Malékuse 13:33 - Nouveau Testament en Ngienboum

³³ Pi ké ńdaga twó gi, tà pi gwá’a lÿɔg, ńdyé. Á nue pi tè ne ńzsé fʉ̀’ gie mɛ̌ menò ge gÿo tó wɔ́.

Malékuse 13:33 Referans Kwoze

Efeso 6:18

Pi gwɔ́ fʉ̀’ ntsèm ńne ńtsyɛ’te Ssé, ńgíŋe ne sẅíŋte yé nà mentí ntsèm, pá’ Zẅìge ge ne nyɛɛ gẅi ngie pi gÿo pú’u. Tà pi gwá’a lÿɔ̀g, pi sẅíŋte Ssé nà twó pʉ̀a Ssé métsèm.

Lukase 12:40

Pú’u, mbàa pi gí, pi cwoŋte mbùm gí ḿbyɛ́b, mélà’mie *Míŋ Nyìŋ ge gÿo tó, tá pi tè ne ńzsé fʉ̀’ wɔ́.

Ŋwà’ne Ngyà jʉ’ 16:15

Cʉ̀apʉ̀a gɔɔn ngie: Pi ké ńzsé ngie, mèŋ n ge tó pá’ ntsǒŋ la. Ashÿó mbòŋo aa nyìŋ gẅie mèŋ n ge gwɔ tó, á le ne ńdyé wɔ́, menzsǒ mé gwɔ́ ná yé, ḿbɔ́gɔ pá’ à ge lu ssé giŋ té jÿɔ́g nzsǒ, eshʉ́ kúu yé.

1 Piɛ 5:8

Tà pi gwá’a lÿɔg, tà pi lyé. Angàŋ mbù gẅi, Sátà, à ne ńgwá ńzéme, éfa’a nyìŋ gẅie à ge gwoon yé, pá’ pú’ ntʉ̀ gẅie à ga’te éfa’a mmó gie à ge pfɛ́ la.

1 Piɛ 4:7

Afʉ̀’ʉ nzsòte kɔ̀ɔkɔ́ɔ wɔ́, á ne ńku’u. Pá’ áa pú’u la, pi gwɔ́ pàzsé nò. Tà pi gwá’a lÿɔg, ńzsé ngie pi ge ku’u lésẅíŋte Ssé.

Matio 25:13

Yěsô ma’a twó ngie: Áa yɛ̌ tá pi pɔ́ɔn légwá’a lÿɔ̀g, á nue pi tè ne ńzsé lyɛ̌’ wɔ́, ńké tè ne ńzsé fʉ̀’ gie *Míŋ Nyìŋ ge lá’ tó wɔ́.

Ŋwà’ne Ngyà jʉ’ 3:2

Pi zyeen, ńgwoon yɛ̂ pfwɔ́’ gie á ne ńgee mege kwé lɛ, ńkú’te. N gɔɔn nue mèŋ n gyá mefà’ mí gwɔ́ mvfò Ssé yɔɔn, tsoon tà’ mǒ tè nyé té gẅiin *lɔ̌’ wɔ́.

1 Korento 16:13

Tà pi gwá’a lÿɔ̀g ńdyé, pi záb ntʉ́m nà Ssé té kʉ́a, pi gwɔ́ mbàŋa, pi tʉ tʉ.

Malékuse 13:23

Tá á ké ńgʉa ná pi, mbà mèŋ n kě ńtʉ́ njÿó shwóŋó gẅi nò gie á ne ńtóo, pi laga twó gí.

Heber 12:15

Pi pɔ́ɔn pá’ à lɔɔn ńgwɔ́ nyìŋ tém nzèm Ssé gẅie à ne ńdɔgɔ lékwoŋo wégè ńcÿó gʉm yégè, ḿbɔ́ɔn nyìŋ gẅi lésele, tà ngÿǒ menò mé cʉ́’ lelaŋ tepòŋ, mbà à ge nɔ́g petsɔ́ pʉ̀a tsɛ̀ɛ cú’tè gí, pʉ̀a tà ńgyɔ́ɔn gÿo pá’ ye.

Roma 13:14

Pi kaa le gwɔ́ we sẅé gẅie Yěsô Kristo Cʉ̀apʉ̀a wege náa, ḿma’. Tà pi gíŋe ńnéŋe ńkwaŋa nò ná shúm tepòŋ sie mbab nnɛ́ gi tsóte gẅi pi tsɔ́ɔn léná né yé.

Kolosia 4:2

Pi ké ne sẅíŋte Ssé sẅíŋte, tà pi lyé, pi gwɔ́ gÿo pú’u, ńne ńnáa ndǎg mbwo Ssé,