Malékuse 11:25 - Nouveau Testament en Ngienboum

²⁵ Afʉ̀’ gie ɔ̀ ne sẅíŋte Ssé lá, ńgwɔ́ gie nyìŋ fʉ̌a nò mbwo gù, ɔ̀ lege ńnáa mbwo ngàŋ. À cʉa pú’u, tá Tá gẅi gẅie aa tÿǒ lepwó, à lege mí mefʉ̀a ńná lé pi.

Malékuse 11:25 Referans Kwoze

Kolosia 3:13

Pi gẅiin shÿɔ̀gɔ ntʉ́m tsetsɛ̀ɛ pi, nyìŋ gẅi fʉa nò pi lege ńnáa mbwo ye, ńdege mefʉa mí tsetsɛ̀ɛ pi né pi, pá’ Cʉ̀apʉ̀a wege la lege mefʉa mí gí la.

Efeso 4:32

ńdíe mefɛ́ pí pɔ́ lê ntʉ́m mbòŋo, ńgẅiin tsɔ́ɔn mezìŋe nzèm petsɔ́ pʉ̀a, pi lege mefʉ̀a tsetsɛ̀ɛ pi né pi, ndʉŋ ndʉŋ pá’ Ssé la cʉa ná Kristo ńdege mí gí né pi.

Lukase 6:37

Tà pi ńnéŋe ńtúu lɔ’ɔ́ pʉ̀a ḿbɔ́g Ssé létúu gí *lɔ̌’. Tà pi ńnéŋe ńkʉ́e pʉ̀a ḿbɔ́g Ssé lékʉ́e gẅí. Pi ńnéŋe ńdege mefʉ̀a pʉ̀a, e Ssé lege mefʉ̀a mí.

Matio 6:12

lege mefʉa még, ńná né peg, pá’ peg ne ńdege yég ńnáa mbwó pʉ̀a pie pɔ́ fʉ̌a nò mbwó peg la.

Matio 5:23

Pú’u la, nyìŋ lɔɔn ńdɔg shúm pwɔ́’ sé ńtóo jʉ’ gie mé nuŋe pwɔ́’ wó lénáa mbwo Ssé, ńkímte ngie à ka fʉa nò mbwó fɛ́ we,

Ŋwà’ne Jâg 2:13

E Ssé ge lá’ ne tsɔ́’te mentsaŋ, á le tsɔ́ɔn mezìŋe tè tsɔ̌ɔn mezìŋe pʉ̀a wɔ́, tá ńgwɔ́ gie nyìŋ la tsɔ́ɔn mezìŋe, mbà á ge lá’ lɔg pú’u, e Ssé le yé ŋag.

Matio 6:5

Pi lɔɔn ne sẅíŋte Ssé, tà pi gÿo pá’ pà nkwòŋ menÿɔ́g, pɔ́ kwoŋo létyé tsɛ̀ɛ *mendá cú’tè mbɔɔ metwó nzsè tá sẅíŋte Ssé, pá’ pʉ̀a metsèm ge gyá wɔ́b. Tà mèŋ shwóŋó gẅí, kwà’ nénʉ́, pɔ́ ně ńda’ ńkẅé ńtsɔ́’ɔ fà’ wɔ́b.

Lukase 18:11

Nyìŋ *farisay kúu wó, ńtyé mángyɛ̌ ńně sẅíŋte Ssé ngie: E Ssé yɔ̀ɔn, mèŋ n nǎ ndǎg mbwo gù tɛ’, ńtí pá’ ɔ̀ la gÿo mèŋ n tè gwɔ́ pá’ petsɔ́ pʉ̀a mesoŋ wɔ́. Pɔ́ ée metsǒŋ, pɔ́ té gÿo mmó gie ɔ̀ ne ńkwòŋo wɔ́, éfʉte mezwě pɔ́b, mèŋ n nǎ ndǎg mbwo gù, mélà’mie mèŋ n tè pá’ nkẅè ncùb pà *Roma ŋwɛ́ wɔ́.

Ŋwà’ne Ngyà jʉ’ 11:4

Pɛ̌ pʉ̀a mépʉ́a pie pɔ́ gɔɔn nò gie pɔ́ zsé ná mèŋ, ée metÿǒ mèvɛ olive mémbʉ́a, ńgÿo melâm mémbʉ́a mie é tyé mvfò Cʉ̀apʉ̀a gẅie à sá’a njÿó ntsèm.

Lukase 18:13

Ankẅè ncùb ŋwɛ̌ tyé yé pɔ́ taa nzèm, éfó tè ku’u lépʉ’ʉ twó yé ńdíe tÿǒ wɔ́, ńcʉ́’ sɔbɔ twó yé ssé ńgɔɔn ngie: E Ssé yɔɔn, tsɔ́ɔn mezìŋe mɔ́ɔn, mèŋ n deen ńgwɔ́ pɔ́ nyìŋ tepòŋ.