Malékuse 14:36 - Nouveau Testament en Ngienboum

³⁶ ńne ńgɔɔn ngie: Abba, Tá wɔ̀ɔn, atsɔ́ nò té gú cʉa. Pe’e yɔɔn ngɔ́’ gie e tóo ná mèŋ lɔɔn. Tá’, tè gÿo pɔ́ wɔ̀ɔn lekwòŋ, gÿo pɔ́ gù.

Malékuse 14:36 Referans Kwoze

Galatia 4:6

Áa nénʉ́ pi ee kwa’ púɔ Ssé. Aliŋé áa pá’ Ssé la ńnéŋe Zẅìge Míŋ we tsɛ̀ɛ mentʉ́m mégè, á Zẅìge gie á gÿo pege tóŋo Ssé le Abba. Á lɔgɔ ńgɔɔn ngie Tá wɔɔn.

Ŋwà’ne Jâŋ 5:30

Mèŋ n tè zá’ ntsaŋ nyìŋ té píge Ssé wɔ́. E yɔ̀ɔn ntí leŋag, é gwɔ́ nénʉ́, mélà’mie mèŋ n tè ne fa’a pɔ́ légÿo mmó gie mèŋ n zɔ kwoŋo wɔ́, n gÿo yɔ́ɔn pɔ́ mmó gie Nyìŋ gẅie à la túmo wɔ̀ɔn ne ńkwoŋo.

2 Timote 2:13

Á lɔɔn ńgwɔ́ gie pege neŋé ḿmoŋo yé, mbà à ké tè wégè moŋe Á nue à lɔɔn ńgwɔ́ á le gÿo mmó té gwɔ́ gie áa nà we mà wɔ́

Ŋwà’ne Jâŋ 12:27

Yěsô gíŋe ngie mèŋ n gee pá’ɔɔn, mbà lém yɔ́ɔn tsɔ’ɔ́. Mèŋ n ge ké gɔɔn ngie kɔ́? É gɔɔn ngie Tá wɔ̀ɔn gÿo mèŋ n tsẅɛ́ɛ yɔɔn fʉ̀’ la? Mèŋ n dɔ̌ɔn ńzɔɔn ńtóo ńtí pɔ́ yɔɔn fʉ̀’.

Titus 1:2

Pú’u mé ńnéŋe ne ńzẅí’te légwɔ́ tèmì gẅie e Ssé la lá’ ńnyé pɔ́ tè pú’ ngwòŋ, ńka’a mbwo pʉ̀a pé. Mé zsé ngie àa těen ńgɔɔn nò mé fa’a kékáŋ wɔ́.

Filipo 2:8

À la zẅíŋe lésẅí’i mbùm yé ńnáa ssé, ḿbiŋ ńzẅíŋe lé jú’ ncwò Ssé, tà mé kíme yé nà tÿǒ nkǐ, á kwé.

Ŋwà’ne Jâŋ 18:11

Tá Yěsô gɔɔn né Piɛ ngie: Néŋ nně jù mbʉ́a! Mèŋ n tè nú ntú’ ngɔ́’ gie Tá wɔ̀ɔn nǎ ngie mèŋ n nú wɔ́ ka?

Malékuse 10:27

Yěsô líe wɔ́b tà ńgɔɔn ngie: Á cʉa pɔ́ pʉ̀a mesoŋ, à lɔɔn ńgwɔ́ á le Ssé cʉa, ńtí nue à ku’u légÿo kɔ̀ɔkɔ́ɔ.

Ŋwà’ne Jâŋ 4:34

Yěsô gɔɔn mbwo pɔ́b ngie: Ayɔ́ɔn mmó léjÿó gwɔ́ pɔ́ légÿo mmó gie nyìŋ gẅie à ka túmo wɔ̀ɔn à ne ńkwoŋo, mbɔɔ lémege fà’ gie à ka nǎ né mèŋ.

Matio 26:39

ńgɔɔn pú’u, ńná’a ńgʉa mvfò, e sẅɛ’ nuŋe ssé, ésɔb shÿó wé ssé, ńne sẅíŋte Ssé ńgɔɔn ngie: Tá wɔ̀ɔn, á lɔɔn ńgwɔ́ gie ńgwɔ́ á gwɔ́ pú’u, ɔ̀ gÿo yɔɔn ntú’ ngʉ̀ngʉ̀ fó lejʉ́ŋ mèŋ ńtsíŋte! Tá’, tè gÿo wɔ̀ɔn lekwoŋ, gÿo pɔ́ gù lekwoŋ.

Matio 6:9

Pi lɔɔn ne sẅíŋte Ssé pi gɔɔn ngie: Tá weg, gù gẅie ɔ́ɔ tÿǒ lepwó. Gÿo pʉ̀a mesoŋ zsé ngie ee ndà’ gú ńgwɔ́ Ssé.

Heber 6:18

Pú’u la, eshúm ée wó sépʉ́a sie à lɔɔn ńgwɔ́ é le kúbe, pá’ e Ssé la ka’a nò mbɔɔ pá’ à la kʉa, é gwɔ́ menò mie á tʉ tà Ssé gɔɔn mé fa’ kékáŋ. Wɛ̌ le gwɔ́ kẅiŋte wég tɛ’, á wég gẅie peg léen ńnyé kɔ̀ɔkɔ́ɔ, nkwaŋá wég cʉ́’ ńtyé pɔ́ nà mmó gie peg zẅí’te mbwo yé.

Matio 26:42

Yěsô gíŋe fó lejʉ́ŋ pɔ́b ńgʉa nà mbɔ́ɔntè yépʉ́a, ésẅíŋte Ssé ńgɔɔn ngie: Tɔ́ɔnme, á lɔɔn ńgwɔ́ gie tsɔ̌ légÿo tà sẅɛ’te yɔɔn ntú’ lejʉ́ŋ mèŋ à tè gwɔ́ wɔ́, ńke ńgwɔ́ gie mèŋ n ké ńnú nú, ɔ̀ gÿo pá’ ɔ̀ kwǒŋ,

Malékuse 14:37

Yěsô sẅíŋte Ssé pú’u, ḿbiŋ nzèm lejʉ́ŋ *ngàŋa kwò yé, ńgyá pɔ́ ne ńdyé lyě. Á gɔɔn né Piɛ ngie: Símo, ɔ̀ lyě lá? Ɔ̀ fǒ kaa ku’u léná’a shÿɔgɔ lelɔ́g mbɔɔ ná tà’ nèm wɔ́ la?

Malékuse 10:39

Pɔ́ tsɔ́’ ngie: Peg ku’. Yěsô gɔɔn né pɔ́b ngie: Áa nénʉ́ ngie pi ge nú ntú’ gie mèŋ n ge ńnǔ, mé ge gíŋe nú’u gẅi gí tsɛ̀ɛ ngɔ́’ gie mèŋ n gee ńgyá.