Malékuse 2:12 - Nouveau Testament en Ngienboum

¹² Á gwóon ńdu ssé, ńkaa páŋte we, ńdɔg ńně ńgee, alá’ ne ńdíe, á pú ńně ńkʉ’ʉ wɔ̌ɔwɔ́ɔ. Pɔ́ ne ńgu’te Ssé ńgɔɔn ngie: Peg laa zɔɔn ńgyá yɔɔn ntí nò wɔ́!

Malékuse 2:12 Referans Kwoze

Matio 9:33

Yěsô gwɔ́ tà ńjwoŋ yɛ̌ *ssé tepòŋ, mbu’ ncwò ŋwɛ́ gwóon ńzye légɔɔn nò. Àlá’ gyá ḿbú ḿmɔ́ɔn, ńne ńgɔɔn ngie: Mé laa zɔɔn ńgyá yɛ̂ ntí nò á tsɛ̀ɛ ngwòŋ pà Israel wɔ́.

Matio 9:8

Àlá’ gyá yɔ̀ɔn nò á kʉ’ʉ wɔ́b, pɔ́ ne ńgu’te Ssé ná pá’ à nǎ yɔ̀ɔn ntí metʉ̀ mbwó pʉ̀a mesoŋ.

Lukase 7:16

Alá’ gie á laa ssé la gyá, ecÿɔ’ gwoon wɔ́b métsèm, pɔ́ gu’te Ssé, ńgɔɔn ngie: Máamáa *ntsẅì nkʉ̀ Ssé tǒ lá’ peg, e Ssé tǒ ńkẅéte pʉ̀a pé.

Megàŋ ntúm 4:21

Pàsá’ ntsaŋ é gíŋe ńnyɛte ḿbebe wɔ́b, ńnyé wɔ́b pɔ́ gʉa. Mbà pɔ̀ fǎ’ shÿo gẅie pɔ́ ge fó mǒ lɔg nyɛɛ wɔ́b ngɔ́’, pɔ́ té gyá ńtí lá’. Á nue pʉ̀a metsèm laa jʉ’ó, ńně ńgu’te Ssé nà mmó gie á ka cʉa.

Ŋwà’ne Jâŋ 9:32

Mé laa mé ńjú’u nyìŋ gẅie à nyɛ̌’ menÿɔ́g nyìŋ gẅie mé la gwaa zyé yé á gwɔ́ fʉ̀ menÿɔ́g wɔ́ le!

Ŋwà’ne Jâŋ 7:31

Lelÿò pʉ̀a tsɛ̀ɛ nùɔ lá’ ké ne ńzába ntʉ́m ná yé zǎb, ńne ńgɔɔn ngie, tà *Nzà’nkÿo ge gÿo tó gíŋe gÿo tsɔ́ menò mmɔɔn mmɔɔn tà e tɔ́g mie nyìŋ wɛ̂ ne ńgÿo la?

Lukase 17:15

Atsɔ̌ tà’ ná pɔ́b gyá pá’ à zeŋé, ḿbiŋ nzèm, ńkwé’e ngyè ye ńnáa tÿǒ ńdɔg ńgú’te Ssé.

Lukase 13:13

ńgɔɔn pú’u, ńzáb mbwo mé twó manzwě ŋwɛ́. Á gwóon ḿbʉ’ʉ nnɛ́ ńtyé ndʉŋ ndʉŋ, ńgu’te Ssé.

Lukase 5:26

Pʉ̀a metsèm la gyá á kʉ’ʉ wɔ́b, pɔ́ né ḿbɔ́gɔ, ńgíŋe ně ńgɔɔn ngie agù’te áa mbwo Ssé, peg gyǎ ndàa gyá lyɛ̌’ɔɔn.

Malékuse 1:27

Á pú ńkʉ’ʉ lá’, pɔ́ mɔɔn, ńzɛ́te tsetsɛ̀ɛ pɔ́b ngie: Yɔɔn áa lêkɔ́? Áa pá’ɔɔn ńgwɔ́ pɔ́ tsɔ́ nò sẅé gie á giŋé ńkẅɛ la? À gwɔ̌ tà ńdɔgɔ tʉ̀, ńtsẅii nò mbwo *messé tepòŋ, pɔ́ jú’u ncwó we.

Matio 15:31

Pàtámbǎ’ gɔɔn nò, mekÿǒon zeŋe, pàpwɔ́’te mekwò giŋ mboŋó, pàfʉ̀ menÿɔ́g gyá jʉ’ mboŋó. Àlá’ gyá ḿmɔɔn tɛ’, ńgu’te Ssé pà Israel.

Matio 12:23

Àlá’ ntsèm pú ńgyá ḿmɔɔn tɛ’, ńgɔɔn ngie: Ndyɛ̀’ tsɔ́ aa nyìŋ na ngẅɛ fùɔ Ndavíd wɛ̌.

Malékuse 2:11

Lu ssé, ńkaa páŋte gù ńdɔg ńgʉa né mbʉ̀a gù.