Malékuse 13:27 - Nouveau Testament en Ngienboum

²⁷ É túm *mecÿɔ́’ Ssé, pɔ́ cú’te pʉ̀a pé pie à la tsɔ́’ɔ tsɛ̀ɛ njÿó mesǎg lekùa, pɔ́ fó meshÿó meshÿó ńtó.

Malékuse 13:27 Referans Kwoze

Matio 24:31

é túm mecÿɔ́’ pé, pɔ́ tóŋo máamáa ntaŋ, ńdɔg ńcú’te pʉ̀a pé pie à la tsɔ́’ɔ tsɛ̀ɛ njÿó mesǎg lekùɔ, pɔ́ fó meshÿó meshÿó ńtó.

2 Tesalonika 2:1

Mefɛ́ mefɛ́, á gʉa ná nò gie á ne ńdíe lyɛ’ɛ́ lá’ gie Cʉ̀apʉ̀a wege Yěsô ge lá’ gíŋe tó, pege cú’te mvfò yé la, peg ne sẅíŋte gẅi ngie:

Lukase 16:22

Ngàŋ ngɔ́’ gÿo ńkwé, *mecÿɔ́’ Ssé tó ńkaa yé, ńgʉa ńnéŋe lejʉ́ŋ Ábalam. Ngàŋ nkáb gÿo ńkwé yé, mé kaa yé ńtúŋ.

Malékuse 13:20

Tá ńgwɔ́ gie Ssé laa pé’e ńzɔɔn tè gyá ngie à ge tsẅɛ́te mɛ̌ melyɛ̌’ wɔ́, mbà à lɔɔn ńgwɔ́ tsɔ̌ nyìŋ lá’ le tsẅɛ́. Tá à la lɔgɔ nò pʉ̀a pie à la tsɔ́’ɔ wɔ́b ńdɔg ńgÿo pʉ̀a pé, tá ńtsẅɛ́te melyɛ̌’ amɛ̌.

Matio 13:41

*Míŋ Nyìŋ ge lá’ túm mecÿɔ́’ pé, pɔ́ fó nùɔ pʉ̀a pé ńkẅile ngàŋ nkwà’te mbɔɔ pʉ̀a tepòŋ,

1 Piɛ 1:2

E Ssé Tá la tsɔ́’ɔ gẅí, á gwɔ́ pá’ à la lá’ ńtʉ́ njÿó ńzáb, ḿbiŋ ńcʉa nà Zẅìge yé ńgÿo pi cʉ́’ pʉ̀a pé, légwɔ́ gie pi ge jú’ ncwò Yěsô Kristo, à lɔg metse mé é sɔgɔ gẅí. E Ssé ne ńgwɔ́ né pi, ńnáa sẅétè né pi tà à gyɔ́ɔn gyɔ́ɔn.

2 Timote 2:10

Áa mmó gie á gÿo mèŋ n ne ńgyá ngɔ́’ pɔ́ lêkɔ́ wɔ́, ńtíi pʉ̀a pie e Ssé tsɔ’ɔ́ wɔ́b, éshÿɔgɔ shÿɔg, ńzsé ngie Kristo ge gÿo pɔ́b yɔ́b tsẅɛ́. Pɔ́ fo pú’u, ńgẅiin legú’ tèmì.

Kolosia 3:12

E Ssé la kwoŋo gẅí, ńtsɔ́’ɔ gẅí, ńdɔg ńgÿo pʉ̀a pé. Pú’u la, pi píi tsẅé sẅé ḿma’, ńtsɔ́ɔn mezìŋe petsɔ́ pʉ̀a tɛ’, ńgẅiin pòŋo ntʉ́m, ńná nnɛ́ ssé, ńgwɔ́ ngàŋ mbʉ́lè, ńgẅiin shÿɔ̀gɔ ntʉ́m.

Roma 8:33

Awɔ́ lɔɔn ńgwɔ́ á sẅiŋ pʉ̀a pie Ssé la tsɔ́’ɔ wɔ́b? Angàŋ tè wó wɔ́, á nue Ssé zɔ ka lɔgɔ wɔ́b ńgÿo pʉ̀a pie à cʉ̌’ ńdíe wɔ́b pɔ́ gwɔ́ pɔ́ ndʉŋ ndʉŋ mvfò yé,

Ŋwà’ne Jâŋ 11:52

Á le gwɔ́ pɔ́ ndà’ nà twó pà Yuda gílé pɔ́b wɔ́, á gíŋe ńgwɔ́ lélɔg ńtemte púɔ Ssé pie ée jʉ’ ntsèm, pɔ́ cʉ́’ʉ tà’ nùɔ.

