Lukase 9:3 - Nouveau Testament en Ngienboum

³ ńgíŋe ńgɔɔn né pɔ́b ngie: Tà pi gwɔ gʉa ńgẅiin mmó. Tà nyìŋ tẅi’i tÿǒ, tà nyìŋ píi pɔ̀ɔn, tà nyìŋ tsẅága mmó léjÿó, tà nyìŋ pí nkáb, tà nyìŋ ma’ menzsǒ mémbʉ́a.

Lukase 9:3 Referans Kwoze

Lukase 22:35

Yěsô piŋ ńzɛ́te *ngàŋa kwò yé ngie: Pi kímte fʉ̀’ gie n da túmo gẅi ngʉ̀a shʉ̀shʉ̀a, pi la gʉa té mûɔ pɔ̀ɔn, té pɔ̀ɔn lyɛb, té melɔ̌ɔn, pi ké ńtsẅé ńgiŋe pé’e, ńdá’ ńzága kɔ́? Pɔ́ gɔɔn ngie ngǎŋ, ammó la tè zág.

2 Timote 2:4

Nyìŋ vɔg tà ńgwɔ́ tsẅɛ̀ɛ ncù, ńdege kɔ̀ɔkɔ́ɔ gie á ne ńdíe yé mbʉ̀a, ńzsé ngie à ge cʉ́’ʉ gÿo pɔ́ mmó gie á ge poŋo tándá wɔb.

Lukase 12:22

Yěsô gíŋe ńgɔɔn mbwo *ngàŋa kwò yé gie: N dɔgɔ shwóŋó gẅi ngie tà pi ńnéŋe ḿbú’u mbùm gí nà nò mmó léjÿó ngie: Peg ge pfɛ́ɛ kɔ́? Tà pi pú’ mbùm gi nà nò nzsǒ ngie: Peg ge ma’a kɔ́?

Lukase 3:11

Á tsɔ́’ɔ mbwo pɔ́b ngie: Nyìŋ gẅi lɔɔn ńgẅiin menzsǒ mémbʉ́a, á náa tà’ mbwo nyìŋ gẅie à zɔɔn tè tsɔ̌ gẅiin. Nyìŋ gẅie à gẅiin mmó mpfɛ̌, náa ye nyìŋ gẅie nzyè ne ńgyáŋa yé.

Lukase 12:28

Tà Ssé lɔɔn ḿma’ nzsǒ mbòŋo nà legǐ gẅie à zɔgɔ́ nká’ lyɛ̌’ɔɔn, njÿó lʉ́a mé kɔ́’ ńtuɔ mmɔ̌g, mbà á ge kúu ná pi tá à zág nzsǒ lá? Pi tè záb ntʉ́m nà Ssé fʉ̀’ ntsèm wɔ́.

Lukase 5:29

Lěvi gÿo ńtóŋo máamáa línɔ́ɔn ndá yé ńtí Yěsô. Pàkẅé ncùb tó tà ńgyɔ́ɔn tà mbàa petsɔ́ pʉ̀a pie pà Yuda lɔ́ɔn ḿbú ńtóŋo wɔ́b apɔ̌ le pʉ̀a tepòŋ. Pâ Yěsô pú ne ńteme ńjÿó shúm.

Malékuse 6:7

Afʉ̀’ gÿo ńku’, á tóŋ pʉ̀a pé ntsɔ̀b pʉ́a nê legém, ńzye létúmo wɔ́b mépʉ́a mépʉ́a, ńná metʉ̀ mbwo pɔ́b lélɔg ńjwoŋ *messé tepòŋ mie é gwoon pʉ̀a ḿbúe wɔ́b,

Lukase 9:4

Pi gʉa tà ńkúu jʉ’, mé gɔɔn ngie pi lá’a tsɛ̀ɛ yɛ̌ ndá wɔ́, pi ke ńtsẅé pɔ́ ndá ŋwɛ́ tà ńdá’ ńgʉa.