Lukase 9:11 - Nouveau Testament en Ngienboum

¹¹ Alá’ zsé, ńcʉ́me nzèm ye. Á meen ńzẅíŋ, ńgíŋe shwóŋó wɔ́b nò nà *lefùɔ Ssé, ḿbiŋ ńgÿo pʉ̀a metsèm pie é la ne ńtsɔ́ɔn lézeŋe zeŋe.

Lukase 9:11 Referans Kwoze

Heber 4:16

Pú’u la, tà pege mʉ́’te lésẅɛ’te nnɛ́ ńgʉa nê jʉ’ gie lʉŋe *lefùɔ Ssé áa wó, lélɔg pú’u, ńgwɔ́ lejʉ́ŋ yé Ssé gẅie à gẅiin pòŋo ntʉ́m. Pege sẅɛ’te nnɛ́ pú’u, tá Ssé tsɔ́ɔn mezìŋe mégè, ńnyɛɛ wégè pòŋo ntʉ́m yé, ńne ńkẅéte wégè ná fʉ̀’ gie pege zagá légÿo.

2 Timote 4:2

Ɔ̀ tsẅi nkʉ̀ mbòŋo nò Ssé, ńtyé pɔ́ nzɔ̌ wɔ́ ńcwoŋo ńgɔɔn gɔɔn, kà á gwɔ́ pɔ́ jʉ’ gie mé ee wó ńne ḿbyɛ́bɛ ngie mé gɔɔn wɔ́, kà pɔ́ jʉ’ gie mé té wó ńne ḿbyɛ́bɛ wɔ́ wɔ́, ɔ̀ gɔɔn gɔɔn. Nyìŋ fʉa nò ɔ̀ kaga yé nà ntí gie à ge jú’, ńkẅiŋte yé légÿo nò mbòŋo. Gwáa gÿo pú’u, ńdɔg pɔ́ kwɔ́gɔ nnɛ́ ḿbiŋ ne ńzí’i pʉ̀a mmó.

Roma 15:3

Kristo la zɔɔn tè fa’ pɔ́ mmó gie á poŋ pɔ́ ndà’ yé wɔ́. Tà ńcʉ́’ pú’u, mbà à la zẅíŋe mmó gie mé gɔɔn tsɛ̀ɛ ŋwà’ne Ssé ngie: «Nzòon pà zoonte gú la gwe twó mèŋ».

Roma 10:14

Tá’ ngwɔ́ pʉ̀a le záb ntʉ́m ná Cʉ̀apʉ̀a wɔ́, ńgÿo lêkɔ́ tá ńdʉa ńtóŋo yé? Ngwɔ́ pʉ̀a piŋ ńgÿo lêkɔ́ ńzáb ntʉ́m ná Cʉ̀apʉ̀a té gwɔ́ gie pɔ́ jǔ’ pá’ nyìŋ shwóŋó nò Cʉ̀apʉ̀a á mbwo pʉ̀a? Ngwɔ́ pʉ̀a piŋ ńjú’ pá’ mé shwóŋó nò Cʉ̀apʉ̀a lêkɔ́, té gwɔ́ gie nyìŋ gẅie à ge shwóŋó nò Cʉ̀apʉ̀a àa wó?

Megàŋ ntúm 28:31

Á ne sá’a shwóŋó pʉ̀a mmó gie *lefùɔ Ssé ée sɛ̌, ḿbiŋ ńcwoŋo ńzí’i wɔ́b nyìŋ gẅie Cʉ̀apʉ̀a Yěsô Kristo aa yé pɔ́ shʉ̀ashʉ̌a, atsɔ̌ nyìŋ piŋ ńké tè yé tɔ’.

Ŋwà’ne Jâŋ 6:37

Awɔ̌wɔ́ɔ gẅie Tá wɔ̀ɔn nǎ mbwo mèŋ wɔ́, à ge tó tsɛ́ɛ wɔ̀ɔn. M biŋ ńké le lá’a tsɔ́ lyɛ̌’ ńkẅile nyìŋ gẅie à tǒ ńtsɛ́ɛ wɔ̀ɔn, ńnáa pǐ wɔ́.

Ŋwà’ne Jâŋ 4:34

Yěsô gɔɔn mbwo pɔ́b ngie: Ayɔ́ɔn mmó léjÿó gwɔ́ pɔ́ légÿo mmó gie nyìŋ gẅie à ka túmo wɔ̀ɔn à ne ńkwoŋo, mbɔɔ lémege fà’ gie à ka nǎ né mèŋ.

