Malékuse 12:14 - Nouveau Testament en Ngienboum

¹⁴ Pɛ̌ pʉ̀a tó ńgɔɔn né yé ngie: Tsítsà, peg ne ńzsé ngie ɔ̀ gɔɔn nò, á gwɔ́ nénʉ́, ḿbiŋ ńgɔɔn té pɔ́gɔ nyìŋ, ɔ̀ tè líe nyìŋ mesoŋ pɔ́ nà shÿó wɔ́, ńda’te nò nénʉ́ pɔ́ pá’ Ssé ne ńzɛ́te ngie mé gÿo pú’u, shwóŋó wég, tà áa pé’e *lepʉ̌ lá’ ségè zẅíŋ ngie pege ma’ ncùb ńnáa mbwo Kása pà *Roma kà ngǎŋ?

Malékuse 12:14 Referans Kwoze

1 Tesalonika 2:4

Peg gɔɔn pɔ́ nò gie e Ssé ne ńkwoŋo ngie peg gɔɔn, á nue à la lʉŋte wég tà ńgyá ngie peg ku’u létsẅi nkʉ̀ mbòŋo wé. Pú’u tá peg těen ńgɔɔn nò pɔ́ nà ntí gie pʉ̀a ge kwoŋo wég wɔ́, peg gɔɔn nò pɔ́ nà ntí gie Ssé ge kwoŋo wég, yé gẅie à líe ntʉ́m wég.

Galatia 2:6

Á gʉa ná pʉ̀a pie mé lɔ́ɔn ńdíe wɔ́b ngie pɔ́ ee melÿò, mbà pɔ́ la tè gyá ngie pɔ́ ge kẅi’i tsɔ́ mmó ná nò gie mèŋ n tsẅii wɔ́. Ammó gie pɔ́ la zɔɔn ńgwɔ́ yɛ̌ fʉ̀’e mvfò á té líe wɔ̀ɔn nà tsɔ́ nò wɔ́. Á nue e Ssé tè gẅiin tyɛ̀’te ná pʉ̀a mesoŋ wɔ́.

Galatia 1:10

Pi shwóŋó wɔ̀ɔn, anò gie mèŋ fóo légɔɔn lɔɔn, á nyɛɛ ngie mèŋ n ne ńtsɔ́ɔn ngie nò yɔ́ɔn poŋ pʉ̀a mesoŋ kà ngie à poŋ pɔ́ Ssé? Mèŋ n gee pá’a ńne ńtsɔ́ɔn légÿo mmó gie á ge poŋ pʉ̀a mesoŋ ka? Á gwé’e pé’è, mèŋ n ne fa’a mbɔɔ légÿo mmó gie á poŋ pʉ̀a mesoŋ, mbà mèŋ n te gíŋe ńgwɔ́ nyìŋ gẅie à kwa’ fa’a fà’a Kristo wɔ́.

2 Korento 5:16

Pá’ áa pú’u la, peg ee nà fʉ̀’ɔɔn ńcʉ́’ʉ ńzsé nyìŋ ná ntí gie pʉ̀a mesoŋ lɔg ńzsé nyìŋ wɔ́. Á lɔɔn ńgwɔ́ gie peg la zɔɔn ńzsé Kristo ná yɛ̌ ntí, mbà peg ee fʉ̀’ɔɔn peg tè gíŋe ne ńzsé yé pú’u wɔ́.

2 Korento 5:11

Pá’ peg ne ńzsé mmó gie mé tóŋo lê lepɔgɔ́ Cʉ̀apʉ̀a la, peg neŋé fa’ pɔ́ shÿó, ńgÿo pʉ̀a cwoŋo ńzsé pʉ̀a pie peg ee pɛ̌. E Ssé ne ńcwoŋo ńzsé pʉ̀a pie peg ee pɛ̌, mèŋ m biŋ ne ńkwaŋa ngie pi ee tsɛ̀ɛ ntʉ́m gẅi ne ńcwoŋo ńzsé gí pʉ̀a pie peg ee pɛ̌.

2 Korento 2:17

Tá’ peg tè pá’ tsɔ́ pʉ̀a tà ńgyɔ́ɔn pie pɔ́ lɔgɔ shwóŋè Ssé ńgÿo sɔ́b shúm metʉ̌a wɔ́, peg shwóŋ yég pɔ́ lê ntʉ́m Ndʉalʉ̌a, ńgwɔ́ pɔ́ pʉ̀a pie e Ssé ka tǔm. Peg gwɔ́ shwóŋ e Ssé ne ńgyá wég peg piŋ ńda nnɛ́ ná Kristo.

