Malékuse 14:7 - Nouveau Testament en Ngienboum

⁷ Pi ge ne gyá mepóŋ pɔ́ fʉ̀’ ntsèm, ńgwɔ́ gie pi lɔɔn ńkwoŋ pɔ́ fʉ̀’e kɔ́ wɔ́, pi gÿo nò mbòŋo ná pɔ́b. Tá ńgʉa ná mèŋ, mbà pege tè gwɔ́ pɔ́ fʉ̀’ ntsèm wɔ́.

Malékuse 14:7 Referans Kwoze

Matio 26:11

Pi ge ne gyá mepóŋ pɔ́ fʉ̀’ ntsèm, tá ńgʉa ná mèŋ, mbà pege tè gwɔ́ pɔ́ fʉ̀’ ntsèm wɔ́.

Filemo 1:7

N gɔɔn nue, nkwòŋe gie ɔ̀ gẅiin e ka gÿo m bú ńkág tɛ’. À fɛ́ wɔ̀ɔn, ntʉ́m wɔɔn sẅeté, á fóo nà pá’ ɔ̀ ka kẅiŋte pʉ̀a Ssé.

Megàŋ ntúm 3:21

Áa nà fʉ̀’ɔɔn Yěsô ké ńgẅiin pɔ́ léńnéŋe tÿǒ lépwó. Tà lá’ ku lyɛ̌’ gie e Ssé ge lá’ gÿo akɔ́ɔkɔ́ɔ sele ńcʉ́’ ńgwɔ́ pɔ́ ye sẅe. Pá’ à la lá’ ńdɔg ncwò kwà’ pà Ntsẅì nkʉ̀ pé ńgɔɔn tà ntyě sǎg.

Ŋwà’ne Jâŋ 17:11

Áa nà fʉ̀’ɔɔn, á cʉ́’ʉ méjʉ’, ń de gíŋe ńgwɔ́ tsɛ̀ɛ njÿó wɔ́, á nue mèŋ n ge piŋ ne lejʉ́ŋ gù. Tá ńgʉa ná pɔ́b, mbà pɔ́ ké ńnyé ńgwɔ́ pɔ́ tsɛ̀ɛ njÿó. Tá wɔ̀ɔn ée ndà’ gú ńgwɔ́ Ssé, lɔg metʉ̀ mú, é metʉ̀ mie ɔ̀ la náa mbwo mèŋ la, ḿbyɛ́bɛ wɔ́b, ńzsé ngie pɔ́ ge gwɔ́ tà’ nyìŋ ndʉŋ ndʉŋ pá’ pɔgɔ ée tà’ nyìŋ la.

Ŋwà’ne Jâŋ 16:28

Mèŋ n da fóo mbwo Tá wɔ̀ɔn, ńtóo tsɛ̀ɛ njÿó, mèŋ m biŋ ńgwɔ́ fʉ̀’ɔɔn ńne fóo tsɛ̀ɛ njÿó ńgee ne ńtsɛ́ Tá wɔ̀ɔn.

Ŋwà’ne Jâŋ 16:5

Mèŋ n gee fʉ̀’ɔɔn pá’ɔɔn, ńgee né lejʉ́ŋ Nyìŋ gẅie à la túmo wɔ̀ɔn. Mèŋ ne ńgee, atsɔ̌ nyìŋ gẅi kě kaa zɛ́te wɔ̀ɔn ngie: Ɔ̀ gee pɔ́ nê nzɔ̌ wɔ́ wɔ́?

Ŋwà’ne Jâŋ 13:33

Pènkʉ́ pɔ́ɔn, pege tè gíŋe ńnéŋe tà ntyě sag wɔ́. Pi ge gÿo ne gwá fa’a wɔ̀ɔn pá’ mèŋ n ka gɔɔn mbwo pà Yuda ngie: Ajʉ’ gie mèŋ n gee nê wó, pi tè ku’u létóo wó wɔ́. Mèŋ n giŋé ńgɔɔn yɛ̌ nò mbwo pi fʉ̀’ɔɔn.

Malékuse 14:6

Tá Yěsô gɔɔn ngie: Pi kyɛɛ yé ńnyé, pi zẅɛte mélà’a kɔ́? À gÿǒ pɔ́ nò mbòŋo ná mèŋ.