Malékuse 1:15 - Nouveau Testament en Ngienboum

¹⁵ Afʉ̀’ áa pá’ɔɔn, mbà á kǔ’ tà Ssé ge zye lényɛ Lefùɔ sé. Pi kúbe mà gẅí, ḿbiŋ ńzẅíŋ nkʉ̀ mbòŋo wɔɔn ŋwɛ́.

Malékuse 1:15 Referans Kwoze

Matio 3:2

Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte.

Matio 4:17

Yěsô gwɔ́ Kapernawúm pú’u, ńzye léshwóŋó nò Ssé, ńně ńgɔɔn ngie: Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte

Efeso 1:10

ńgwɔ́ ngie à fʉ̀’ ge lá’ gwɔ́ tà ku’, yé Ssé cú’te shúm ntsèm sie ée tÿǒ lepwó lâ sie ée ndùme ssé tsetsá’, é ná ntsèm ntsèm mbwo Kristo à ne sá’a pɔ́ gílé ye.

Megàŋ ntúm 20:21

ńdɔg pú’u, ńtóŋ pà Yuda, mbɔɔ pʉ̀a pie é té pà Yuda wɔ́, ńgie pɔ́ sele nnɛ́ ńcʉ́me nzèm Ssé, ńzáb ntʉ́m ná Cʉ̀apʉ̀a wege Yěsô.

Galatia 4:4

Tá’ afʉ̀’ gie Ssé la záb la gwɔ́ tà ńku’, á túmo Míŋ we. Á gwɔ́ tó manzwé zye yé. Á ne ńnéŋe ná pá’ *lepʉ̌ Mǒsê ně ńzɛ́te.

Lukase 10:9

Megàŋa guɔ gwɔ́ jʉ’ó pi gÿo pɔ́ zéŋe, ńgɔɔn mbwo lá’ ngie: Afʉ̀’ gie Ssé ge zye lényɛ *lefùɔ sé tsoté tà ńgwɔ́ lejʉ́ŋ pi.

Matio 10:7

Pi gʉa sá’ éshwóŋ pʉ̀a ngie: *Lefùɔ Ssé tsoté tà ne ḿbɔ́ɔnte.

Lukase 24:47

Á ne ńzɛ́te ngie mé lá’ ńdɔg lezíŋ sɔ́ɔn, ńgɔɔn nò Ssé mbwo lá’a lá’ ngie wɔ̌wɔ́ɔ kúbe mà we, e Ssé lege menò tepòŋ mé. Pú’u, é ké zye Yerósalem.

Lukase 10:11

Peg pú’u pfepfɔ́b gí nà mekwò még ngie à piŋ nzèm ńkúu twó pi, tá pi ke ńzsé ngie afʉ̀’ gie Ssé ge nyɛ lefùɔ sé tsoté tà ńgwɔ́ lejʉ́ŋ pi.

Roma 16:26

Á piŋ ńgwɔ́ fʉ̀’ɔɔn, mbà á kéen ńkẅɛɛ mángyɛ̌. Pá’ Ssé la tsẅi la, mé ée fʉ̀’ɔɔn ne fóo ná mmó gie pà *ntsẅì nkʉ̀ Ssé la ŋwe’e, ńne sá’a légwɔ́ gie pʉ̀a pie é té pà Yuda wɔ́ ge zsé Kristo, é záb ntʉ́m ná yé, é jú’ ncwò wé.

1 Timote 2:6

Kwà’ yé máŋwɛ́ la náa twó yé ńdɔg ńcu’ pʉ̀a metsèm mbwo legwé, ńdɔg pú’u, ńnyɛɛ ná fʉ̀’ gie e Ssé la záb ngie yé Ssé ne ńkwoŋo ngie epʉ̀a mesoŋ metsèm tsẅɛ́.

Titus 1:3

À la ńnéŋe tà fʉ̀’ ku’, à gÿo mé zsé légwɔ́ tèmì ŋwɛ́, éfó nà shwóŋè yé. Yé Ssé gẅie à gÿo pege tsẅɛ́, à la cʉ́me yɛ̌ shwóŋè mbwo mèŋ, ńgie mèŋ sá’a mbwo lá’.