Lukase 9:51 - Nouveau Testament en Ngienboum

⁵¹ Afʉ̀’ gie Ssé ge kaa Yěsô lɔg piŋ ne tÿǒ lepwó gÿo ńku’, Yěsô gyá ngie á zebé pá’ à ge gʉa Yerósalem, ńdêen ńké ńdu ssé ńcʉ́me mánzsé té pɔ́g,

Lukase 9:51 Referans Kwoze

Malékuse 16:19

Cʉ̀apʉ̀a Yěsô la gɔɔn mbwo pɔ́b tà ńtẅé jʉ’, e Ssé ŋá’a yé ńdɔg ńkwɔ́’ lé tÿǒ lepwó. Á ńnéŋe nà gwoŋó pwó yé ye tʉ̀.

Lukase 18:31

Yěsô fâg *ngàŋa kwò yé ntsɔ̀b pʉ́a nê legém, pâ pɔ̌ tyé, á gɔɔn né pɔ́b ngie: Pi jú’ mboŋó, pege ee mánzsè ńne ḿbʉʉ né Yerósalem pá’ɔɔn, é kúu wó, akɔ́ɔkɔ́ɔ gie *pàntsẅi nkʉ̀ Ssé la ŋwe’e ńtí *Míŋ Nyìŋ wɔ́ à pumte.

Lukase 13:22

Yěsô la gíŋ ńtyé mánzsé ńne ńgee Yerósalem, ńcʉa nà metÿǒsoŋ lâ melá’ tà ńgyɔ́ɔn, ńgiŋe ńda’te nò Ssé mbwo pʉ̀a.

Lukase 17:11

Yěsô la nyé ńgwɔ́ pɔ́ mánzsé ńne ńgee Yerósalem, ńcʉa nà pàa lá’ pà Samalîɛ pâ pà Galilea.

1 Piɛ 3:22

À la kwɔ́’ né tÿǒ lepwó, ńnéŋe nà gwǒŋo pwó Ssé ye tʉ̀. Àa fʉ̀’ɔɔn ńne sá’a *mecÿɔ́’ Ssé ntsèm, ńne sá’a kɔ̀ɔkɔ́ɔ gie á sá’a njÿó, ésá’a metʉ̀ ntsèm mie ée tÿǒ.

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.

Heber 6:20

Á nue Yěsô la vɔg ńkúu wó ńtí wégè. À piŋ ńgwɔ́ wó fʉ̀’ɔɔn, ńgwɔ́ nùŋe pwɔ́’ wege we lÿò, á nà ngù’u nkɔ́ɔn nê nkɔ̌ɔn, á nà ntí ye Melekisedeg.

1 Timote 3:16

Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

Efeso 1:20

Mɛ̌ metʉ̀ ée mie e Ssé la lɔg ńgÿo Kristo zíme tsetsɛ̀ɛ mepfó, á lɔg ńgÿo á kwɔ́’ né tÿǒ lepwó ńnéŋe nà gwoŋó pwó yé, ye tʉ̀.

Megàŋ ntúm 1:9

Yěsô la gɔɔn yɔɔn nò tà ńtsẅé jʉ’, pɔ́ tyé ńnyé ne ńdíe yé líe, á kwɔ́’ le tÿǒ. Tsɔ́ melɔ́ɔn pwoon yé, á pyéte menÿɔ́g pɔ́b.

Megàŋ ntúm 1:2

ńgʉa ńkúu na lyɛ̌’ gie à la kwɔ́’ né tÿǒ lépwó. À la gwɔ́ kwɔ́’, ńcʉa na Zẅìge Ndʉalʉ̌a, ńtsẅii mmó gie ngàŋ ntúm gie à la tsɔ́’ ge cʉ́’ʉ ně gÿo.

Ŋwà’ne Jâŋ 17:11

Áa nà fʉ̀’ɔɔn, á cʉ́’ʉ méjʉ’, ń de gíŋe ńgwɔ́ tsɛ̀ɛ njÿó wɔ́, á nue mèŋ n ge piŋ ne lejʉ́ŋ gù. Tá ńgʉa ná pɔ́b, mbà pɔ́ ké ńnyé ńgwɔ́ pɔ́ tsɛ̀ɛ njÿó. Tá wɔ̀ɔn ée ndà’ gú ńgwɔ́ Ssé, lɔg metʉ̀ mú, é metʉ̀ mie ɔ̀ la náa mbwo mèŋ la, ḿbyɛ́bɛ wɔ́b, ńzsé ngie pɔ́ ge gwɔ́ tà’ nyìŋ ndʉŋ ndʉŋ pá’ pɔgɔ ée tà’ nyìŋ la.

