Lukase 9:16 - Nouveau Testament en Ngienboum

¹⁶ Yěsô pí mbelég yɛ̌ mbu’ú ntʉ̀a lê messó mɛ̌ mbàŋ pʉ́a, ḿbʉ’ʉ twó yé ńdíe tÿǒ, ésíe Ssé mǒ, ńne ḿbwɔ́’te ńnáa mbwo *ngàŋa kwò yé, légwɔ́ gie pɔ́ gaba mbwo lá’.

Lukase 9:16 Referans Kwoze

Matio 14:19

ńgɔɔn pú’u, ńtsẅii mbwó lá’ ngie: Pɔ́ pwɔ́’ɔ legǐ ńnéŋe mǒ, ḿbí mbelég ayɛ̌ mbu’ú ntʉ̀a, nê messó mɛ̌ mbaŋ pʉ́a, ḿbʉ’ʉ twó ńdíe tÿǒ, ésíe Ssé, ḿbwɔ́’te ńnáa mbwó *ngàŋa kwò yé, pɔ́ gaba mbwó lá’.

Lukase 24:30

Afʉ̀’ʉ léjÿó shúm gÿo ńku’, pɔ́ ńnéŋe ssé, á pí mbelég, ńná ndǎg mbwo Ssé, ḿbwɔ́’te ńná né pɔ́b.

Matio 15:36

ńdeen ńké ńkẅé mbelég ŋwɛ́ mbu’ú sɔɔn mbʉ́a lê messó má, ńná ndǎg mbwó Ssé, ḿbwɔ́’te ńnáa mbwó *ngàŋa kwò yé, pɔ́ gaba mbwó lá’.

Roma 14:6

Nyìŋ gẅie à gẅiin tyɛ’te ná melyɛ’ɛ́ lá’, à gÿo tyɛ’te pú’u, pɔ́ lélɔg ńgu’te Cʉ̀apʉ̀a. Nyìŋ gẅie à gyá kɔ́ wɔ́ ńgwɔ́ à pfɛ́ yé pfɛ́, à pfɛ́ pú’u, pɔ́ lélɔg ńgu’te Cʉ̀apʉ̀a, á nue à ne ńnáa ndǎg mbwo Ssé mǒ. Nyìŋ gẅie à piŋ tè gyá kɔ̀ɔkɔ́ɔ ḿpfɛ́ pfɛ́ wɔ́, à tè pfɛ́ pú’u, á gwɔ́ pɔ́ lélɔg ńgu’te Cʉ̀apʉ̀a. Á giŋé ńne ńnáa yé ndǎg mbwo Ssé.

Megàŋ ntúm 27:35

Pɔl gɔɔn pú’u, ḿbí mbelég, ńtyé mvfò pʉ̀a metsèm, ńná ndǎg mbwo Ssé, ḿbwɔ́’, ńzye lépfɛ́.

Ŋwà’ne Jâŋ 6:23

Etsɔ́ mekanú’ piŋ fó Tiberiad, ńtóo jʉ’ gie Yěsô ka tyé wó, ńná ndǎg mbwo Ssé nà mbelég, ńgábte mé pfɛ́ la.

Ŋwà’ne Jâŋ 6:11

Yěsô pí mbelég, ńná ndǎg mbwo Ssé, ńgába mbwo lá’, ńgíŋ ńgÿo pɔ́ pú’u nà messó, wɔ̌wɔ́ɔ pfɛ́ɛ mmó pá’ à kwǒŋ.

Lukase 22:19

À la gíŋe ḿbí mbelég, ńná ndǎg mbwo Ssé, ḿbwɔ́’ ńgwaa náa mbwo *ngàŋa kwò yé ńgɔɔn ngie: Yɔɔn ee mbùm nnɛ́ yɔɔn [mie mé nǎ nà twó sí. Pi cʉ́’ ne ńgÿo pá’ɔɔn ńdɔ́gɔ ńkímte wɔ̀ɔn.

1 Korento 11:24

ńná ndǎg mbwo Ssé, ḿbwɔ́’ ńgɔɔn ngie: Yɔɔn ee mbùm nnɛ́ yɔɔn mie mé náa ná twó sí. Pi cʉ́’ ńne ńgÿo pá’ɔɔn ńdɔgɔ ńkímte wɔ̀ɔn.

1 Korento 10:30

Mèŋ n dɔɔn ńgwaa jÿó mmó léjÿó, ńzɔɔn ḿvɔg ńná ndǎg mbwo Ssé, mbà mélà’a kɔ́ nyìŋ ndyɛ̀’ɛ ge tém shʉ́ ná mèŋ tí yɛ̌ mmó tá mbà mèŋ n gwaa jÿó, ńná ndǎg mbwo Ssé?

Malékuse 7:34

ńdeen ńké ḿbʉ’ʉ menÿɔ́g mé ńdíe tÿǒ, ńzẅi, ńgɔɔn ngie: “Effata”! Ńdɔgɔ ńgɔɔn ngie: Tsɔ́’ɔ!

Lukase 9:15

Pɔ́ gÿo pɔ́ ńnéŋe ssé.

Lukase 9:17

Alá’ pfɛ́, ńzẅɛ́, mé lágte pfwɔ’ á lúe metǔŋ ntsɔ̀b pʉ́a nê legém.