Malékuse 11:18 - Nouveau Testament en Ngienboum

¹⁸ Metándá pànùŋo pwɔ́’ pâ *pàkyàgte lepʉ̌ Mǒsê gÿo ńjú’, ńzye léfa’ shÿó pá’ pɔ́ ge gÿo tá zẅé yé. Pɔ́ la ne ḿbɔ́gɔ ngie nò yé ge pú jÿó lá’, á nue alá’ ntsèm la ne ńgɔ’te mmó gie à lɔ̌ɔn ńzí’i pʉ̀a.

Malékuse 11:18 Referans Kwoze

Matio 7:28

Yěsô zí’i pʉ̀a mɔ̀ɔn menò tà ńtsẅé jʉ’, àlá’ pú mɔ̂ɔn ye ntí lézí’i pʉ̀a mmó,

Malékuse 12:12

Pasá’a lá’ jú’ pá’ Yěsô gɔɔn yɔɔn sagá nò, ńdiŋ ngie à gɔɔn né pɔ́b, éfa’ shÿó légwoon yé tá’, ḿbɔ́g nÿɔ́g lá’, ésóon, ńnyé yé jʉ’ó, ńgʉate.

Megàŋ ntúm 24:25

Pɔl tó tà ńzye lékyagte ntí gie nyìŋ lɔɔn ńdɔg ńnéŋe, mbà ngàŋ ge gwɔ́ nyìŋ gẅie à gÿo mmó gie á poŋo mbwo Ssé, ńne ńkyagte mbɔɔ pá’ à lɔɔn ńgwɔ́ nyìŋ kú’te mbùm ye pú’u, ńne ńkyagte shwóŋó yé ngie Ssé ge gÿo ŋag pʉ̀a metsèm. Ngúmnɔ́ɔn Felese jú’ pú’u, ńcʉ́’ʉ ńcÿɔ’ɔ cÿɔ’, ńgɔɔn né Pɔl ngie: Á nà fʉ̀’ɔɔn, fó lejʉ́ŋ mèŋ ńgʉa. Afʉ̀’ gÿo ńgíŋe ńku’, tá mèŋ n gíŋe ńtsẅi mé tóŋo gú ńné mèŋ.

Ŋwà’ne Jâŋ 7:46

Pàpyɛ́bɛ jʉ’e Ssé tsɔ́’ ngie: Peg laa zɔɔn ńjú’ tsɔ̌ nyìŋ shwóŋó pá’ nyìŋ áwe wɛ̌ wɔ́!

Lukase 20:19

Pá’ *metándá pànùŋe pwɔ́’ lâ *pàkyàgte lepʉ̌ Mǒsê, la jú’ yɔɔn sagá nò, ńdiŋ ngie à gɔɔn pɔ́ ne pɔ́b la, pɔ́ fa’ shÿó légwoon yé, tá ḿbɔ́g nÿɔ́g lá’.

Lukase 19:47

Yěsô piŋ ńgwɔ́ lyɛ̌’ ntsèm, ńně ńgwɔ́ pɔ́ tsɛ̀ɛ *jʉ’ʉ Ssé ńzí’i pʉ̀a nò Ssé, *metándá pànùŋe pwɔ́’, pâ *pàkyàgte lepʉ̌ Mǒsê mbàa *mekěm pà Yuda ne fa’a shÿó légÿo mé zẅé yé.

Lukase 4:22

Pɔ́ jú’u shwóŋè gie á kẅɛɛ ncwò yé, á gwɔ poŋo wɔ́b, ńgíŋe ne ńkʉ’ʉ wɔ́b, pɔ́ zye lézẅɛ́te, ńgɔɔn ngie: Wɛ̂ te míŋ Yesyɛ̂b wɔ́ le?

Malékuse 11:32

Tá ḿbiŋ ńké ńgɔɔn ngie pʉ̀a mesoŋ, mbà heen! Pɔ́ kwaŋa kékáŋ, mélà’mie pɔ́ la ne ḿbɔ́gɔ lá’, á zɔɔn ńgwaa gwɔ́, mânyìŋ ntsèm ne ńzsé ngie Jâŋ aa kwà’ *ntsẅì nkʉ̀ Ssé.

Malékuse 6:20

mélà’mie fùɔ *Herôd lɔ̌ɔn ńgÿo mekù’ Jâŋ, ńně ńzsé ngie aa nyìŋ Ssé, ńgÿo pɔ́ nò gie á tyé ndʉŋ ndʉŋ, pú’u la, tá á ne ḿbɔ́ɔnte yé pɔ́ɔnte, ḿbiŋe ńnéŋe ńkwoŋo lézẅí’te shwóŋè yé tɛ’, tá’ á ke ńgege yé gege.

Malékuse 3:6

Pà *farisay leen fó *ndá cú’tè ńkẅɛ, pâ pʉ̀a *Herôd gwóon ńcú’te léfa’ shÿó pá’ pɔ́ ge gÿo tá zẅé Yěsô.

Malékuse 1:22

Alá’ jú’u shwóŋè yé, ḿbu ḿmɔɔn ye ntí lézí’i pʉ̀a mmó, mélà’mie à lɔ̌ɔn tě ńgÿo pá’ *pàkyàgte lepʉ̌ Mǒsê wɔ́, à lɔ̌ɔn ńzí’i tà ńzse mmó gie à gÿo yɛ̌.

Matio 21:15

*Metándá pànùŋe pwɔ́’ pâ *pàkyagte lepʉ̌ Mǒsê, gyá menò mmɔɔn mmɔɔn mie Yěsô gÿǒ, ńgíŋ ńjú’ pá’ penkʉ́ ée tsɛ̀ɛ *jʉ’ʉ Ssé ńzɔbɔ ńgɔɔn ngie: Gugẅî, àgù’te áa mbwó nyìŋ na ngẅɛ fùɔ Ndavíd, ńgyáŋa lóŋ,

Lukase 2:47

Pʉ̀a pie é la jú’u shwóŋè yé ně ḿbúu ńgɔ’te zsé nò yé mbɔɔ yé ntí letsɔ’ɔ́ nò.

Ŋwà’ne Jâŋ 7:1

Yɔɔn nò tɔ́g, Yěsô gwɔ́ pɔ́ tsɛ̀ɛ pàga ngwòŋ Galilea, ńne ńgwá ńgiŋe, à tè ne ńkwoŋo légʉa tsɛ̀ɛ pàga ngwòŋ Jẅidea wɔ́, mélà’mie pàsá’a lá’ pà Yuda la ne fa’a lézẅé yé.

Ŋwà’ne Jâŋ 7:19

Mǒsê zɔ la tè ná meŋwà’ne né pi wɔ́ le? Tà wɔ̌ ná pi mɔ̌ɔn ńne ńgiŋe mǒ? Pi piŋe fa’a lézẅé wɔ̀ɔn mélà’a kɔ́?