Lukase 9:2

Ńdêen ńké ńtúmo wɔ́b ngie pɔ́ gʉa shwóŋ pá’ nò *lefùɔ Ssé áa pú’u, ńgíŋ ńgÿo megàŋa guɔ zeŋe,

Lukase 8:10

Á gɔɔn mbwo pɔ́b ngie: E Ssé la gÿo ngie pi pɛ zɔ zsé nò nénʉ́ nà lefùɔ sé sie ée lelyěen. Tá á gʉa ná petsɔ́ pʉ̀a pɔ́ jú’ yɔ́b pɔ́ ndà’ sag legʉa, ńké tè jú’u mmó gie mé lɔgɔ ńgɔɔn wɔ́. Á lɔgɔ ḿbumte ná pá’ mé la ŋwe’e tsɛ̀ɛ ŋwà’ne Ssé ngie: «Pɔ́ ge ne líe jʉ’ pɔ́ le gyá, é ne jú’u, pɔ́ le jú’ tà ńjú’ wɔ́»

Lukase 8:1

Yěsô gÿo ne ńgwá ńgiŋe tsɛ̀ɛ metÿǒsoŋ mbàa tsɛ̀ɛ melá’ ńtsẅii Nkʉ̀ Mbòŋo ńdɔgɔ ńda’te pá’ nò *lefùɔ Ssé áa pú’u. Pâ *ngàŋ ntúm yé ntsɔ̀b pʉ́a nê legém gwɔ́ nùɔ.

Lukase 5:31

Yěsô saga mbwo pɔ́b ngie: Ngwɔ́ nyìŋ le gwɔ́ ntentʉ́ ńgʉa fa’a ńgÿò meffo wɔ́. Nyìŋ guɔ tá fa’a yé.

Lukase 1:53

À kéen ńdɔg shúm mbòŋo ńjÿɔ́g megàŋa nzyè, ńjwoŋ megàŋa mmó pɔ́ gʉa mbwo mesẅɛ̀ɛ

Matio 21:43

Áa pú’u, tá mèŋ shwóŋó gẅi ngie mé ge kẅé jʉ’ʉ gí tsɛ̀ɛ *lefùɔ Ssé, é náa mbwó tsɔ́ túm gie á ge gÿo mmó gie e Ssé ne ńkwoŋo. [

Matio 21:31

Àwɔ̌ nà penkʉ́ pɔɔn mépʉ́a la gÿo mmó gie tá wɔ́b ne ńkwoŋo? *Mentándá pànùŋe pwɔ́’ pâ melÿò tsɛ̀ɛ lá’ tsɔ́’ ngie: Aa ndùŋ mvfò. Yěsô leen ńké ńgɔɔn né pɔ́b ngie: Mèŋ shwóŋó gẅí, kwà’ nénʉ́, pàkẅé ncùb pà *Roma pâ pàkáa tÿǒ pànzwě ne njÿó pì *lefùɔ Ssé ńcʉa gẅí,

Matio 14:14

Á kúu jʉ’ó, éfó tsɛ̀ɛ kanú’ ńkẅɛ, ńgyá nùɔ lá’, mezìŋe mɔ́b kúu yé. Á zye légÿo megàŋa guɔ pie ée tsetsɛ̀ɛ pɔ́b zeŋe.

Roma 10:17

Pege lɔgɔ pá’ɔɔn ńgyá ngie, lézáb ntʉ́m ná Kristo à fóo pɔ́ nà nkʉ̀ gẅie nyìŋ jǔ’. Nyìŋ gwaa jú’ wɛ̌ kʉ̀, mbà nyìŋ tsẅǐ.

Matio 12:15

Tá Yěsô gwɔ́ tà ńzsé, éfó jʉ’ó ńgʉa. Àlá’ cʉ́me nzèm yé tà ńgyɔ́ɔn. Á gÿo megàŋa guɔ ntsèm pie é laa tsɛ̀ɛ nùɔ lá’ zeŋe.

Lukase 9:10

Megàŋ ntúm Yěsô piŋ nzèm, ḿbíte pá’ pɔ́ lɔ̌g fa’ pú’u, éshwóŋó yé. Yěsô jú’, ḿbiŋ faga wɔ́b, pâ pɔ̌ tsẅe nùɔ, ńgʉa lê shÿó tÿǒsoŋo Mbetsayida.

Lukase 9:12

Nzèm gÿo ne síŋe, megàŋa kwò Yěsô ntsɔ̀b pʉ́a nê legém tó ńgɔɔn né yé ngie: Pege ee jʉ’ɔɔn pá’ɔɔn nkwòŋo tsẅɛ, tsẅii alá’ gʉa mémbʉ̀a éfa’ shúm ḿpfɛ́, ńgíŋe fa’a jʉ’ ye lela’á.