Malékuse 12:28 - Nouveau Testament en Ngienboum

²⁸ Yěsô pâ pɛ̂ pʉ̀a ne ńzoŋo pɛ́’ɛ̀, atsɔ̌ nyìŋ nà nùɔ *pàkyàgte lepʉ̌ Mǒse gwɔ́ yé jʉ’ó, ńgwɔ́ tà ńjú’ pá’ Yěsô tsɔ̌’ mboŋó, ńdeen ńtó nê lejʉ́ŋ ye, ńzɛ́te yé ngie: *Lepʉ̌ sie é pú ḿbi’ metsɔ́ ntsèm, ée sɛ̌?

Malékuse 12:28 Referans Kwoze

Lukase 20:39

Yěsô tsɔ́’ pú’u, tsɔ́ *pàkyàgte lepʉ̌ Mǒsê tóontè ńgɔɔn ngie: Tsítsà ɔ̀ tsɔ̌’ kwà’ mboŋó.

Matio 19:18

Nyìŋ ŋwɛ́ zɛ́te ngie: É mɛ̌ mbʉ̌? Yěsô tsɔ́’ ngie: «Tè zẅé nyìŋ, tè gÿo gÿɛ́, tè jʉ́, tè tÿɔ́g sóon twó nyìŋ

Matio 5:19

Pú’u la, nyìŋ gẅie à gʉ̌a nà mbʉ̌, éfó fʉa pɔ́ tsɔ̌ mùɔ métsẅǐ ḿbiŋ ńzí’i tsɔ́ pʉ̀a légÿo yɔ́b pá’ yé, mé ge lá’ náa yé tàa nzèm tsɛ̀ɛ nò *lefùɔ Ssé. À piŋ ńgʉa ná nyìŋ gẅie à tÿɔgɔ́ kwó mǒ, ḿbiŋ ńzí’i petsɔ́ pʉ̀a légÿo pú’u, mé lá’ ńnáa yé tàa mvfò tsɛ̀ɛ nò *lefùɔ Ssé.

Lukase 11:42

Pà *farisay, ndòon ee twó pi! Pi gabte shúm nná’ sí tà mbɔɔ nzàb gi nzsè legém, ńnáa tà’ nzsè mbwo Ssé. Tá’, ńké ńdege légÿo nò mbòŋo mbwo pʉ̀a mesoŋ, ńgíŋe ńdege lékwoŋ Ssé. Pú’u, tá yɛ̌ zɔ̌ gwɔ́ mmó gie á ke ne ńzɛ́te ngie pi gÿo. Pi gÿo pú’u, tá ńké le wetsɔ́ gígyé shúm lege

Matio 23:23

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay, pi ee megàŋ mepàb, pi gabte shúm nná’ sí tà mbɔɔ nzab gi, nzsè legém, ńnáa tà’ nzsè mbwó Ssé, tá’, ńgwágte nò ná menò mie mé zí’i ná mbʉ̌, é gwɔ́ kwà’ menò mie é kẅéte. Ànò pá’ leshwoŋó nò nénʉ́, letsɔ̌ɔn mezìŋe, legù’te pɔ́ ndà’ Ssé, tá yɛ̌ zɔ gwɔ́ mmó gie á kɔ’ɔ́ ne ńzɛ́te ngie pi gÿo. Pi gÿo pú’u, tá ńké le wetsɔ̌ gígyé shúm lege.

Malékuse 9:14

Yěsô gwaa piŋ nzèm jʉ’ gie *ngàŋa kwò yé ée wó, ńgyá alá’ pú ńtÿɔ́’ɔ wɔ́b ńnéŋe soŋ, *ngàŋa kwò yé pâ *pàkyàgte lepʉ̌ Mǒsê gwɔ́ wó ńzoŋo tsɔ́ nò.