Malékuse 14:61 - Nouveau Testament en Ngienboum

⁶¹ Yěsô láŋte laŋté, à tè tsɔ́b. *Nùŋe pwɔ́’ we lÿò gɔɔn né yé ngie: Ɔɔ *Nzà’nkÿo, á Míŋ Ssé?

Malékuse 14:61 Referans Kwoze

Malékuse 15:2

*Pilato zɛ́te yé ngie: Ɔɔ fùɔ pà Yuda lá? Yěsô tsɔ́’ɔ mbwo yé ngie: Ɔ̀ gɔ̌ɔn pú’u.

Ŋwà’ne Jâŋ 19:7

Mekěm tsɔ́’ɔ mbwo yé ngie: À fʉ̌a *lepʉ̌ ség. Mé ge zẅé yé ńtí *lepʉ̌ sie à fʉ̌a. À gɔ̌ɔn ngie aa Míŋ Ssé.

1 Piɛ 2:23

Mé la zoonte yé, à tè nzòonte tsɔ́’. À la ne ńgyá ngɔ́’, ńké tè nyìŋ vege, ḿbú ńnyé yé nò ntsèm pɔ́ nà mbwo nyìŋ gẅie à zá’ ntsaŋ ndʉŋ ndʉŋ.

Ŋwà’ne Jâŋ 10:36

mèŋ m biŋ ńtyé pá’ɔɔn ńgwɔ́ nyìŋ gẅie Tá wɔ̀ɔn Ssé la tsɔ́’ ńtúmo tsɛ̀ɛ yɔɔn njÿó, mélà’a kɔ́ mèŋ n gɔ̌ɔn ngie mèŋ n gee Míŋ Ssé, pi gɔɔn ngie n zoonté Ssé?

Ŋwà’ne Jâŋ 1:34

Mèŋ n da gyá, tà mèŋ n ne sá’a shwóŋó pʉ̀a ngie aa Míŋ Ssé.

Matio 16:16

Símo Piɛ tsɔ́’ ngie: Ɔ̀ɔ *Nzà’nkÿo, Míŋ Ssé gie ee wó.

Matio 8:29

Pɔ́ ga’te ńgɔɔn né Yěsô ngie: Ɔ̀ fa’a légÿo lêkɔ́ ná peg, Míŋ Ssé? Ɔ̀ ka tóo jʉ’ɔɔn pɔ́ létʉ́ njÿó ńnéŋe wég tsɛ̀ɛ ngɔ́’ ka?

Matio 3:17

Ngyè fó tÿǒ lepwó ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág

1 Timote 6:15

À ge gÿo tóo nà fʉ̀’ gie e Ssé la záb. Yé Ssé gẅie à gẅiin tʉ̀ ntsèm. Yé zɔ̌ ndà’ Ssé, ńnéŋe pɔ́ tsɛ̀ɛ lekág, ńgwɔ́ Fùɔ cʉa mefùɔ, ńgwɔ́ Cʉ̀apʉ̀a mecʉ̀apʉ̀a,

1 Timote 1:11

Yɛ̌ nò gie mé zí’i wégè, áa tsɛ̀ɛ nkʉ̀ mbòŋo gẅie pege fó mǒ ńzsé shʉ́shÿɔ́g Ssé. Yé Ssé gẅie à ne ńkwoŋo pɔ́ nò mbòŋo ná pege léen ńcʉ́me wɛ̌ nkʉ̀ mbòŋo mbwo mèŋ.

Megàŋ ntúm 8:32

Á gwaa gwɔ́, mbà jʉ’e ŋwà’ne gie á ké ne ńtóŋo áa gie á gɔɔn ngie: Mé la ne ńdɔgɔ yé ńgee, á pú tè kẅág, ńgiŋ yé pɔ́ pá’ *njʉ̀njÿò gie mé lɔgɔ yé ńgee legwǎ mbab ńzẅe ńdáŋte pɔ́ pá’ mûɔ *njʉ̀njÿò gẅie mé ne ńkwóon menòŋ mé.

Ŋwà’ne Jâŋ 19:9

MÀbiŋe ndá, ńzɛ́te Yěsô ngie: Ɔ̀ɔ nyìŋ zsɔ̌? Tá Yěsô fó tè tsɔ́b.

Ŋwà’ne Jâŋ 18:37

*Pilato leen ńké ńzɛ́te yé ngie: Ɔ̀ lɔgɔ ńgwɔ́ fùɔ wɔ́? Yěsô tsɔ́’ ngie, ɔ̀ gɔ̌ɔn pú’u, mèŋ n gee fùɔ. Jú’u mmó gie á la gÿo mé zyé wɔ̀ɔn, ńgíŋe ńjú’u mmó gie á la gÿo mèŋ n tóo tsɛ̀ɛ njÿó. N da tó légɔɔn mmó gie mèŋ n zsé nà nò nénʉ́. Nyìŋ gwɔ́ ná nò nénʉ́, á jú’ ngyè yɔ̀ɔn.

Ŋwà’ne Jâŋ 10:24

Pà Yuda leen ńké ńtÿɔ́’ɔ Yěsô ńnéŋe sòŋ, ńzɛ́te yé ngie, peg ge zẅí’te tà kú pɔ́ fʉ̀’ʉ kɔ́ tá ɔ̀ shwóŋó wég nyìŋ gẅie ɔ́ɔ yé? Ɔ̀ lɔɔn ńgwɔ́ *Nzà’nkÿo, ɔ̀ zyɛ́b zyɛ̌b shwóŋó wég.

Malékuse 14:60

*Anùŋe pwɔ́’ we lÿò lu ssé tsetsɛ̀ɛ lá’, ńzɛ́te Yěsô ngie: Ɔ̀ laŋte laŋté kà? Ɔ̀ tè ne ńjú’u menò mie mé gɔɔn ná gù lɛ wɔ́ kà?