Malékuse 10:32 - Nouveau Testament en Ngienboum

³² Yěsô pâ *ngàŋa kwò yé gÿo ńgwɔ́ mánzsè ńne ḿbʉʉ né Yerósalem, á tÿɔ́gɔ twó yé, ńgwɔ́ mvfò pɔ́b ńne ńgee, tá’, awɔɔn légʉa Yerósalem ŋwɛ́ pú ńcu’u twó yɔ́b, ḿbiŋ ńgÿo pʉ̀a pie pâ pɔ̌ ée mánzsè cʉ́’ʉ ńcÿɔ’ɔ cÿɔ’. Yěsô fag *ngàŋa kwò yé ntsɔ̀b pʉ́a nê legém, pɔ́ tó nê lejʉ́ŋ ye. Á zye léshwóŋó wɔ́b mmó gie á ge gÿo yé, ńgie:

Malékuse 10:32 Referans Kwoze

Lukase 9:51

Afʉ̀’ gie Ssé ge kaa Yěsô lɔg piŋ ne tÿǒ lepwó gÿo ńku’, Yěsô gyá ngie á zebé pá’ à ge gʉa Yerósalem, ńdêen ńké ńdu ssé ńcʉ́me mánzsé té pɔ́g,

Ŋwà’ne Jâŋ 11:16

Tomáse gẅie mé lɔ́ɔn ńgíŋe ńtóŋo yé le mélefág, gɔɔn mbwo yetsɔ́ *ngàŋa kwò Yěsô ngie: Pi tó pega pɔ́ gʉa, ḿbúte ńkwé.

Ŋwà’ne Jâŋ 11:8

*Ngàŋa kwò yé tsɔ́’ ngie: Tsítsà, ntyě kaa sag pá’ pà Yuda ka ne fá’a lélɔg metóon ńtéme gú ńzẅé wɔ́. Ɔ̀ ge gíŋe piŋe wó lá.

Lukase 10:23

MÀbiŋ sele nnɛ́, ńtsẅe ńgɔɔn mbwo *ngàŋa kwò yé ngie: Pi ee pàshÿó mbòŋo tɛ’ pá’ pi ne ńgyá shúm sie pi ne ńgyá lɛ̀.

Malékuse 4:34

À lɔ̌ɔn tě shwóŋó wɔ́b nò té lɔg pé *sagá nò wɔ́, ńgwɔ́ fʉ̀’ gie pâ *ngàŋa kwò yé zɔ̌ cʉ́’ ńgwɔ́, á pú ńkyagte shwóŋó wɔ́b pá’ é lɔgɔ ńgɔɔn.

Matio 13:11

Yěsô tsɔ́’ɔ mbwó pɔ́b ngie: E Ssé lá gÿó ngie pi pɛ zɔ zsé nó nénʉ́ na lefùɔ sé sie ée lelyěen, ńgʉa nà petsɔ́ pʉ̀a à tè gÿo ngie pɔ́ zsé wɔ́.

Matio 11:25

Yěsô gÿo ńgɔɔn ngie: Tá wɔ̀ɔn, Cʉ̀apʉ̀a, gù gẅie ɔ̀ sá’a tÿǒ lepwó mbɔɔ tsetsá’, mèŋ sǐe gú pá’ ɔ̀ keen ńnyɛ mɔɔn menò á mbwó mecʉ̀cʉ̀ŋ, ńdÿoon mbwó mengye pâ pʉ̀a pie é la zí’i.

Malékuse 1:27

Á pú ńkʉ’ʉ lá’, pɔ́ mɔɔn, ńzɛ́te tsetsɛ̀ɛ pɔ́b ngie: Yɔɔn áa lêkɔ́? Áa pá’ɔɔn ńgwɔ́ pɔ́ tsɔ́ nò sẅé gie á giŋé ńkẅɛ la? À gwɔ̌ tà ńdɔgɔ tʉ̀, ńtsẅii nò mbwo *messé tepòŋ, pɔ́ jú’u ncwó we.

Lukase 19:28

Yěsô gɔɔn yɔɔn sagá nò mbwo lá’ tà ḿmag, ńcʉa ńgwɔ́ mvfò, ńně ḿbʉʉ né Yerósalem.