Malékuse 12:29 - Nouveau Testament en Ngienboum

²⁹ Yěsô tsɔ́’ ngie: *Lepʉ̌ sie é pú ḿbi’ metsɔ́, ésɔɔn: «Pà Israel, pi jú’, Cʉ̀apʉ̀a aa Ssé yege, yé gílé ye zɔɔ Cʉ̀apʉ̀a.

Malékuse 12:29 Referans Kwoze

Lukase 10:27

Á tsɔ́’ ngie: N tǒŋ ńjú’ ngie: «Kwoŋo Cʉ̀apʉ̀a Ssé ɔ̀ nê ngwòŋ ntʉ́m ɔ́ ntsèm, ńtÿɔ́g pɔ́ yé mvfò nà jú kɔ̀ɔkɔ́ɔ wɔ́, ḿbiŋ ńdɔg metʉ̀ mú ntsèm éfa’a mbwo yé, ńzába kwàŋte ɔ́ ndà’ ná yé, ńgíŋe ńkwoŋo fɛ́ gù nyìŋ mesoŋ pá’ twó mbùm ɔ́ la».

Galatia 3:20

Mé gwɔ́ kíme mámekěm ná nò, á lɔgɔ ńgwɔ́ nò gie megàŋ té gẅiin shÿó pá’ nò ge kẅɛɛ ncwò nyìŋ é kúu ncwò wetsɔ̌ wɔ́. Tá’ á ké ńgʉa nà nò gie e Ssé la ka’ la, mbà kwà’ yé zɔ la tyé ńgɔɔn.

Roma 3:30

á nue e Ssé gwɔ́ pɔ́ yémɔ’ɔ́. À líe pà Yuda pie é záb ntʉ́m ná Yěsô, pɔ́ cʉ́’ ńgwɔ́ mvfò yé ńgwɔ́ pɔ́ ndʉŋ ndʉŋ, yé zɔ́ gǐŋ ńdíe pʉ̀a pie é té pà Yuda wɔ́, tá mbà pɔ́ zǎb ntʉ́m ná Yěsô, pɔ́ cʉ́’ ńgwɔ́ mvfò yé ńgwɔ́ pɔ́ ndʉŋ ndʉŋ.

Jẅide 1:25

ée ndà’ yé ńgwɔ́ Ssé. À la lɔgɔ Cʉ̀apʉ̀a wege Yěsô Kristo ńgÿo pege tsẅɛ́. Mé gu’te pɔ́ yé, yé zɔ gẅiin legú’, yé zɔ̌ gẅiin metʉ̀, yé zɔ̌ sá’a pʉ̀a, pá’ à la lá’ ńzye, á ké ńgwɔ́ pɔ́ pú’u, tà ńkú fʉ̀’ɔɔn, é lá’a gwɔ́ pɔ́ pú’u, á nà ngù’ nkɔ̌ɔn nê nkɔ̌ɔn. *Amen.

1 Korento 8:4

Á ké ńgʉa nà nò pfwɔ́’ɔ mbab gie mé nǎ nà shúm sie mé gu’te ngie ée messé, mbà pege ne ńzsé ngie atsɔ́ mmó gie à lɔɔn ńgwɔ́ mé gu’te ngie ée tsɔ́ ssé à té tsɛ̀ɛ njÿó wɔ́. Pege ne ńzsé ngie e Ssé gwɔ̌ pɔ́ yémɔ’ɔ́.

Ŋwà’ne Jâg 2:19

Ɔ̀ ne ńzẅíŋe ngie e Ssé, ee yémɔ’ɔ́, oon áa mbòŋ, *messé tepòŋ gíŋe ńne ńzẅíŋe yɔ́b pɔ́ pú’u, tá ḿbiŋe ńne ḿvɛɛ.

1 Timote 2:5

E Ssé zɔɔn ńgwɔ́ pɔ́ yémɔ’ɔ́. Tá’ mánzsè gwɔ́ pɔ́ wémɔ’ɔ́ tsetsɛ̀ɛ Ssé pâ pʉ̀a mesoŋ Aa Yěsô Kristo, ńgwɔ́ yé nyìŋ mesoŋ

1 Timote 1:5

Ɔ̀ gɔɔn yɛ̌ nò né pɔ́b légwɔ́ gie pɔ́ ge kwoŋ petsɔ́ pʉ̀a tà shwóŋó nò. Lekwoŋo nyìŋ tà shwóŋó nò, à zɛ́te légẅiin ntʉ́m Ndʉalʉ̌a, ńzɛ́te légÿo mmó gie mbùm ɔ̀ té cúa gú mǒ wɔ́, ḿbiŋe ńzɛ́te lézáb ntʉ́m nà Ssé, kwà’ nénʉ́.

Matio 23:9

Tà pi tóŋo tsɔ́ nyìŋ ndùmo ssé tsetsá’ lê tá gẅi, á nue pi gẅiin pɔ́ tà’ tá wémɔ’ɔ́ á gwɔ́ tÿǒ lepwó.

Matio 10:37

Nyìŋ kwoŋo tá we ka pɔ́ má we wɔ́, tà ńtɔ́gɔ wɔ̀ɔn, mbà ngàŋ tè ku’u légwɔ́ wɔ̀ɔn nyìŋ wɔ́. Nyìŋ kwoŋo míŋ we we mbàŋa ka we manzwě wɔ́ tà ńtɔ́gɔ wɔ̀ɔn, mbà à tè ku’u légwɔ́ wɔ̀ɔn nyìŋ wɔ́.