Ŋwà’ne Jâŋ 16:28

Mèŋ n da fóo mbwo Tá wɔ̀ɔn, ńtóo tsɛ̀ɛ njÿó, mèŋ m biŋ ńgwɔ́ fʉ̀’ɔɔn ńne fóo tsɛ̀ɛ njÿó ńgee ne ńtsɛ́ Tá wɔ̀ɔn.

Ŋwà’ne Jâŋ 16:5

Mèŋ n gee fʉ̀’ɔɔn pá’ɔɔn, ńgee né lejʉ́ŋ Nyìŋ gẅie à la túmo wɔ̀ɔn. Mèŋ ne ńgee, atsɔ̌ nyìŋ gẅi kě kaa zɛ́te wɔ̀ɔn ngie: Ɔ̀ gee pɔ́ nê nzɔ̌ wɔ́ wɔ́?

Ŋwà’ne Jâŋ 13:1

Á la cʉ́’ pɔ́ pá’ njÿó ge lʉ́a mé jÿó línɔ́ɔn *Páskà, Yěsô ne ńzsé ngie ayé fʉ̀’ kǔ’ pá’ à ge fó tsɛ̀ɛ yɔɔn njÿó é gʉa kẅɛ́te Tá we. Pá’ yé Yěsô lɔ̌ɔn ńkwoŋo pʉ̀a pie ée tsɛ̀ɛ njÿó ńgwɔ́ pé la, á kẅi’i ńkwoŋo wɔ́b tà ńcʉ́me.

Ŋwà’ne Jâŋ 6:62

Tà pi lɔɔn ńgwɔ gyá *Míŋ Nyìŋ gíŋe ńkwɔ́’ ńgʉa né jʉ’ gie à la zɔɔn ńgwɔ́ wó, pi gÿo pɔ́ lêkɔ́?

Lukase 24:51

Á ne ńnéŋe mbʉ́lè ná pɔ́b pú’u, ńně ńkwɔ́’ɔ ńgee nê tÿǒ lepwó.

Lukase 19:28

Yěsô gɔɔn yɔɔn sagá nò mbwo lá’ tà ḿmag, ńcʉa ńgwɔ́ mvfò, ńně ḿbʉʉ né Yerósalem.

Lukase 19:11

Yěsô ne ńgɔɔn nò, alá’ ne ńzẅí’te tà ńgwóon ńně ńkwaŋa ngie *lefùɔ Ssé é ge gwóon tó pɔ́ fʉ̀’ó, ńzɔɔn ńgwaa gwɔ́, mbà à gʉ̌a tà ńcʉ́’ n gee pɔ́ lékúu Yerósalem. Yěsô lɔg sagá nò ńgɔɔn né pɔ́b ngie:

Lukase 12:50

Á ne ńzɛ́te ngie mé gÿo ńnu’u wɔ̀ɔn tsɛ̀ɛ ngɔ́’ pá’ mé nu’u nyìŋ ntse la. Yɛ̌ lyɛ̌’ lɔɔn ńdá’ ńnyé té tɔ́g, mèŋ n de mboŋó jú’!

Filipo 3:14

Mèŋ n gee mánzsè ńtsaa pɔ́ ndʉ̌ lékúu jʉ’ gie n gee wó ńkẅé ntsɔ’ɔ́ fà’ gẅie e Ssé la ka’ lénáa mbwo pege á tÿǒ lepwó ńtí nò gie Kristo la kwé nà twó ségè.

Lukase 9:57

Pɔ́ gwɔ́ mánzsé ńne ńgee, tsɔ̌ nyìŋ tó, ńgɔɔn né Yěsô ngie: Ɔ̀ ge gʉa nzɔ̌ wɔ́, mèŋ n ké ńgwɔ́ pɔ́ nzèm gù.