Malékuse 11:3 - Nouveau Testament en Ngienboum

³ Pi lɔɔn ne ńkyɛ́’ɛ nyìŋ zɛ́te gẅi ngie: Pi kyɛ́’ɛ nzìkáasè yɛ ńdɔgɔ ńgee nzɔ̌, pi tsɔ́’ ngie: Andè zɔ ne ńtsɔ́ɔn, mbà ngàŋ ge gwóon nyé pi lɔg ńtó.

Malékuse 11:3 Referans Kwoze

2 Korento 8:9

Pi zɔɔn ne ńzsé mmó gie Cʉ̀apʉ̀a Yěsô Kristo la lɔg pɔ́ ntʉ́m mbòŋo ńná. À la gẅiin shúm ntsèm, tá’, ńcʉ́’ʉ mbóŋ ńtí gẅí, pá’ pi ge fó nà póŋ yé, é cʉ́’ pʉ̀a pie e Ssé náa shúm sé né pɔ́b tɛ’.

Megàŋ ntúm 17:25

À ké té ne ńzẅí’te ngie pʉ̀a mesoŋ gÿo tsɔ́ mmó tá à lɔg ńgwɔ́ yé wó wɔ. Àtsɔ́ mmó té mbwo yé zág. Yé zɔ náa zẅìge mbwo pʉ̀a mesoŋ, tá pɔ́ lɔg ńgwɔ́ wó, tà mbɔɔ kɔ̀ɔkɔ́ɔ wɔ́.

Megàŋ ntúm 10:36

E Ssé ka túmo shwóŋè yé mbwo púɔ Israel. E gwɔ́ nkʉ̀ mbòŋo, ńgɔɔn nò na mbʉ́lè gie mé cʉa ná Yěsô Kristo gẅie aa Cʉ̀apʉ̀a pʉ̀a metsèm, ńgẅiin.

Megàŋ ntúm 1:24

Mé leen ńké sẅíŋte Ssé ńgɔɔn ngie: Cʉ̀apʉ̀a, gù gẅie ɔ̀ zsé ntʉ́m mânyìŋ ntsèm lá, gʉa nà pʉ̀a pɔɔn mépʉ́a, ńnyɛɛ wég nyìŋ gẅie ɔ̀ tsɔ’ɔ́ yé.

Malékuse 14:15

À ge nyɛɛ gẅi máamáa lûm ndá, á ná ndêg we tÿǒ. Tà mbà mé ně ńdá’ ńtáŋte mboŋó, áa jʉ’ gie pi ge cwoŋte ségè shúm línɔ́ɔn wó.

Malékuse 11:2

ńgɔɔn né pɔ́b ngie: Pi gʉa tsɛ̀ɛ lá’ yɛ̂ gie áa mvfò pi lɛ. Pi ge leen kúu wó, é gyá mûɔ nzikáasè gie mé ně ńcʉŋ, e gwɔ́ gie nyìŋ laa mǒ ńnéŋe, pi kyɛ́’, ńdɔg ńtó.

Malékuse 11:4

Ngàŋ ntúm yɛ̌ gʉa ńkúu wó, ńgyá nzìkáasè, mbà mé ně ńcʉŋe yé ncwò mbu’, á ngʉ̀ŋe mánzsè, pɔ́ kyɛ́’ɛ yé.