Malékuse 14:21 - Nouveau Testament en Ngienboum

²¹ *Míŋ Nyìŋ ge kwé, á gwɔ́ pá’ mé la gɔɔn tsɛ̀ɛ ŋwà’né Ssé, tá’, andù tepòŋ aa nyìŋ gẅie à sẅiŋé *Míŋ Nyìŋ. Mbòŋo laa pá’ mé lɔ̌ɔn tè zyé yé wɔ́?

Malékuse 14:21 Referans Kwoze

Ŋwà’ne Jâŋ 19:28

Mɔɔn menò la tɔ́g, Yěsô zsé fʉ̀’ɔɔn ngie akɔ́ɔkɔ́ɔ kǔ’, ńgɔɔn ngie: Agág yɔ́ɔn shÿǒ, ńgɔɔn pá’ɔɔn légwɔ́ gie mmó gie mé la ŋwe’e tsɛ̀ɛ ŋwà’ne Ssé ge pumte.

Megàŋ ntúm 4:27

Áa kwà’ nò. *Herôd pɔ́ Ponte *Pilato kéen ńcú’te á tsɛ̀ɛ tÿǒsoŋ yɔɔn pâ pàtúm tà mbɔɔ tsɔ́ metsìŋe ndá Israel, ńcú’te pú’u, lélÿɔ́’ɔ Yěsô, á ngàŋa fà’ gù gẅie ɔ̀ la tsɔ́’, ńzɔ́’ɔ yé.

Megàŋ ntúm 2:23

Wɔɔn aa nyìŋ gẅie mé la ńnéŋe mbwo pi, á gwɔ́ pɔ́ pá’ e Ssé la lá’ ńkwaŋte ńzáb. Pi lêen ńké gÿo pàtezsě Ssé kime yé nà tÿǒ nkǐ, ńzẅé yé.

Megàŋ ntúm 1:25

Wɛ̌ nyìŋ cʉ́’ʉ ngàŋ ntúm Yěsô, ńtyé nà jʉ’ gie Jẅidas kaa wó tá ńgwá’ ńgʉa né yé jʉ’ la.

Matio 26:56

Tá menò mie é cʉate lɔɔn lɔgɔ ḿbumte ná nò gie pà *ntsẅì nkʉ̀ Ssé la ŋwe’e. Mé gwoon Yěsô pá’ɔɔn, *ngàŋa kwò yé metsèm pú ńgwá’a yé ńkÿo.

Matio 26:54

N dɔɔn ńké ńgÿo pú’u, àmmó gie mé la ŋwe’e tsɛ̀ɛ ŋwà’ne Ssé gǎ tà ḿbumte? Á nue mé la ŋwe’e tsɛ̀ɛ wó ngie: Menò ge lá’ cʉate pɔ́ pá’ é cʉate fʉ̀’ɔɔn lɔɔn.

Lukase 24:44

MÀpfɛ́ tà ḿmag, ńgɔɔn né pɔ́b ngie: Pi gyá mmó gie n kɔ̌ɔn shwóŋó gẅí, á fʉ̀’ gie pege ka nyě ńzɔ́gɔ. Mèŋ n da shwóŋó gẅi ngie á ne ńzɛ́te ngie yɛ̌ kɔ́ wɔ́ gie mé la ŋwe’e ná mèŋ wɔ́ à pumte. Menò ŋwɛ́ ntsèm ntsèm ée tsɛ̀ɛ ŋwà’ne Mǒsê, mbɔɔ tsɛ̀ɛ ye *pàntsẅì nkʉ̀ Ssé lâ ye Mezɔ́bɔ Ntse.

Lukase 22:22

Áa nò ngie *Míŋ Nyìŋ ge kwé pá’ Ssé la lá’ ńzáb, tá’ ndòon ee twó nyìŋ gẅie à ge tsege yé ná mé zẅé yé.

Malékuse 14:49

Mèŋ n kaa lyɛ̌’ ntsèm, ńgwɔ́ pɔ́ tsetsɛ̀ɛ pi, á *jʉ’ʉ Ssé, ńně ńzí’i pʉ̀a nò Ssé. Pi ké tè wɔ̀ɔn gwoon. Tá’, à yɔɔn nò tóo ńdɔgɔ ńgÿo mmó gie mé la ŋwe’e tsɛ̀ɛ ŋwà’ne Ssé á pumte.

Malékuse 14:20

Yěsô gɔɔn né pɔ́b ngie: Mèŋ shwoŋó gẅi ngie aa tsɔ̌ tà’ nyìŋ tsetsɛ̀ɛ pi ntsɔ̀b pʉ́a lê legém, tà peg yé zɔ teme ngwʉ̌ŋ.

Malékuse 14:22

Pâ pɔ̌ ne ńjÿó shúm léjÿó, Yěsô pí mbelég, ńná ndǎg mbwo Ssé, ḿbwɔ́’té ńgwaa náa mbwo pɔ́b, ńgɔɔn ngie: Pi kɔ. Yɔɔn ee mbùm nnɛ́ yɔ̀ɔn,