Malékuse 13:26 - Nouveau Testament en Ngienboum

²⁶ Mé leen ńké ńgyá «*Míŋ Nyìŋ gwɔ́ tsɛ̀ɛ melɔ́ɔn, ńne ńtóo», ńgẅiin shʉ́shÿɔ́g mbɔɔ máamáa metʉ̀.

Malékuse 13:26 Referans Kwoze

Ŋwà’ne Ngyà jʉ’ 1:7

!Pi ké ńzsé ngie à ne ńtóo. À ge lá’ tó pɔ́ tsɛ̀ɛ melɔ́ɔn. Awɔ̌wɔ́ɔ ge lá’ záb lejÿɔ́g ná ye, tà mbɔɔ pʉ̀a pie pɔ́ la sɔbɔ gwǒŋo nnɛ́ yé. Epʉ̀a ngwòŋo ngwòŋ ndùmo ssé tsetsá’ ge lá’ zéme pwó, é kɔ́’ legwé tí yé. Oon á ge lá’ gwɔ́ pɔ́ pú’u, tà mmó le mǒ kúbe. *Amen.

Malékuse 14:62

Yěsô tsɔ́’ ngie: Mèŋ n ge wɛ̌. Pi ge gÿo gyá «*Míŋ Nyìŋ ńnéŋe nà gwoŋó pwó tʉ̀ Ssé gẅie tsɔ́ nò té yé cʉa». É gíŋe gyá à fóo tsɛ̀ɛ melɔ́ɔn tÿǒ lepwó ńtóo.

Matio 24:30

Àliŋé *Míŋ Nyìŋ leen ńké ńkẅɛɛ lefaŋ. «Mengwòŋo mengwòŋ mie ée ndùmo ssé tsetsá’ kɔ́’ legwé ńdʉa, mé leen ńké ńgyá *Míŋ Nyìŋ gwɔ́ tsɛ̀ɛ melɔ́ɔn tÿǒ lefaŋ ne ńtóo, ńgẅiin shʉ́shÿɔ́g mbɔɔ máamáa metʉ́»,

Matio 16:27

Pi zsé ngie: *Míŋ Nyìŋ pâ mecÿɔ́’ pé ge gÿo tó, á tsɛ̀ɛ legú’ Tá we, à leen ńké ńtsɔ́’ɔ fà’a wɔwɔ́, pɔ́ nà ngÿǒ menò mé.

Matio 25:31

*Míŋ Nyìŋ ge gwɔ́ tà tóo tsɛ̀ɛ legú’ we, tà pâ mecÿɔ́’ pé gwɔ́, à ńnéŋe ná lʉŋ yé, ńgwɔ́ fùɔ gẅie tsɔ̌ tè yé cʉa.

Malékuse 8:38

Nyìŋ lɔɔn ńkú shʉ́ légwɔ́ wɔ̀ɔn nyìŋ, mbɔɔ léshwóŋó nò yɔ́ɔn mbwo pʉ̀a pɔɔn pie ée tsɛ̀ɛ njyó fʉ̀’ɔɔn, ńgwɔ́ ngẅɛ̀ pʉ̀a tepòŋ lɔɔn, ńgwɔ́ pàtè zsě Ssé, mbà *Míŋ Nyìŋ ge lá’ gíŋe kú ye shʉ́ lélɔgɔ yé ńgÿo we nyìŋ, afʉ̀’ gie à ge lá’ piŋ nzèm tsɛ̀ɛ legú’ we Tá we, pâ *mecÿɔ́’ Ssé gwɔ́.

1 Tesalonika 4:16

Á ge lá’a lyɛ̌’ áyɛ̌, mé jú’u mmó gie á pÿé, á gwɔ́ pá’ *cÿɔ́’ Ssé we lÿò ge ná ngyè ye tÿǒ gɔɔn nò, ńgwɔ́ pá’ mé ge jú’ ngyè ntàŋ Ssé, kwà’ Cʉ̀apʉ̀a Kristo à fó tÿǒ lepwó ésẅɛ́’, pʉ̀a pie é la gwɔ kwé ńne ńzába ntʉ́m ná ye vɔg ńzíme nà legwé.

Megàŋ ntúm 1:11

ńgɔɔn né pɔ̌b ngie: Pà Galilea, pi tyě náŋte tÿǒ lepwó mélà’a kɔ́? Yěsô wɛ̂ gẅie Ssé fǒ mbwo pi ésa’a yé ńdɔg ńgee tÿǒ lépwó lɛ̀, à ge gÿó gíŋe piŋ nzèm pɔ́ na ntí gie pi gyǎ á lɔgɔ ńgee lɛ̀.

Matio 16:17

Yěsô leen ńké ńgɔɔn né yé ngie: Símo míŋ Jâŋ, ɔ́ɔ shÿó mbòŋo, á nue nyìŋ mesoŋ zɔ kaa gÿo, tá ɔ̀ zsé yɔɔn nò nénʉ́ wɔ́. Tá wɔ̀ɔn gẅie aa tÿǒ lepwó zɔ nyɛ̌ gú.

Matio 16:28

Mèŋ shwóŋó gẅí, kwà’ nénʉ́, etsɔ́ ntá’ ná pʉ̀a pie ée jʉ’ɔɔn fʉ̀’ɔɔn té gÿo kwé, té gwɔ́ gie pɔ́ gyǎ pá’ *Míŋ Nyìŋ tǒ pá’ fùɔ wɔ́.

Malékuse 9:1

Yěsô gíŋe ńgɔɔn né pɔ́b ngie: Mèŋ shwóŋó gẅí, kwà’ nénʉ́, ngie: Etsɔ́ ntá’ ná pʉ̀a pie pɔ́ ée jʉ’ɔɔn fʉ̀’ɔɔn té ge gÿo kwé té gwɔ́ gie pɔ́ lɔ̌g nÿɔ́g ńgyá *Lefùɔ Ssé pá’ é tóo lê shʉ́shÿɔ́g wɔ́.

Lukase 21:27

Mé leen ńké ńgyá *Míŋ Nyìŋ gwɔ́ tsɛ̀ɛ melɔ́ɔn ńne ńtóo, ńgẅiin shʉ́shÿɔ́g mbɔɔ máamáa metʉ̀.

2 Piɛ 1:16

Peg ka tè gwɔ shwóŋó gẅi pá’ Yěsô Kristo, Ndè wege ge gÿo tó, lê shʉ́shÿɔ́g, éfó pɔ́ ná menò pú’kwɔ́b mie peg neŋé ssé ńdɔg legyè ńdʉ’te wɔ́. Peg ka fó ná pá’ peg lɔ̌g nÿɔ́g még ńgyá legú’ we.