2 Korento 2:2

á nue n dɔɔn ńgÿo pi mÿɔg, mbà pà wɔ̌ ge piŋ gÿo ntʉ́m wɔ̀ɔn kág tà á légwɔ́ pɔ́ gẅi gẅie n zɔ̌ɔn ńgÿo pi mÿɔg wɔ́?

Ŋwà’ne Jâŋ 7:18

Nyìŋ lɔɔn ne ńgɔɔn nò, ńgwɔ́ gie á gwɔ́ pɔ́ shwóŋè yé, mbà à fa’a pɔ́ we legú’. Tá ńgwɔ́ gie nyìŋ lɔɔn ne fa’a legú’ nyìŋ gẅie à ně ńtúmo yé, mbà ngàŋ shwóŋó nò nénʉ́, atsɔ́ nò nŋwɔ́’te ŋwɔ’té té ná yé wɔ́.

Roma 13:6

Áa mmó gie á gíŋe ńgÿo tá pi ma’ ncùb ngwòŋ, á nue e Ssé zɔ la záb pàfà’a yɛ̌ fà’, pá’ pɔ́ ge cÿó nnɛ́ fa’a fà’ yɔ́b.

Lukase 23:2

Ńzye lésẅiŋe yé ngie: Peg gyǎ nyìŋ wɔɔn ne ngwá ńkʉ́’ʉ tsɛ̀ɛ ngwòŋ wég ńcʉŋte twó lá’, ńtɔ’ɔ wɔ́b léma’ ncùb ntÿɔ́’, nnáa mbwo Kása pà *Roma. A giŋé ne ńgɔɔn ngie aa *Nzà’nkÿo gẅie e Ssé la ka’a mbwo peg, ńdɔgɔ ńgɔɔn ngie aa fùɔ.

Lukase 20:22

Shwóŋo wég: *Lepʉ̌ ségè ée pé’e ńzẅíŋ ngie pege má’ ncùb Kása pà *Roma kà ngǎŋ?

Malékuse 14:45

Jẅidas gwɔ́ tà ńtó tà ńkúu lejʉ́ŋ Yěsô, ngie: Andè, n tsyɛ’té, ńdeen ńgwóon ńtáŋte yé.

Matio 22:17

Shwóŋo weg pá’ ɔ̀ kwǎŋ jú ná yɔɔn nò: *Lepʉ̌ ségè ée pé’e ńzẅíŋ ngie pege ma’ ncùb Kása pà *Roma ka ngǎŋ?

2 Korento 4:1

Pú’u la, pá’ e Ssé la lɔg pɔ́ tsɔ́ɔn mezìŋe yé, ńnáa yɔɔn fà’ mbwo peg la, peg tè kʉ́a wɔ́.

Matio 22:16

ńtúm tsɔ́ ntá’ pʉ̀a ná *ngàŋa kwò yɔ́b, mbɔɔ tsɔ́ ntá’ pʉ̀a ná kwò pʉ̀a *Herôd ngie: Pɔ́ gʉa ńgɔɔn né Yěsô ngie: Tsítsa, peg ne ńzsé ngie ɔ̀ gɔɔn nò, ḿbiŋ ńda’te pɔ́ nò gie á tyé ndʉŋ ndʉŋ, ńgɔɔn té pɔ́gɔ nyìŋ, ḿbiŋ ńké tè líe nyìŋ mesoŋ pɔ́ ná shÿó wɔ́, ńda’te nò nénʉ́ pɔ́ pá’ Ssé ne ńzɛ́te ngie mé gÿó pú’u.

Malékuse 12:13

Pɔ́ gÿo ńtúm pʉ̀a nà nùɔ pà *farisay, pâ nùɔ ye *Herôd ngie pɔ́ gʉa fa’ pá’ à lɔɔn ńgwɔ́ pɔ́ fó nà nò gie Yěsô gɔ̌ɔn ńgwóon yé.

Malékuse 12:15

Yěsô gyá pá’ pɔ́ gwɔ́ pɔ́ pà nkwòŋ menÿɔ́g, ńtsɔ́’ɔ mbwo pɔ́b ngie: Pi kwà’te wɔ̀ɔn mélà’a kɔ́? Pi lɔgɔ pàga nkáb ńtó ńnyɛɛ wɔ̀ɔn, pɔ́ lɔgɔ pàga nkáb ńtó, á zɛ́te wɔ́b ngie: