Malékuse 14:65 - Nouveau Testament en Ngienboum

⁶⁵ Petsɔ́ pʉ̀a zye létsɔg metyé ná ye, ńkwɛ́ shÿó we, ńně ńcúa yé, ńgɔɔn né ye ngie: Lɔgɔ nò *ntsẅì nkʉ̀ Ssé jú yɛ̌, ńkeme nyìŋ gẅie à cǔa gú. Pàpyɛ́bɛ nɔ’ɔ *nùŋe pwɔ́’ we lÿò ne ńcúa metuŋó mé.

Malékuse 14:65 Referans Kwoze

Megàŋ ntúm 23:2

ńgɔɔn pú’u, Ananias, tándá pànuŋe pwɔ́’ tsẅii mbwo pʉ̀a pie ée lejʉ́ŋ Pɔl ngie pɔ́ cúa yé ncwò yé.

Ŋwà’ne Jâŋ 19:3

Ńne sẅɛ́’te nnɛ́ ńtóo lejʉ́ŋ yé, ésíe yé ngie: Mé tsyɛ’té fùɔ pà Yuda! Ńtéme mbwó metuŋó yé.

Ŋwà’ne Jâŋ 18:22

Yěsô gɔɔn pú’u, atsɔ̌ tà’ ná pàpyɛ́bɛ jʉ’e Ssé gẅie á kě jʉ’ó téme pwó letuŋó yé, ńgɔɔn ngie: Wɛ̂ aa pá’ ɔ̀ tsɔ́’ɔ nò mbwo *Nùŋe pwɔ́’ we lÿò?

Malékuse 15:19

Ńne ńdɔgɔ kekà’a ńcúa twó yé, ńne ńtsɔgɔ metyé ná ye, ḿbiŋe ńtóo ńŋwɔ́’ɔ mvfò yé, ésíe yé.

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.

Malékuse 10:34

Pɔ́ zoonte yé, ńtsɔg metyé ná ye, ńdɔg ngwɔ̀ɔn ńcúa yé, ńzẅé yé, à piŋ ńzíme nà legwé nà mbɔ́ɔntè lyɛ̌’ tá.

Matio 27:30

Ńně ńtsɔgɔ metyé ná yé, ńkẅé kekà’a, ńcúɔ twó yé,