Malékuse 1:21 - Nouveau Testament en Ngienboum

²¹ Pâ pɔ́ gÿo ńgʉa Kapernawúm, á gwɔ́ *lyɛ’ɛ́ nzsè pà Yuda, Yěsô gʉa *ndá cú’tè, ńzye lézí’i pʉ̀a nò Ssé.

Malékuse 1:21 Referans Kwoze

Malékuse 6:2

*Alyɛ’ɛ́ nzsè yɔ́b gÿo ńgwɔ́, á gʉa *ndá cú’tè pɔ́b, ńzye lézí’i pʉ̀a nò Ssé, pʉ̀a tà ńgyɔ́ɔn jú’u shwóŋè yé, ḿmɔɔn, ńně ńgɔɔn ngie: Nyìŋ wɔɔn aa ńgwɔ́ pá’ɔɔn ńdɔgɔ yɔɔn ntí menò fóo pɔ́ nzɔ̌? Yɛ̌ ntí legyè fóo nzɔ̌ mbwo yé, à piŋ ngǎ tá ńku’u légÿo yɔɔn ntí menò mmɔɔn mmɔɔn?

Malékuse 1:39

Á gɔɔn pú’u, ńgwá ńgiŋe jʉ’ ntsèm tsɛ̀ɛ pàga ngwòŋ Galilea ntsèm, ńkúu tsɛ̀ɛ *mendá cú’tè, éshwóŋó nò Ssé, ńkúu ńjwóŋo *messé tepòŋ mie é pue pʉ̀a.

Matio 4:23

Yěsô gÿo ne ńgwá ńgiŋe jʉ’ ntsèm tsɛ̀ɛ Galilea, ńzí’i pʉ̀a nò Ssé tsɛ̀ɛ *mendá cú’tè pà Yuda, ésá’a nkʉ̀ mbòŋo gẅie é shwóŋó pʉ̀a pá’ *lefùɔ Ssé ee pú’u, ńně ńgÿo nyìŋ gẅie à gẅiin pɔ́ yɛ̌ ntí guɔ wɔ́ ka yɛ̌ ntí *lɔ̌’ wɔ́, zeŋe

Megàŋ ntúm 17:2

Pɔl kúu tsɛ̀ɛ yɛ̌ *ndá cú’tè légyá pà Yuda, á gwɔ́ mà mbwo yé, ńgʉa wó té tsó nà lyɛ̌’ nzse pà Yuda sétá. Pâ pà Yuda ne ńtóŋo ŋwà’ne Ssé ńtúu nò ńnáa mǒ.

Megàŋ ntúm 18:4

Á gwɔ́ yɛ̌ lyɛ’ɛ́ nzse pà Yuda wɔ́, Pɔl gʉa *ndá cú’tè pɔ́b, éfa’a shÿó léshwóŋ pà Yuda pâ pà Gelekia nò tà pɔ́ jú’.

Matio 4:13

ńkúu Nǎzarɛd ńcʉa cʉa ńgʉa ńnéŋe Kapernawúm. Á gwɔ́ tÿǒsoŋ ńgwɔ́ ngʉ̀ŋe letʉŋ Galilea, á lá’ gie Zabuloŋ pɔ́ Neftali tÿɔ́’te yé ńnéŋe soŋ.

Lukase 13:10

Á gwɔ́ tsɔ́ *lyɛ’ɛ́ nzsè pà Yuda, Yěsô gwɔ́ *ndá cú’tè pà Yuda ńne ńda’te nò Ssé mbwo lá’.

Lukase 10:15

ńgʉa ná pi pʉ̀a Kapernawúm, pi kwǎŋ ngie Ssé ge kwé’e gẅi tà pi kúu léfaŋ ka? E shwóŋó gẅi ngie ngǎŋ, à ge sẅí’i gẅi sẅí’i, pi gʉa tà ńkúu lá’ mepfó ssé.

Lukase 4:16

Yěsô lá’ ńnéŋe tà ḿbiŋe Nǎzarɛd, á jʉ’ gie à la gú’u wó. Alyɛ̌’ɛ nzsé yɔ́b ku’. Á gʉa *ndá cú’tè pà Yuda pá’ aa ńzɔɔn ńgee. Afʉ̀’ ku’, á lu ssé létóŋo ŋwà’ne Ssé.

Malékuse 10:1

Yěsô fó jʉ’ó, ńcʉ́me mánzsè, ńdɔg shÿó Jẅidea, ńgʉa nà yetsɔ̌ nzǐŋ ntse Jurdeŋ. Alá’ gíŋe ńcú’te lejʉ́ŋ yé tà ńgyɔ́ɔn, á leen ńzye lézí’i wɔ́b nò Ssé pá’ à laa mà mbwo yé.

Malékuse 2:1

É cʉa lyɛ̌’ shÿɔ́’ɔ tsɔ́ wɔ́, Yěsô gíŋ ḿbiŋe Kapernawúm. Mé jú’ ngie aa ndá,

Malékuse 1:20

Yěsô gwóon ńtóŋo wɔ́b yɔ́b, pɔ́ leen ńnyé tá wɔ́b Zebede pâ ngàŋa fà’, á tsɛ̀ɛ kanú’, ńcʉ́me nzèm yé.

Malékuse 1:29

Yěsô pâ *ngàŋa kwò yé gÿo fó *ndá cú’tè ńkẅɛ, ńgʉa nê ndá pà Símo pɔ́ Ndeléya. Pâ Jâg pɔ́ Jâŋ pú ńgwɔ́.

Malékuse 1:33

Pʉ̀a tÿǒsoŋ ŋwɛ́ metsèm cú’te ncwò ndá.

Malékuse 3:1

Yěsô gÿo ńgíŋe ńgʉa tsɛ̀ɛ tsɔ́ *ndá cú’tè pà Yuda, atsɔ̌ nyìŋ gwɔ́ yé ndá ŋwɛ́, mbà pwó yé léen ńkwé.

Lukase 4:23

Yěsô tsɔ́’ɔ mbwo pɔ́b ngie: Pi ge gÿo pɛ́’ɛ tà sag né mèŋ ngie: Angÿò meffo zoŋo twó mbùm yé, ńgie mmó gie mèŋ n ka gÿo Kapernawúm, n gíŋe ńgÿo jʉ̀’ɔɔn á lá’ peg, tá pi zẅíŋe wɔ̀ɔn.