Lukase 9:7 - Nouveau Testament en Ngienboum

⁷ Fùɔ *Herôd gẅie à lɔ̌ɔn sá’a pàga ngwòŋ Galilea jú’ mé kíme nò nà mefà’ mie mé ne fa’a nà lezíŋ Yěsô, á gege yé tɛ’, ńzɔɔn ńgwaa gwɔ́, epʉ̀a ne ńgɔɔn ngie Yěsô ŋwɛ́ aa Jâŋ gẅie à kéen ńzím.

Lukase 9:7 Referans Kwoze

Lukase 9:19

Pɔ́ pÿɛ ngie: Tsɔ́ pʉ̀a ne ngie ɔɔ Jâŋ Mbabtis, petsɔ́ ne ngie ɔɔ *Elîɛ, petsɔ́ ne ńgɔɔn ngie ɔɔ tsɔ̌ tà’ ná *pàntsẅì nkʉ̀ Ssé pe fʉ̀’e mvfò, gẅie à zǐm.

Lukase 3:1

Jâŋ míŋ Sakarîɛ lá’ ńtsẅé nkwòŋo tsẅɛ tà Ssé túmo yé ngie à gʉa shwóŋó nò yé. Á gwɔ́ ngù’ ayɛ̌, mbà Kása Tibɛr gẅie à la ne sá’a ngwòŋo ngwòŋ, mbà à neŋé nà lʉŋ ngù’ ntsɔ̀b tʉ̀a lê legém. Ponte *Pilato á gwɔ́ ngúmnɔ́ɔn pàga ngwòŋ Jẅidea, *Herôd á né sá’a pàga ngwòŋ Galilea, afɛ̌ we Filib á ně sá’a Itẅiria pɔ́ Telakonid, Lisanias á ně sá’a Abilɛn. Ánɔ́ɔn pɔ́ Kaifa gwɔ́ *metándá pànùŋe pwɔ́’.

Lukase 21:25

Á ge lá’ gwɔ́ fʉ̀’ó, mé gyá meliŋé kẅɛɛ ná nèm, ńkẅɛɛ ná saŋ mbɔɔ nà mecÿɔ́’saŋ. Ntse té pàa pʉe, ḿbú ńcu’ tà pʉ̀a metsèm pie pɔ́ ée ndùmo ssé tsetsá’ vege ḿbú ḿbɔ́g tɛ’.

Matio 11:2

Á gwɔ́ fʉ̀’o, Jâŋ Mbabtis gwɔ́ ndá ntsǎŋ, ńjú’ mé ne shwóŋó á na menò mie Yěsô gẅie aa Kristo ne ńgÿo. Á túm tsɔ́ *ngàŋa kwò yé ngie pɔ́ gʉa ńzɛ́te yé ngie,

Malékuse 8:28

Pɔ́ tsɔ́’ ngie: Etsɔ́ pʉ̀a ne ńgɔɔn ngie ɔɔ Jâŋ Mbabtis, Petsɔ́ ne ńgɔɔn ngie ɔɔ *Elîɛ, petsɔ́ pʉ̀a ne ńgɔɔn yɔ́b ngie ɔɔ tsɔ̌ tà’ ná *pantsẅì nkʉ̀ Ssé pe fʉ̀’ʉ mvfò.

Lukase 13:31

Yěsô ne ńgɔɔn pú’u, etsɔ́ pʉ̀a *farisay tó ńgɔɔn né yé ngie: Fó jʉ’ɔɔn ńgʉa, mélà’mie fùɔ *Herôd ne fa’a lézẅé ɔ́.

Lukase 23:7

Pɔ́ gɔɔn ngie oon. Á túmo Yěsô ńná né fùɔ *Herôd, mélà’mie yé zɔ lɔ̌ɔn sá’a yɛ̌ pàga ngwòŋ, ńgwaa gwɔ́, mbà à kà tǒ tà ńgwɔ́ Yerósalem ná mɛ̌ melyɛ̌’.