la, pɔ́ gÿo pɔ́b metétɔ́’ é gú’ pɔ́ nà ntí yé ndyɛ̀’ɛ. Pɔ́ gíŋe ńgÿo yɔb nzsǒ gie mé ma’a ńdɔgɔ ńtsyɛ’te Ssé, metsɔ̌ɔn sag tɛ’

Malékuse 2:19

Yěsô tsɔ́’ɔ mbwo pɔ́b ngie: Tà à lɔɔn ńgwɔ́ mé gʉa ńzíŋ leluŋó nyìŋ, á nyé ńnéŋe ńnéŋe, pʉ̀a pie mé ně ńtóŋ ńnéŋe nzyè lêkɔ́? Pâ pɔ̌ lɔɔn ńnyé ńnéŋe ńnéŋe, mbà pɔ́ ge ké pfɛ́ pɔ́ mmó.