Malékuse 10:18 - Nouveau Testament en Ngienboum

¹⁸ Yěsô zɛ́te yé ngie: Ɔ̀ tóŋo wɔ̀ɔn le nyìŋ mbòŋo mélà’a kɔ́? É té ndà’ Ssé wɔ́, mbà nyìŋ mbòŋo tè wó wɔ́.

Malékuse 10:18 Referans Kwoze

Lukase 18:19

Yěsô tsɔ́’ ńzɛ́te yé ngie: Ɔ̀ tóŋo wɔ̀ɔn le nyìŋ mbòŋo mélà’a kɔ́? É té ndà’ Ssé wɔ́, mbà tsɔ́ nyìŋ mbòŋo tè wó wɔ́.

Matio 19:17

Yěsô zɛ́te yé ngie: Mélà’a kɔ́ ɔ̀ zɛ́te wɔ̀ɔn nò ná mmó gie áa mbòŋ? Nyìŋ mbòŋo gwɔ́ pɔ́ wémɔ’ɔ́. Ɔ̀ lɔɔn ne ńkwoŋo ngie pi Ssé gwɔ́, ɔ̀ kú’te mbʉ̌ mé.

1 Jâŋ 4:16

Á gʉa ná peg, mbà pɔ́ ne ńzsé pá’ Ssé kwoŋo wég pú’u, peg ka gyá yɛ̌ ntí nkwòŋe tà ńzẅíŋ. E Ssé gẅiin pɔ́ nkwòŋe, nyìŋ lɔɔn ńne ńkwoŋo pʉ̀a mesoŋ, mbà ngàŋ la nnɛ́ nà Ssé, e Ssé la nnɛ́ ná yé.

Roma 3:12

Pɔ́b metsèm léen ńgwá’a mánzsè Ssé. Pɔ́b metsèm léen ḿbú ńcʉŋte. Nyìŋ mesoŋ tè nò mbòŋo gÿo tà tsǒon tà’.

1 Jâŋ 4:8

Nyìŋ lɔɔn tè nyìŋ mesoŋ kwoŋ, mbà à nyě tè zsě Ssé, á nue e Ssé gẅiin pɔ́ nkwòŋe.

Ŋwà’ne Jâg 1:17

Afù’ gie á poŋ tɛ’, mbɔɔ ntsɔ’ɔ́ fà’ we mbòŋo pú fóo pɔ́ tÿǒ lepwó, á mbwo Ssé gẅie à la nyɛte nèm lâ mecÿɔ́’ saŋ á lefaŋ. À tè kúbe, ńké tè nzěm gẅiin.

Malékuse 10:17

Yěsô gÿo ńtyé mánzsè ńne ńgee, atsɔ̌ nyìŋ kÿote ńtó ńkẅí’te mvfò yé, ńzɛ́te yé ngie: Tsítsà, gù zɔɔ kwà’ nyìŋ mbòŋo. Mèŋ n ge gÿo yɔ́ɔn lêkɔ́ tá gẅiin le gwɔ́ tèmì?

Malékuse 10:19

Ɔ̀ tè ne ḿmoŋe mbʉ̌ Ssé wɔ́. E Ssé la záb ngie: «Tè zẅé nyìŋ, ḿbɔ́ɔn légÿo gÿɛ́, tè jʉ, tè tÿɔ́g sóon twó nyìŋ, tè fʉte nyìŋ, ná mekù’ tá gù pɔ́ má gù»