Ŋwà’ne Jâŋ 10:16

N giŋé ńgẅiin tsɔ́ *menjʉ̀njÿò mie é té tsɛ̀ɛ nká’ wɔɔn wɔ́. Á ně ńzɛ́te ngie mèŋ n gʉa ńdɔgɔ wɔ́b ńtó. Pɔ́b yɔ́b ge gÿo jú’ ngyè yɔ̀ɔn, à cʉa pú’u, nùɔ njʉ̀njyò gwɔ́ yémɔ’ɔ́, ambyɛ̀bɛ gwɔ́ wémɔ’ɔ́.

Lukase 18:7

Tà ngʉ̀a shÿɔ́’ɔ nà Ssé? Á ge gǎ tá á le lwo ńtó ńkẅéte pʉ̀a pie à la tsɔ́’ɔ wɔ́b ńdɔg ńgÿo pé wɔ́? Tá pɔ́ ne ńdʉa ńtóŋo yé fʉ̀’e zsǒ pɔ́ tsẅɛ́’?

Malékuse 13:22

Á nue tsɔ́ megàŋ cÿɔ nò ge gÿo kẅɛ, etsɔ́ gɔɔn ngie pɔ́ ée pà *Nzà’nkÿo, petsɔ́ ne ngie pɔ́ ée pà*ntsẅì nkʉ̀ Ssé, é nyɛ meliŋé, é gÿo menò mmɔɔn mmɔɔn lélɔg ńcʉŋte twó pʉ̀a, tà ńgwáa ńgwe pɔ́ lɔg ńcʉŋte mbɔɔ ye pʉ̀a pie Ssé la tsɔ́’.

Matio 24:24

mélà’mie pà nzà’ nkÿo pe cÿɔ̌ nò, lâ pà *ntsẅì nkʉ̀ Ssé pe cÿɔ̌ nò ge lá’ kẅɛ, é nyɛ memáa meliŋé, é gÿo menò mmɔɔn mmɔɔn lélɔg fʉte pʉ̀a tà ńgyɔ́ɔn, tà ńgwáa we pɔ́ gwe’e ńku’, mbà à lɔɔn ńgwɔ́ pɔ́ fʉte mbɔɔ pʉ̀a pie Ssé la tsɔ́’.

Matio 24:22

Tá ńgwɔ́ gie e Ssé laa pé’e, ńzɔɔn tè gyá ngie à ge tsẅɛ́te mɛ̌ melyɛ̌’ wɔ́, mbà à gwe tsɔ́ nyìŋ lá’ le tsẅɛ́. Tá à la lɔgɔ nò pʉ̀a pie à la tsɔ́’, tá ńtsẅɛ́te melyɛ’ɛ́ lá’ amɛ̌.

Matio 13:49

Á ge lá’ gwɔ́ pɔ́ pú’u, ná nzsònzèm lyɛ’ɛ́ lá’. *Mecÿɔ́’ Ssé ge lá’ tó, éfó nùɔ ngàŋa nò nénʉ́, éfag pʉ̀a tepòŋ,

Matio 12:42

Á ge lá’a lyɛ̌’ gie e Ssé ŋaga pʉ̀a mesoŋ, máfùɔ pà Shéba lu ssé ńtó ńtyé, ńzába nò twó pʉ̀a pie ee tsɛ̀ɛ njÿó fʉ’ɔɔn, á nue a lá jú’ ngie legye fùɔ Salomo pú ńcʉa se mânyìŋ ntsèm, éfó táa lá’ yé ńdu ssé ńtó, ńdɔg nÿɔ́g mé ńgyá yé. Nyìŋ gẅie a piŋe shwóŋó gẅi nò lyɛ̌’ɔɔn pi tě ńzẅíŋe wɔ́, esé legye cʉa se fùɔ Salomo.

Malékuse 13:28

Pi pí fʉ̀’ nà tÿǒ tsɔ̀ɔn nzsó. Pi gwɔ̌ tà ńgyá meffò mé kwoe, tà á gíŋe ńzye létáb, pi gɔɔn ngie: Afʉ̀’ʉ lùm ne ńtóo.