Malékuse 15:15 - Nouveau Testament en Ngienboum

¹⁵ *Pilato gyá ngie à ge gÿo mmó gie á poŋó lá’, ńtsɔ́’ɔ Panepâse ndá tsǎŋ ńnyé, ḿbiŋ ńgÿo mé lɔg ngwɔ̀ɔn ńcúa Yěsô. Á náa yé ngie mé lɔgɔ yé ńgʉa ńkime nà tÿǒ nkǐ.

Malékuse 15:15 Referans Kwoze

Ŋwà’ne Jâŋ 19:1

*Pilato lêen ńké ńnáa Yěsô ngie mé lɔg ngwɔɔn ńcúa yé.

Matio 27:26

*Pilato leen ńké ńkẅile Panepâse ndá tsǎŋ, ńgÿo mé lɔg ngwɔɔn ńcúɔ Yěsô, ḿbiŋ ńná yé ngie mé lɔgɔ yé ńgʉa, ńkime yé nà tÿǒ nkǐ.

Malékuse 10:34

Pɔ́ zoonte yé, ńtsɔg metyé ná ye, ńdɔg ngwɔ̀ɔn ńcúa yé, ńzẅé yé, à piŋ ńzíme nà legwé nà mbɔ́ɔntè lyɛ̌’ tá.

1 Piɛ 2:24

Kwà’ yé Kristo la kaa menò tepòŋ mégè ńnéŋe soŋ nnɛ́ yé, á fʉ̀’ gie mé la kime yé nà tÿǒ nkǐ. À la gÿo pú’u, légwɔ́ gie pege ge cʉ́’ gwɔ́ mbwo nò tepòŋ, é gwɔ́ pɔ́ mepfó, é lêen ké ku’u légÿo mmó gie áa ndʉŋ ndʉŋ mvfò Ssé. Pi la zẅɛ́’ pɔ́ mefʉ̌ŋ mé tá ńzeŋe.

Ŋwà’ne Jâŋ 19:16

*Pilato leen ńké ńnáa Yěsô né pɔ́b, pá’ mé ge gʉa kime yé nà tÿǒ nkǐ. Mé lêen ńké ńdɔgɔ Yěsô ńgʉa.

Galatia 1:19

é té ndà’ yé wɔ́, mbà mèŋ n da tè gíŋ ńgyá tsɔ̌ ngàŋ ntúm Yěsô we ndyɛ̀’ɛ wɔ́, n da gíŋ ńgyá pɔ́ Jâg fɛ́ Cʉ̀apʉ̀a.

Megàŋ ntúm 25:9

Festus piŋ ne fa’a légÿo pá’ nò ge poŋ pà Yuda, ńzɛ́te Pɔl ngie: Tà à lɔɔn ńgwɔ́ ɔ̀ zẅíŋ ḿbiŋe Yerósalem ńzsé ngie mèŋ n ge ŋag jù ntsaŋ?

Megàŋ ntúm 24:27

ńgwá ńgÿo pɔ́ pú’u, tà é gwaa gwɔ́ ngù’ pʉ́a, mé lɔgɔ ngúmnɔ́ɔn Porsius Festus ńkúbe Felese. Pá’ Felese la ne ńkwoŋo légÿo mmó gie á ge poŋ pà Yuda la, à nyé Pɔl pɔ́ ndá tsǎŋ.

Lukase 18:33

é lɔg ngwɔ̀ɔn cúa yé, é gÿo mé zẅé yé, à piŋ ńzíme nà legwé nà mbɔ́ɔntè lyɛ̌’ tá.

Matio 20:19

ńnáa yé mbwó pàtèzsé Ssé, pɔ́ zoonte yé, ńdɔg ngwɔɔn ńcúɔ yé, ńkime yé nà tÿǒ nkǐ. A piŋ ńzíme nà legwé na ḿbɔ́ɔnte lyɛ̌’ tá.

Malékuse 15:14

*Pilato zɛ́te wɔ́b ngie: Kwà’ nò tepòŋ gie à gÿǒ áa kɔ́? Tá’, alá’ gíŋe ńkẅi’i ńnáa gwá ngie: Ké ńkime yé kim!

Lukase 23:16

Áa pú’u, tá mèŋ n ge cʉ́’ tsẅi mé cúa ye cúa, n deen ńké ńnyé yé à gʉa. [