Lukase 9:5 - Nouveau Testament en Ngienboum

⁵ Nzɔ̌ nzɔ̌ gie pi kǔ wó mé lʉ́’ʉ lékúe gẅí, pi fó wó, ńgwɔ gʉa ḿbú’u pfepfɔ́b mekwò pi lélɔg shwóŋó wɔ́b ngie á cʉ́’ʉ ńdíe pɔ́ wɔ́b.

Lukase 9:5 Referans Kwoze

Megàŋ ntúm 18:6

Tá pà Yuda tiŋ pɔ́ ndʉ̀’, ńzoonte Pɔl. Á lêen ńcʉ́’ ḿbú’ pɔ́ pfepfɔ́b nà menzsǒ mé, ńgɔɔn né pɔ́b ngie metse mí lɔɔn ḿpfɛte twó pi, mbà yɔ́ɔn nò té mǒ wɔ́. Mèŋ n gee fó fʉ̀’ɔɔn, é cʉ́’ʉ shwóŋó nò Ssé pɔ́ mbwo pʉ̀a pie pɔ́ té pà Yuda wɔ́.

Megàŋ ntúm 13:51

Pɔl pɔ́ Panebâse gwaa fó lá’ ŋwɛ́ kẅɛ, ḿbú’u pfepfɔ́b nà mekwò mɔ́b lélɔg shwóŋó wɔ́b ngie á cʉ́’ʉ ńdíe pɔ́ wɔ́b, ńdeen ńké ńgʉa lê Ikonium.

Malékuse 6:11

Pʉ̀a tsɔ́ lá’ lɔɔn ńdʉ’ʉ lékúe gẅí, ńdʉ’ʉ lé jú’u shwóŋè gí, pi fó wó ńgwaa gʉa, ḿbú’u pfepfɔ́b mekwò pi, lélɔg ńnyɛɛ wɔ́b ngie nò gie pɔ́ gÿǒ, á cʉ́’ʉ ńdíe pɔ́ wɔ́b.

Lukase 10:16

Yěsô gíŋe ńgɔɔn mbwo *ngàŋa kwò yé ngie: Nyìŋ lɔɔn ńzẅíŋe shwóŋè gí, mbà à zẅiŋe pɔ́ shwóŋè yɔ́ɔn. Nyìŋ lɔɔn ńdʉ’ʉ gẅí, mbà à lʉ’ʉ pɔ́ wɔ̀ɔn, ńdɔ́gɔ pú’u, ńdʉ’ʉ nyìŋ gẅie à la túmo wɔ̀ɔn

Lukase 9:48

ńgɔɔn mbwo *ngàŋa kwò yé ngie: Nyìŋ lɔg lezíŋ sɔ́ɔn, ńkúe mûɔ mémúɔ wɔɔn, mbà ngàŋ kúe pɔ́ wɔ̀ɔn. Nyìŋ piŋ ńkúe wɔ̀ɔn, mbà à tě ńkúe pɔ́ wɔ̀ɔn ndà’ wɔ́, à kúe pɔ́ nyìŋ gẅie à la túmo wɔ̀ɔn. Pi zsé mboŋó ngie nyìŋ gẅie aa tsetsɛ̀ɛ pi à tè nyɛ nnɛ́ wɔ́ zɔɔ kwà’ ndÿò

Malékuse 9:37

Nyìŋ lɔg lezíŋ sɔ́ɔn, ńkúe mûɔ memûɔ pá’ wɔɔn lɔɔn, mbà ngàŋ kúe pɔ́ wɔ̀ɔn. Nyìŋ piŋ ńkúe wɔ̀ɔn, mbà ngàŋ tě ńkúe pɔ́ ndà’ wɔ̀ɔn mɔ́, à kúe pɔ́ nyìŋ gẅie à la túmo wɔ̀ɔn.

Lukase 5:14

Yěsô tɔ’ɔ yé ngie: Pɔ́ɔn lékím tà shwóŋó nyìŋ, gʉa ńnyɛ pɔ́ mbùm ɔ̀ mbwó *pànùŋe pwɔ́’ ḿbiŋ ńnáa mmó gie *lepʉ̌ Mǒsê ne ńzɛ́te mbwo nyìŋ gẅie nkà’ magá ná ye, pʉ̀a metsèm lêen ńké ńzsé ngie ɔ̀ zeŋé

Matio 10:18

Mé ge lá’ ŋaga gẅi á mvfò pà ngumnɔ́ɔn lâ mefùɔ melá’ mɔ̀ɔn. Pi lɔg ńgẅiin shÿó lélɔg shwóŋó wɔ́b mbɔɔ pàte zsě Ssé, á nyìŋ gẅie méŋ n gee wɛ̌.

Lukase 9:4

Pi gʉa tà ńkúu jʉ’, mé gɔɔn ngie pi lá’a tsɛ̀ɛ yɛ̌ ndá wɔ́, pi ke ńtsẅé pɔ́ ndá ŋwɛ́ tà ńdá’ ńgʉa.